Warekaia Iteraera 19:19 - Te B'aib'ara

¹⁹ Ngkana e tia aei n te katenua ni bong, ao n te kaitiua ni bong, ao kam a itiaki. Ao i mwiina, kam na tebokingkami, ma ni uati ami kunnikai, ao kam a kona n taromauri nakon te tairiki anne.

Warekaia Iteraera 19:19 ပူးပေါင်းရင်းမြစ်များ

Karikani B'aai 2:2

Ao e bane ana m'akuri te Atua n te kaitiua ni bong, ao E toki ni m'akuri iai.

Te Otinako 19:10

ao E taku te UEA nako ina, “Ko na nakoia aomata ao n tuangiia b'a a na kabanea te bong aei ao te ingabong ni kaitiakia i bukin te taromauri. A na riai ni uati kunnikaia,

Etekiera 36:25

N na tatauringkami n te ran ae e itiaki, ao kam na riki n tau i buku. N na teboki ni kanakoi b'aai ni kabane akana a kabaarekaingkami, ao N na kanakoi ami bouannanti aika a rangi n ribaaki.

Nakoaia Ibonga 14:7

E na tatauriia iai te aomata are e na kaitiakaki man aorakina n te raraa arei itiua te tai, ao i mwiina e na katanoataa te aomata anne b'a e a itiaki. Ao e na anaa te man are temanna ni kakibanakoa.

Nakoaia Ibonga 14:9

Ngkana e a koro itiua te bong, ao e na manga korobuataua atuuna, ma buaina, ma ana ari, ao buraen rab'atana ni kabane; e na uatiia kunnikaina man teboka rab'atana, ao e a tib'a itiaki raoi.

Warekaia Iteraera 19:12

Ma ngkana kam tebokingkami n te ran are e renganaki ma mannangin te kao n te katenua ni bong, ao manga n te kaitiua ni bong, ao kam na itiaki, ao ma ni kariaiakaki naba n taromauri. Kam na riai n tebokingkami ni boong aikai, ma kam na teimatoa ni kam'ara ngkana kam aki.

Warekaia Iteraera 19:13

Ngkana tao arona b'a kam riinga rab'atan te mate, ao kam rawa n tebokingkami n te ran are renganaki ma mannangin te kao, ao kam na boni bure iai ni kam'araea au Um'antabunrianna, ao kam na aki atongaki b'a Iteraera.

Warekaia Iteraera 19:18

E na manga kateboa m'aangan te kai ae te utob'a n te ran ma te mannang te aomata naba anne, ao i mwiina, e na tatauriia iai te auti n rianna ma b'aai ni kabane ake i nanona, n reitaki naba ma aomata ake i nanona. Ngkana kam a tia n riinga riin te aomata, ke te ruanimate, ke te mate, ao kam na tataauriaki naba n te ran anne.

Warekaia Iteraera 31:19

Ao e taku Moote nakoia tautia, “Ngkana kam tiringiia aomata ni kabane, ke n riinga rab'atan te mate, ao kam a kam'araa, ao kam na tiku i tinanikun te maeka i nanon itiua te bong. Ao kam na kaitiakingkami n te katenua ni bong, ao te kaitiua ni bong ngkami ma ami taenikai.

Warekaia Iteraera 31:24

Uaati ami kunnikai n te kaitiua ni bong, ao i mwiin anne, kam a itiaki ao kam a kona n okira te maeka.”

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

Ebera 10:22

ao ti na kaania te Atua ma nanora ni koaua ao n ataakin raoi te onimaki, ngkai a tia ni kaitiakaki nanora man namakinani mwin te bure are ti taonaki iai, ao a tia rab'atara n tebokaki n te ran ae itiaki.

1.Ioane 1:7

ma ngkana ti nakonako n te oota n ai arona ngkae E mena n te oota, ao ti i raorao i roura, ao e kaitiakiira raraan Iesu are Natina man te buakaka ni kabane.

Iuta 1:23

Kam na kamaiuia tem'angina ni buritiia man te ai; ao kam na nanoangaiia tem'angina ma te maku, ma kam na ribai aia kunnikai aika kabarekaki n aia kaib'ab'aru aika kam'ara.