Warekaia Iteraera 18:8 - Te B'aib'ara

⁸ Ao e taku te UEA nakon Aaron, “I a tia n anganiko taiani b'aintangira ma taiani karea ake a uoti nako Iu Iteraera b'a ami b'ai. Ao man te tai aei nakon taai aika na roko ko na b'aina m'akoron te karea ni kab'arabure natim mm'aane, ao kanoam,

Warekaia Iteraera 18:8 ပူးပေါင်းရင်းမြစ်များ

2.Uea 12:16

A aki kamanenaaki n te Tembora m'aane ake taian tuua ake a kaairaki ma taian karea i bukin kaetani b'aai, ao karea naba i bukin buure. A b'ainaki m'aane aikai ti irouia ibonga.

2.Rongorongo 31:4

E tuangiia kaain Ierutarem b'a a na uoti aia angab'ai ake a na anganaki taian ibonga ao kanoan Rewi, b'a a aonga n reke aia tai ni m'akuri i bukin te UEA n aia m'akuri.

2.Rongorongo 31:5

Ao n te tai are a bon tib'a ongo iai aomata te b'ai are e tangiria te uea, ao a uoti naba kabwian aia b'ai ni kabane, n reitaki ma aia kabanea n raoiroi n uita, wain, b'aan te oriwa, ana karewe te manibeeru, ao uaan aia tawaana riki tabeua.

Te Otinako 28:43

A na riai ni karin aia kawaerake kororo aikai, ngkana a rin n te Um'antabunrianna ke ni m'akuri n te baonikarea ngkana a rin n te Tabo are e Tabu, b'a a kaawa n reke n te bure ao a mate. E na b'ainaki naba te tua aei nakoia aia kariki nako akana a m'akuri b'a ibonga ngaiia.

Te Otinako 29:21

Ao i mwiina, anaa teutana te raraa man te baonikarea, ao renganna ma te oera are e kamanenaaki i bukin te katabutabu, ao tatauriia iai kunnikain Aaron, ao kunnikaia naba natina mm'aane. E na kaotaki iai b'a a tia ni katabuaki ma aia kunnikai nako Iu.

Te Otinako 29:28

ao e na aranaki te irikoniman b'a au b'ai, ma e na riai ni kanaki irouia ibonga. E na aki manga bitaki te tua aei.

Te Otinako 29:29

E na kakaawakinaki kunnikain Aaron n ibonga nakon rooro nako ae na manga onea mwiina n riki b'a te ibonga ae rietaata,

Te Otinako 40:13

Karina kunnikain Aaron are te kunnikai n ibonga ao katabua, b'a e boni kaokoroaki iai n te aro anne b'a e aonga ni kona n riki b'a Au ibonga.

Te Otinako 40:15

Ao i mwiina, katabuia n ai aron naba katabuan tamaia, b'a Au ibonga n aki toki mai mwiin te katabutabu aei.

Itaia 10:27

Ao ane a na aki manga tautaekana ami botannaomata. A na bane n nakoraoi b'aai nako nakoimi, ao a na bane n tabekaki rake uotami.

Nakoaia Ibonga 21:10

Ngkana te ibonga ngkoe, ao ko riai n aki katuka iran atum n aki komwiaki, ke tao n raeuai kunnikaim ni kaota nanokawakim i bukin te mate.

Nakoaia Ibonga 23:20

E na tabeki rake te ibonga tiibu aikai ma te kariki ni katabuaki nako Iu. A tabu karea aikai ao bon au b'ai n tangira nakoia ibonga.

Nakoaia Ibonga 6:16

Ao a na kang nikiran te karea ibonga. A na manga karaoaki b'a taian kariki aika a aki itinaki, ao a na kanaki i nanon te ru are tabu, are te tabo ni kabowi n ana Um'antabunrianna te UEA.

Nakoaia Ibonga 6:18

Ao e na teimatoa n riki b'a tib'angaia kanoan Aaron aika m'aane te am'arake are te karea nakon te UEA. Ao ngkana iai ane e riinga te am'arake are te karea, ao e na raaka iai i bukina ngke e tabu.

Nakoaia Ibonga 6:20

i bukin katabuaia ibonga ake kanoan Aaron. E na riai ni uoti nakon te UEA b'a ana karea teuana te kirokuraem te buraawa, ti te bo ma m'aitin are n te karea are te uita are e katoa bong, b'a te iterana n te ingabong ao te iterana n te tairiki.

Nakoaia Ibonga 6:26

Ao te ibonga are karaoa te angakarea, boni ngaia are e na kana te man are te karea i nanon te ru are e tabu, are te tabo ni kabowi i nanon ana Um'antabunrianna te UEA.

Nakoaia Ibonga 7:14

E na riai ni kaota teuana m'akoron te aekaki ni kariki nako b'a te karea ae e kaokoroaki i bukin te UEA; bon ana b'ai te ibonga are e anaa raraan te man ma n tatauriia iai te baonikarea.

Nakoaia Ibonga 7:28

Aikai Tuua ake e anga te UEA nakoni Moote

Nakoaia Ibonga 7:6

A na riai ni kanna m'aane ni kabane ake a nako man taian utu ni ibonga, ma e na riai ni kanaki n te tabo are tabu, i bukina ngke e rangi n tabu.

Nakoaia Ibonga 8:30

Ao Moote, e anaa te b'a ni katabutabu teutana ao te raraa teutana ake a mena i aon te baonikarea, ao e katimtim'a i aon Aaron ma natina m'aane, ao i aon naba kunnikaia. Ao aei ngkanne arona ni katabuaia ma kunnikaia nakon te UEA.

Warekaia Iteraera 18:9

n reitaki naba ma m'akoron te karea are te uita, ao m'akoron naba te karea ni kabomwi. Ami b'ai man te karea aei bon te m'akoro are aki kabuokaki i aon te baonikarea.

Warekaia Iteraera 5:9

Ngkana ko karaoa te anganano nakon te Um'antabunrianna, ao e na b'aina te m'ane aei te ibonga,

1.I-Korinto 9:13

Kam aki ataiia ake a kakarao taromauri n te um'antabu b'a a karekei kanaia man te um'antabu, ao te koraki ake a karao taromauri n angakarea b'a iai tib'angaia ni baike a kareanaki?

Te Tua-Kaua 12:11

Kam na kang ami b'aintangira ao ami karea

Te Tua-Kaua 12:6

ma ni kamaekaingkami ma te rau n te aba are E a tia n anganingkami. Ma ngkana kam a tia n tekateka, ao ane e na manga kaokoro te maiu.

Te Tua-Kaua 18:1

A na aki reke abaia kaain te baronga are Rewi ma ibonga. Ma e na reke irouia m'akoron te karea are e anga te aba nakon te UEA

Te Tua-Kaua 26:13

Ao i mwiina, kam na manga tataro: Te UEA ae Atuara, Ko a tia n taekinna b'a e na kaokoroaki teuana te katebwina ni m'akoro man uaan ara tai. I a tia n ongotaeka nakon am Tua n anganiia aomata aika kainano baikai, n reitaki naba ma kanoan Rewi, iruwa, ataei aika akea aia karo, ao aine aika mate buuia.

Ebera 1:9

Ko tangira karaoan nanon te Atua, ao Ko riba riaoakin nanona. Ma ngaia ae E kabiriko te Atua, ae Atuam, ni b'an te kim'areirei b'a Ko aonga ni kim'areirei riki i aoia raom.”

1.Ioane 2:20

Kam a tia ni kabiraki iroun Teuare Moan te Raoiroi, ao kam atai b'aai ni kabane.

1.Ioane 2:27

Ao ngkami, E a tia Kristo ni karuoa Tamneina are Raoiroi i aomi. Ngkai e teimatoa aromi anne i Rouna, a aki kai nanomi ngkana kam aki reireiaki iroun temanna. Ma ngkai kam reireiaki iroun Tamneina are Raoiroi ni b'aai ni bane, ao baike e reireingkami iai bon te koaua, tiaki te kewe. Teimatoa n ana reirei te Tamnei are Raoiroi, ao ni maeka n te nano ae ti teuana ma Kristo.