Warekaia Iteraera 18:7 - Te B'aib'ara

⁷ Ma bon ti ngkoe ma natim mm'aane ae kam kona ni karaoa te m'akuri n ibonga n te baonikarea i nanon te Tabo are Moan te Tabu. Bon au b'aintangira nako imi te m'akuri n ibonga. Ao ake a kataia ni karaoa te m'akuri n ibonga, a na bon tiringaki.

Warekaia Iteraera 18:7 ပူးပေါင်းရင်းမြစ်များ

Taian Areru 115:10

Ngkami aika ana utu te ibonga are Aron, kam na onimakina te UEA b'a e na buokingkami mani kawakiningkami.

Te Otinako 28:1

Wetea tarim are Aaron ma natina mm'aane are Nataba, Abiu, Ereata, ao Itamara. Bon ngaiia aika I a tia n rineia mai buakoia Iteraera b'a a na riki b'a au ibonga.

Te Otinako 29:9

ao b'araia ao aia kabae n nuuka, ao i mwiina, kam na katabuia, i bukina b'a ana teimatoa n riki aia kariki b'a ibonga.

Etekiera 44:15

A kakaonimaki nako iu ibonga ake man te baronga are Rewi ake kanoan Tatoka are te ibonga are e kakaonimaki nako iu, ngke a bane n tan nako mairou Iteraera. Ma ngaia ae, a na teimatoa n riki b'a Au ibonga aikai ao a na anga te nenea ao raraan te karea.

Etekiera 44:16

A na roko n au Tembora, ike a na anga iai taiani karea i aon Au baonikarea ma ni kairiia tabem'aang n te taromauri.

Etekiera 44:8

Ngke kam bon riai ni karaoa raoi kawain taromauriau, kam a manga kateia ianena b'a a na tararuaa te taromauri i nanon au Tembora.

Nakoaia Ibonga 16:2

E taku te UEA, “Tuanga tarim are Aaron b'a e na aki rin i nanon te Tabo are Moan te Tabu n te tai n aki akaaka, i bukina b'a anne te tabo are I kaoti iai n te nang i aon matan te Atiniberita. Ngkana e aki ongotaeka ao e na tiringaki.

Nakoaia Ibonga 7:35

Anne m'akoron te am'arake are e anganaki te UEA are e anganaki Aaron ma natina m'aane n te bong are a katabuaki iai b'a ibonga.

Warekaia Iteraera 1:51

Ao ngkana kam nang manga m'ananga nako, ao a na kab'aranakoa te Um'antabunrianna ma ni uotia, ma ni manga kateia n te tabo are kam na manga katei maeka iai. E na tiringaki ane kataia ni kaaniia te Um'antabunrianna.

Warekaia Iteraera 16:40

n aron are E a tia te UEA n tuanga Moote. Ao a riki taiani baan akekei b'a b'aai n reirei nako ia Iteraera b'a bon ti Aaron ma kanoana aika kariaiakaki n anga te b'ai ni kaboiarara nakon te UEA. Ao ngkana iai ane kataia riki, e na manga katuaaeaki naba n aron Kora ma raona.

Warekaia Iteraera 18:20

E na aki reke nako imi te aba teuana i aon Iteraera b'a abami. Bon te UEA Ngai, ao N na anganingkami b'aai ni kabane akana kam kainanoi.”

Warekaia Iteraera 18:3

Kam na riai ni kakoauaia b'a a bon karaoi raoi tabeia. Ma ngkana a kaanii b'aai ake a tabu n te Tabo are e Tabu ke te baonikarea, ao kam na bane ni mate.

Warekaia Iteraera 3:10

aomata ake a tia n rineaki b'a ibonga. Ngkana iai ane kataia ni karaoa aia m'akuri ibonga, ao e na tiringaki.

Warekaia Iteraera 3:38

A na katei aia auti n rianna Moote ma Aaron ao natina mm'aane i matan te Um'antabunrianna, mai mainikuna, ao n tararua naba aroia Iteraera b'a a na taromauri raoi. Ngkana iai ae na kataia ni karaoa ana m'akuri Moote ma Aaron, ao e na tiringaki.

Mataio 10:8

Kam na kamaiuia akana aoraki; kamaiuia akana a tia ni mate; katoki reberaia akana rebera, ao kanakoia taimonio. I a tia n anganingkami te m'aaka ni karaoi baikai n akea boona mai roumi. Ma ngaia are kam na nako ao karaoi naba baikai nakoia tem'angina n akea boona.

Ioane 3:27

E kaekaia Ioane ao e taku, “Akea te b'ai ae kona n riki nakon te aomata, ma ti ngkana E karaoia te Atua b'a e na riki.

I-Ebeto 3:8

I anganaki, ngai ae moan te mangori i buakoia ake a itiaki ni kabaneia, te m'akuri ae kakawaki aei, ae te tataekina nakoia aomata aika tiaki I-Iutaia taekan aroni Kristo aika kamimii, aika kangaanga aroia ni kuneaki,

Te Tua-Kaua 18:2

i bukina b'a E a tia ni berita te UEA b'a E na karerekei kainanoia n te aro aei.

Ebera 5:4

Ao akea temanna ae anaa te karineaki aei b'a karineana, ae te nakoa n ibonga ae kakannato, ma ti ngkana e weteaki nako iai iroun te Atua, n ai aron Aaron.

Iotua 18:7

Ma e ngae n anne ao akea tib'aia tibun Rewi ae a na anganaki b'a abaia n ai aromi, i bukina ngke bon iai tib'aia are bon Ana ibonga te UEA ngaiia. Ao a bon tia naba n reke tib'aia te baronga are Kata, Reuben, ao Manate i mainiku, n aaba ake i mainikun te Ioretan n aron are e a tia ni karaoia ana toro te UEA are Moote nakoia.”

1.Betero 5:2

kam na tararua raoi ana nanai te Atua ma ni kawakinna raoi, tiaki n te aro ae kam kairoroaki iai; ma kam na kawakinna ma te nano ni kukurei n ai aron nanon te Atua. ao kam na kawakinna naba, tiaki i bukin te kanib'aib'ai n te aro ae aki riai, ma i bukina b'a bon iai nanomi ae korakora nako iai;

1.Betero 5:3

ao tai tau-taekaniia akana mena i aan ami tararua, ma kam na riki b'a banna ni kakairi nakon te nanai.

1.Tamuera 2:28

I rineia ami utu b'a Au ibonga mai buakoia barongan Iteraera. I tangiria b'a a na anga karea ma ni kabuoki taiani b'ai ni kaboiarara nako Iu ma ni kakaaea b'a tera ae I tangiria b'a a na karaoia Au aomata.