Warekaia Iteraera 18:5 - Te B'aib'ara

⁵ N na bon aki manga un, ke ni katuaaia Iteraera ngkana kam iri raoi taiani kaetieti i matan te Tabo are e Tabu ao te baonikarea.

Warekaia Iteraera 18:5 ပူးပေါင်းရင်းမြစ်များ

1.Rongorongo 23:24

Bon aikai taiani kaainga ao utu man te baronga are Rewi. Aikai koraki ake uabwi ni waerake aia ririki ni maiu ake a anganaki tib'angaia b'a te m'akuri n ana Tembora te UEA.

1.Rongorongo 23:32

Bon tabeia ngkoa kaawakinan te Um'antabunrianna, ma ngkai ai manga tabeia tararuaakin te Tembora ao buokakiia ana kariki Aaron.

1.Rongorongo 24:5

I bukina ngke iai taian mataniwi n te Tembora ao ibonga n taian utu aika uoua aikai, ao e a titirakina te UEA Tawita te b'ai ae e na karaoia are e na tib'aaki raoi te m'akuri i marenaia.

1.Rongorongo 9:19

Tiarum bon natin Kore te m'aane, ai uana naba ma m'aane ake tekorakina n te kaainga are Kora, a tantani ni mataroan te rin nakon te Tembora, n aroia aia bakatibu ake a tantani ni mataroan te Um'antabunrianna.

1.Rongorongo 9:23

ao ngkai a riki b'a taan teiakina mataroan taiani kawai n rin nakon te Tembora.

1.Rongorongo 9:33

Taani kairiri man utuun nako kanoan Rewi ake taani katangitang a boni maeka naba n te Tembora. Bon akea riki tib'angaia teuana, i bukina ngke a tei n te bong ma te ngaina.

Te Otinako 27:21

i matan te keeten are e kaokoroa te tabo are e tabu ma te tabo are moan te tabu, are kaawakinaki iai te Atiniberita. Tabeia Aaron ma natina mm'aane kaakauraan te taura ni katoa tairiki i nanon te Um'antabunrianna. A riai Iteraera n ongotaeka nakon te mwioko aei.

Ieremia 23:15

Kam a tia ngkami aika burabetin Ierutarem ni kabutaa nako te aoraki nakon taabo nako. Ao bon anne bukina ngkai I berita Ngai ae te UEA b'a N na anganingkami te boitin ae moan te korakora b'a kam na kanna ma n nimma.

Etekiera 44:15

A kakaonimaki nako iu ibonga ake man te baronga are Rewi ake kanoan Tatoka are te ibonga are e kakaonimaki nako iu, ngke a bane n tan nako mairou Iteraera. Ma ngaia ae, a na teimatoa n riki b'a Au ibonga aikai ao a na anga te nenea ao raraan te karea.

Etekiera 44:16

A na roko n au Tembora, ike a na anga iai taiani karea i aon Au baonikarea ma ni kairiia tabem'aang n te taromauri.

Nakoaia Ibonga 10:6

Ao e taku Moote nakon Aaron ao nakon natina m'aane ake Ereata ao Itama, “Kam na aki kamangaongaoi irami ke n raeuai kunnikaimi ni kaota nanokawakimi. Kam na mate ngkana kam karaoa anne, ao E na un te UEA nako ia Iteraera ni kabane. Ma a konaa ni bane n tanginiwenei raomi n I-Iteraera i bukin te mate ane e riki man te ai are e kanakoa te UEA.

Nakoaia Ibonga 24:3

Ni katoa tairiki ao Aaron e na kauraa te taura aei ni karokoa e ngaina i matan te UEA, i tinanikun rokin te Atiniberita, are e mena n te ru are moan te tabu.

Tekaria 10:3

I rangi n un Ngai ae te UEA ae Moan te M'aaka iroumi ngkami aika taani kairiiri ao N na katuaaingkami. I tararuaia Au aomata, ae te botannaomata ae Iuta, ao N na bita te nanai n tiibu aei nakon te taanga ni buaka aika toka i aoia aoti.

Warekaia Iteraera 1:50

Ma kam na anganiia tabeia ae tararuaakin te Um'antabunrianna, ma b'aina nako, ao taiani b'ai n taromauri. A na katei auti n rianna ni katobibia te Um'antabunrianna.

Warekaia Iteraera 1:53

Ma ana katei auti n rianna kanoan Rewi ni katobibia te Um'antabunrianna, b'a a na akea ae na kaaniia te Um'antabunrianna, b'a I kaawa ni karekekaia Iteraera.

Warekaia Iteraera 16:46

Ao e taku Moote nakon Aaron, “Anaa am baan are baanin te ai, ao kanoaia n te kooro ae m'aaka man te baonikarea. Kanoaia n te b'ai ni kaboiarara tabeua, ao kawaekoako ni uotia nakon te tabo are a mena iai aomata, ao aanga nakon te UEA b'a a aonga ni kab'araaki aia bure. E a rangi ni un te UEA, ao a tabe ni mate aomata!”

Warekaia Iteraera 18:4

Bon akea temanna ae kariaiakaki b'a e na kaawakina te Um'antabunrianna, ke ni karaoi b'aai aika a reitaki ma te Um'antabunrianna.

Warekaia Iteraera 4:18

ni karokoa rabunakin b'aai akanne iroun Aaron ma natina mm'aane.

Warekaia Iteraera 8:19

ao I a tia ni manga anga ngaiia b'a b'aintangira nakon Aaron ma natina mm'aane b'a a na m'akuri n te Um'antabunrianna, ao a na reke naba kamauraia Iteraera man te rekenikai ngkana a kuba ni kaaniia te Um'antabunrianna.

Warekaia Iteraera 8:2

“Ko na tuanga Aaron b'a e na katokai taura ake koora i aon kaintein te taura b'a aonga n oota nako mooa.”

1.Timoteo 1:18

I anganiko te taeka aei, natiu ae Timoteo, n ai aron taian taeka ni burabeti ake a rimoa n taekiniko, b'a ko na kamanenai b'a am b'ai ni buaka b'a e aonga n nako raoi arom ni buaka,

1.Timoteo 3:15

Ma ngkana I waeremwe, ao baika I koroi a na tuangko te aroaro ae riai ni b'ainaki i buakoia ana utu te Atua, ae ana ekaretia te Atua ae maiu, ae te ekaretia ae taua te koaua mai aana b'a bouana ao aana.

1.Timoteo 5:21

I tuangko i matan te Atua, ma Kristo Iesu, ma ana anera te Atua, b'a ko na tou mwiini baikai ma te nano ae eti ae aki nanonano.

1.Timoteo 6:20

Timoteo, ko na kawakina te baere ko mwiokoaki iai. Ko na tan nako mani b'arantiko aika akea nanoia aika aki itiaki, ao man iango ni kauntaba aika kanoan te baere e aki tau n aranaki b'a te Rabakau;