Warekaia Iteraera 18:32 - Te B'aib'ara

³² Kam na bon aki katuaaeaki ngkana kam kanna, ti ngkana kam a tia n anga nako Iu m'akorona ake a rangi n raoiroi. A na teimatoa n tabu taiani b'aintangira ma karea ake a uoti aomata nako imi, ao ngkana kam kang tabeua mai iai i m'aain ae kam anga nako Iu, ao kam na bon tiringaki.

Warekaia Iteraera 18:32 ပူးပေါင်းရင်းမြစ်များ

Te Otinako 28:43

A na riai ni karin aia kawaerake kororo aikai, ngkana a rin n te Um'antabunrianna ke ni m'akuri n te baonikarea ngkana a rin n te Tabo are e Tabu, b'a a kaawa n reke n te bure ao a mate. E na b'ainaki naba te tua aei nakoia aia kariki nako akana a m'akuri b'a ibonga ngaiia.

Nakoaia Ibonga 19:8

Ma arona, kam na katuaeaki i bukin aki karinean baike I tuangngkami b'a a tabu, ao kam na aki riki b'a Iteraera.

Nakoaia Ibonga 22:2

b'a e na kaangai nakon Aaron ma natina m'aane: Bon te UEA Ngai ae te Atua, ao I tuangngkami b'a kam na karinea arau ae e tabu ni kaotan ami karinerine nakon te karea are e uotaki nako Iu mairouia Iteraera.

Maraki 1:7

Kam kab'ainrangai ngke kam anga taiani karea aika akea manenaia i aon au baonikarea. Ao kam a manga kaangai, “Ti kab'ainrangko n te aro raa?” Kam karaoa anne n ami taeka ae e kaangai, “Tera kakannaton ana baonikarea te UEA?”

Warekaia Iteraera 18:22

Bon ti ngaiia aika a kariaiakaki ni m'akuri n te Um'antabunrianna, ao e aki kariaiakaki temanna b'a e na roko ni kaaniia.

Warekaia Iteraera 18:31

E kona ni kanaki tib'ami n aki akaaka irouia kaain ami utu nako, b'a ai bon anne naba boomi ni m'akuri n te Um'antabunrianna.

Warekaia Iteraera 19:1

Aikai tuua ake e anga Moote nakon Aaron:

1.I-Korinto 11:27

Ma ngaia aei, b'a ane kana te berena, ke e moi n ana m'angko te UEA n te aro ae aki riai, ao e bure iai nakon rab'atan te UEA ma raraana.

1.I-Korinto 11:29

B'a ane am'arake ma ni moi n aki ataia b'a tera rab'atan te UEA, ao e na karekea motikan taekana ae na kabuakakaki iai.