Warekaia Iteraera 18:2 - Te B'aib'ara

² Bon ami koraki kanoan Rewi, ao a mena i rarikimi b'a a na buokingkami n ami m'akuri n te Um'antabunrianna.

Warekaia Iteraera 18:2 ပူးပေါင်းရင်းမြစ်များ

Karikani B'aai 29:34

Ao e a manga bikoukou naba, ao e a manga bungiia riki te nati te mm'aane temanna. Ao e taku, “E nang nimtai riki buu, b'a I a tia ni bungiia natina mm'aane aika teniman.” Ma ngaia are, e aranna b'a Rewi.

2.Rongorongo 30:16

i bukina b'a a m'aiti taan taromauri aika a tuai n itiaki ao a aki kariaiakaki b'a a na tiring oin aia tiibu teteei. I nanon te tai anne, iai tabeman taian ibonga ao kanoan Rewi ake a tiku naba ni mamaa i bukina ngke a tuai n ri nanon te bootaki i bukin kaitiakaia.

Etekiera 44:11

A na bon teimatoa naba ni kariaiakaki b'a taan m'akuri i buku n te Tembora, ake taan tei n taian mataroa ao n tiringiia maan ake a na kareanaki ao ni buokiia taan taromauri.

Etekiera 44:15

A kakaonimaki nako iu ibonga ake man te baronga are Rewi ake kanoan Tatoka are te ibonga are e kakaonimaki nako iu, ngke a bane n tan nako mairou Iteraera. Ma ngaia ae, a na teimatoa n riki b'a Au ibonga aikai ao a na anga te nenea ao raraan te karea.

Maraki 2:4

I tuangngkami te b'ai aio, b'a I aonga ni konaa ni kaawakina au boraraoi ma ami bakatibu are Rewi,

Warekaia Iteraera 1:53

Ma ana katei auti n rianna kanoan Rewi ni katobibia te Um'antabunrianna, b'a a na akea ae na kaaniia te Um'antabunrianna, b'a I kaawa ni karekekaia Iteraera.

Warekaia Iteraera 16:40

n aron are E a tia te UEA n tuanga Moote. Ao a riki taiani baan akekei b'a b'aai n reirei nako ia Iteraera b'a bon ti Aaron ma kanoana aika kariaiakaki n anga te b'ai ni kaboiarara nakon te UEA. Ao ngkana iai ane kataia riki, e na manga katuaaeaki naba n aron Kora ma raona.

Warekaia Iteraera 17:7

E anai Moote, ao e katikui n te Um'antabunrianna.

Warekaia Iteraera 18:4

Bon akea temanna ae kariaiakaki b'a e na kaawakina te Um'antabunrianna, ke ni karaoi b'aai aika a reitaki ma te Um'antabunrianna.

Warekaia Iteraera 3:5

Ao E taku te UEA nakoni Moote:

Warekaia Iteraera 4:15

Ngkana a nang m'ananga nako Iteraera ao kanoan Koata bon taani uouoti b'aai aika tabu, ma b'ain nanon te Um'antabunrianna. Ma a na kaman tia n rabuni baikai Aaron ma natina mm'aane, b'a a kaawa ni bo ma baiia kanoan Koata ao ni mate.

Warekaia Iteraera 8:19

ao I a tia ni manga anga ngaiia b'a b'aintangira nakon Aaron ma natina mm'aane b'a a na m'akuri n te Um'antabunrianna, ao a na reke naba kamauraia Iteraera man te rekenikai ngkana a kuba ni kaaniia te Um'antabunrianna.

Warekaia Iteraera 8:22

Ao i mwiin aei, ao a m'akuri kanoan Rewi n te Um'antabunrianna b'a taan i buobuoki nakon Aaron ma natina mm'aane n ai aron are E a tia ni baaireia te UEA.

Ebera 9:6

Ma aei aroni baikekei ni baireaki. A rin ibonga i nanon te moa n ruu n te um'anrianna ni karaoi aia m'akuri ni katoa bong;