Warekaia Iteraera 18:13 - Te B'aib'ara

¹³ Ao ami b'ai naba moa ni uaa n arokan aia katawanang ma aia nne ni kureebe. A na anga baikai aomata nako Iu, ao a na kona n anai tabeua mai iai kaain ami utu akana a itiaki.

Warekaia Iteraera 18:13 ပူးပေါင်းရင်းမြစ်များ

2.Uea 4:42

Temanna te m'aane man te kaawa are B'aaratiaritia are e uoti tabeua taiani uita aika a tib'a koreaki, ao 20 taiani kariki aika a karaoaki man moani uaan te b'aare ake a taiaki. Ao e taku Eritai, “Anganiia aomata b'a a aonga n am'arake.”

2.Rongorongo 31:5

Ao n te tai are a bon tib'a ongo iai aomata te b'ai are e tangiria te uea, ao a uoti naba kabwian aia b'ai ni kabane, n reitaki ma aia kabanea n raoiroi n uita, wain, b'aan te oriwa, ana karewe te manibeeru, ao uaan aia tawaana riki tabeua.

Te Otinako 22:29

Kam na kakaonimaki n anga te karea are te uita ao te wain ake bon au b'ai. Kam na katabuia natimi mm'aane b'a au b'ai

Te Otinako 23:19

Kam na katoa ririki ni uota m'akoron ami moa ni uaa aika kabanea n raoiroi nakon te tabo n taromauri. Kam na aki kaburoa te bun ni kooti i nanon mirikin tinana.

Te Otinako 34:26

Bon te UEA Ngai ae Atuami, ma ngaia are, kam riai ni uoti moan uaan ami tai nakon te tabo n taromauri. Kam na aki kaburoa te kooti ae e uarereke i nanon mirikin tinana.

Ieremia 24:2

E onrake te b'aene are teuana n taian biiku aika a rangi n raoiroi aika a kaman tawaa, ao te b'aene are teuana e onrake n taian biiku aika a buakaka aika a aki tau n te kanaki.

Etekiera 44:30

E na b'ainaki moan m'akoron uaan te tai irouia ibonga. A na b'ain naba m'akoron taiani b'aintangira ni kabane ao taian angab'ai ake a uoti Iteraera nako iu. Ao ngkana iai akana a kam'aa kanaia te kariki, a na riai n anga te moan kariki b'a aia angab'ai nakoia ibonga, ao N na kakab'aia mwengaia aomata akana a karaoa aei.

Otea 9:10

Iteraera, ngke I kuneko ngkoa Ngai ae te UEA, ti te bo ma kunean te kureebe i nanon te rereua ae akea kain aona ke uaan te biiku aika a uarereke aika a kangkang. Ao i mwiina, ko taromauriia B'aara-Beora, te bouannanti ae rangi n ribaaki, ao ko bon kamamaaeko kaanga te bouannanti are ko tangiria.

Nakoaia Ibonga 22:7

Ngkana e a tia ni bungi taai ao e a tib'a itiaki, ao e a tib'a kona ni kana te kare are e tabu, are boni kanana.

Nakoaia Ibonga 23:17

Uoti uoua kariki ni buraawa b'a a na tabekaki rake ni katabuakaki nako Iu. Kariki ni buraawa aikai n tatabeua nako a na karikaki ma te iti ao uoua te kiro te buraawa ae manti raoi ake mani moani m'akoron ami tai.

Mika 7:1

E a kab'ara nano! Kaanga ai aron te aomata ngai are I kakaea kanau ma bon akea teuana uaan te aroka n tiku, ao akea naba uaan te kureebe n tiku. B'a a bane n tia n anaaki kaai ma uaa aika a kangkang.

Te Tua-Kaua 18:4

Ao i rarikin anne, a na reke naba tib'aia man moan m'akoron te tai are te uita, ao man ami moan tai naba n te wain ma b'aan te oriwa. Ao kam na anganiia naba ami moan buraentiibu ake kam koroi man ami tiibu ni katoa ririki.

Te Tua-Kaua 26:2

ao kam nang uniki arokami taiani uita ma b'aare iai. Ao ngkana kam a moana taian uaan arokami mai iai, ao kam na nnea are kam moan anaia i nanon te b'atiketi. Kam na uoti nakon te tabo are e a tia n rineia te UEA ae Atuami b'a te tabo are E na taromauriaki iai,