Warekaia Iteraera 18:10 - Te B'aib'ara

¹⁰ Ao ngkai a tabu taian b'ai aikai, ao a na riai ni kanaki i rarikin te Um'antabunrianna, ma a na ti am'arake iai taiani mm'aane.

Warekaia Iteraera 18:10 ပူးပေါင်းရင်းမြစ်များ

Etekiera 42:13

Ao e taku te aomata arei nako iu: Ru aikai a mena i meaangin ao i maiakin te Tembora bon taian ruu aika a tabu ike a na kang iai karea aika a rangi n tabu ana ibonga te UEA. Raon taiani karea aikai bon te karea are te uita, te karea i bukin te bure, ao te karea i bukin kaetan b'aai.

Nakoaia Ibonga 10:13

Kam na kanna n te tabo ae e tabu; bon te m'akoro are bon ami b'ai ma natimi m'aane man te am'arake are e kareanaki nakon te UEA. Anne te b'ai ae mwiokoai te UEA.

Nakoaia Ibonga 10:17

“E aera ngkai kam kana te karea ni kab'arabure n tiaki te tabo are e tabu? E bon rangi n tabu, ao E a tia n anganingkami te UEA b'a kam aonga ni konaa ni kab'araa aia bure aomata.

Nakoaia Ibonga 14:13

E na tiringa te tiibuteteei n te tabo are tabu, are a tiringaki naba iai man aika kawakawa ake i bukin te karea ni kab'arabure, ao te karea ni kabuokaki.

Nakoaia Ibonga 21:22

A kona ni kang taiani karea aika am'arake aika I anganaki,

Nakoaia Ibonga 6:16

Ao a na kang nikiran te karea ibonga. A na manga karaoaki b'a taian kariki aika a aki itinaki, ao a na kanaki i nanon te ru are tabu, are te tabo ni kabowi n ana Um'antabunrianna te UEA.

Nakoaia Ibonga 6:18

Ao e na teimatoa n riki b'a tib'angaia kanoan Aaron aika m'aane te am'arake are te karea nakon te UEA. Ao ngkana iai ane e riinga te am'arake are te karea, ao e na raaka iai i bukina ngke e tabu.

Nakoaia Ibonga 6:26

Ao te ibonga are karaoa te angakarea, boni ngaia are e na kana te man are te karea i nanon te ru are e tabu, are te tabo ni kabowi i nanon ana Um'antabunrianna te UEA.

Nakoaia Ibonga 6:29

A tii konaa ni kana te karea aei m'aane ake a nako man te utu ni ibonga; b'a e bon rangi n tabu.

Nakoaia Ibonga 7:6

A na riai ni kanna m'aane ni kabane ake a nako man taian utu ni ibonga, ma e na riai ni kanaki n te tabo are tabu, i bukina ngke e rangi n tabu.

Warekaia Iteraera 18:11

Kam na b'ain naba m'akoron taian raka ni b'aintangira ma taian angab'ai ake a na uoti Iteraera nako Iu. A kona ni kang baikai kaain ami utu akana a itiaki ma n tau i bukin te taromauri.

Warekaia Iteraera 18:9

n reitaki naba ma m'akoron te karea are te uita, ao m'akoron naba te karea ni kabomwi. Ami b'ai man te karea aei bon te m'akoro are aki kabuokaki i aon te baonikarea.