Warekaia Iteraera 17:5 - Te B'aib'ara

⁵ Ao i mwiina, N na rinea te mm'aane temanna b'a au ibonga, ao e na manga bwebwerake taian tabera man okona. Ao ngkana e tia n riki anne, ao N na bon aki manga tabe ma tenaan ngurengure riki i bukimi.

Warekaia Iteraera 17:5 ပူးပေါင်းရင်းမြစ်များ

2.Rongorongo 26:16

Ao e a rangi ni kamoamoa Utia i bukin m'aakana, ao aei ae e karekea b'akana. N te bong teuana, ao e a aki ongotaeka Utia nakon te UEA ae Atuana ngke e nako n rin te Tembora ao e kabuoka te b'ai ni kaboiarara b'a te angab'ai nako ina.

Etira 2:62

Ma a aki konaa n reke araia utu aika tenua aikai, ao bon akea mai buakoia aika a kariaiakaki b'a a na riki b'a ibonga.

Taian Areru 105:26

E kanakoa ana tabonibai are Moote, ma Aaron are E a tia n rineia.

Te Otinako 16:7

Nakon te moanibong ao kam na noora raitiitin ootan mimitongin te UEA. E a tia n ongo ngurenguremi nako Ina---kam aki ngurengure nako ira b'a ngaira bon ti taani kakoroi mwiin Ana babaaire.”

Itaia 11:1

Kaanga te m'aanga ae e bwebwerake man te boto, ao ai aron naba temanna ae e na nako man ana utu Tawita are e na uea n te bong teuana.

Itaia 13:11

N na katuaaea te aonnaba ae e buakaka aei ma aomatana i bukin aia bure nako. N na kamanatuaia taani kainikatonga aika a kakamaaku aika a iowawa.

Itaia 27:6

N te bong teuana ao ane e na nene wakaaia aomatan Iteraera kaanga te kureebe. Ane a na uee ma ni kariki uaa aika a na kaona te aonnaba.

Itaia 5:24

Kam na urarake kaanga te b'ab'ati ni uteute! Kam a tia ni katinanikua ana reirei te UEA ae e tabu ae Atuan Iteraera ae Moan te M'aaka. Ngaia ae ngkai, a na mka wakaami, ao a na riki ni bubu nako ueemi.

Etekiera 16:41

ao a na kabuoka am auti nako. Ao a mataku koraki n aine ake te korakina ni b'aai ake a riki nakoim aika a kakamaaku. I berita b'a N na katoka arom n aine ni mataawa ma te anganga b'ai nakoia am tangira nako.

Etekiera 23:27

N na katoka bebeekanim ao ainen matawaam are ko moana karaoana mai Aikubita. Ko na aki manga oki n iangoi boong aikai.

Otea 14:5

N na riki b'a kaanga te aoi ao ane kam na kaurei ueemi kaanga taiani kiebu ao a na riki wakaami b'a kaanga taian aroka.

Warekaia Iteraera 1:51

Ao ngkana kam nang manga m'ananga nako, ao a na kab'aranakoa te Um'antabunrianna ma ni uotia, ma ni manga kateia n te tabo are kam na manga katei maeka iai. E na tiringaki ane kataia ni kaaniia te Um'antabunrianna.

Warekaia Iteraera 11:1

Ao n te bong teuana, ao a ngurengure Iteraera i bukin aia kangaanga. Ao E ongo te UEA ngurengureia, ao E rangi n un iai, ao E kamaunai taian auti n rianna ake i mataniwiin te maeka ni katobibia n te ai.

Warekaia Iteraera 16:11

Kam aki kamangao nakon Aaron ma kam boni kamangao nakon te UEA.

Warekaia Iteraera 16:5

Ao i mwiina, e taetae nakoni Kora ma raona ao e taku: E na kaota te aomata te UEA nakon moaningabongin te ingabong, ae e a tia n rineia b'a te ibonga, ao e na kakaonimaki ni m'akuri te mm'aane anne i bukina.

Warekaia Iteraera 17:10

Ma E taku te UEA nakoni Moote, “Kaoka okon Aaron! Katikui i rarikin te Atiniberita b'a te b'ai n reirei nakon ane e na manga iangoa te kamangao. Ngkana e aki toki ngurengureia nako Iu, ao N na kamaunaia.”

Warekaia Iteraera 17:6

Ao e tuangiia aomata Moote te b'ai are E a tia ni baaireia te UEA, ao a anganna te oko man baronga ake tebwi ma uoua, n reitaki naba ma okon Aaron are anaaki man te baronga are Rewi.

Warekaia Iteraera 17:8

Ao n te bong are i mwiina, ngke a roko Moote n rin n te Um'antabunrianna, ao e a bwebwerake te amon n okon Aaron, ao a riki ueena, ma uaana aika tawaa.

1.I-Korinto 10:10

Ao kam na tai ngurengure, n ai aroia tem'angina i buakoia ngke a ngurengure, ao a tiringaki iroun Aneran te Mate.

Iotua 4:7

ao kam na kaongoraaia b'a ngke e ri nanon te Ioretan Ana Ati ni Berita te UEA ao e rina n toki raangan ranin te karaanga. A na kateimatoa uringan baika a riki n te bong aei ikai atiibu aikai.”