Warekaia Iteraera 16:9 - Te B'aib'ara

⁹ ao ni buokiia naba aomata ni kaeta raoi aron taromauriia. Ao tera riki ae kam a manga tangiria?

Warekaia Iteraera 16:9 ပူးပေါင်းရင်းမြစ်များ

Karikani B'aai 30:15

Ao e taku Nei Reea, “E tuai man toki nanom? Ko a tia ni uota nako buu, ao ngkai ko nangi manga anaa ana manrureke natiu?” Ao e taku Nei Rakera, “Ngkana ko anganai ana manrureke natim, ao ko na matu ma Iakob'a nakon te tairiki.”

2.Tamuera 7:19

ma e ngae n anne, Ko a tia ni berita b'a ko na karaoa riki ae e m'aiti. Bon aei arom ae e ko kaakaraoia nakoia am aomata?

2.Rongorongo 35:3

E weteia kanoan Rewi ake a m'akuri i bukin te UEA ake a reireiniia aomata ana tua nako te UEA, ao e taku: Kam a aki manga uouota te Atiniberita man te tabo teuana nakon te tabo teuana. E na tiku i nanon te Tembora are e kateaki iroun Toromon are te uea are natin Tawita te m'aane, ike kam na m'akuri iai i bukin te UEA ao Iteraera.

Neemia 12:44

A rineaki tabeman taani kairiiri b'a taani kaawakin taian b'aintangira i bukin te Tembora ao taan butim'aai moan uaan te tai ao kabwianib'ai man taian uita ao man taiani man ake a anga aomata nakon te Atua n te bong naba arei. Bon taan kairiiri naba aikai ake a riirikoi taian uita ake a taekinaki n ana Tua Moote b'a a na anganaki kanoan Rewi. A bane ni kukurei aomata n aia m'akuri ibonga ma kanoan Rewi.

Itaia 7:13

Ao i mwiina, I taku: Ongora, ngkami ni kabane aika ana utu ni uea Tawita. Kam a tia ni kataa au taotaonaki n nano. Ngkai kam a tia ni kataa ana taotaonaki n nano te Atua ngkai kam rawa n buubutii te b'ai ni kakoaua.

Etekiera 34:18

Tabeman maibuakomi a kang uteute aika manguroroo, ao i mwiina, a toubekai nikiraia ngkana a ngae. Tabeman a mooi n te ran ae e itiaki, ao i mwiina, a nakonako i nanon te ran ni kamantoaa ao ni kabokaboka nikirana.

Etekiera 44:16

A na roko n au Tembora, ike a na anga iai taiani karea i aon Au baonikarea ma ni kairiia tabem'aang n te taromauri.

Warekaia Iteraera 1:53

Ma ana katei auti n rianna kanoan Rewi ni katobibia te Um'antabunrianna, b'a a na akea ae na kaaniia te Um'antabunrianna, b'a I kaawa ni karekekaia Iteraera.

Warekaia Iteraera 16:13

E bon buakaka arom ngkai ko a tia n anaira mai abara ake a tamaroa i Aikubita b'a ti na mate n te rereua aei. Ao ngkai ko a manga kani b'aotiniira n aki akaaka!

Warekaia Iteraera 16:8

Kam bon ataia b'a E a tia te Atua n rineingkami kanoan Rewi mai buakoia Iteraera b'a kam na m'akuri n te Um'antabunrianna,

Warekaia Iteraera 3:6

Ko na anga te baronga are Rewi nakon Aaron are te ibonga. A na riki b'a taani buokia,

Warekaia Iteraera 3:9

A rineaki i bukin buokan Aaron ma natina mm'aane,

M'akuri 13:2

Ngke a tabe uakai n taromauria te UEA, ma n aki mamatam, ao E taku nakoia te Tamnei are Raoiroi, “Kam na kaokoroa B'arenaba ma Tauro b'a au aomata nakon te m'akuri are I a tia n rineia nako iai b'a a na karaoia.”

1.I-Korinto 4:3

Ma i rou, e aki rangi ni kakawaki nako iu neneran taekau i roumi, ke n te kabowi; ao e aki mena i rou motikan taekau.

Te Tua-Kaua 10:8

Ao i mwiin karinan atibu ake a tabu i nanon te Atiniberita, ao te UEA E rineia kanoan Rewi b'a tiaki ti taan uouota te Atiniberita, ma a na riki naba b'a taiani ibonga n te tabo n taromauri, ao a na kakab'aiaia naba taiani baronga n Arana. Ao a bon karaoi naba baikai ngkai.

1.Tamuera 18:23

“E aera ngkai ko aki bubutiia te uea b'a ko na iein ma natina te aine are Nei Mikara ao nooria, e tatangiriko te uea, ao a kakaonimaki ana aobitia ni kabane nako im?” Ao e taku Tawita, “Bon te aomata ngai ae I aki kaub'ai ao akea naba kakannatou are N na kona iai ni iein ma te natinuea are Nei Mikara!