Warekaia Iteraera 16:5 - Te B'aib'ara

⁵ Ao i mwiina, e taetae nakoni Kora ma raona ao e taku: E na kaota te aomata te UEA nakon moaningabongin te ingabong, ae e a tia n rineia b'a te ibonga, ao e na kakaonimaki ni m'akuri te mm'aane anne i bukina.

Warekaia Iteraera 16:5 ပူးပေါင်းရင်းမြစ်များ

Taian Areru 105:26

E kanakoa ana tabonibai are Moote, ma Aaron are E a tia n rineia.

Taian Areru 115:10

Ngkami aika ana utu te ibonga are Aron, kam na onimakina te UEA b'a e na buokingkami mani kawakiningkami.

Taian Areru 65:4

A kab'aia aomata ake Ko rineia, ake Ko kairiia b'a a na maeka i nanon on am Tembora. Ti na rauaki ni baika raraoi aika b'ain am Auti, are taiani kakab'aia i bukin am Tembora are Tabu.

Te Otinako 28:1

Wetea tarim are Aaron ma natina mm'aane are Nataba, Abiu, Ereata, ao Itamara. Bon ngaiia aika I a tia n rineia mai buakoia Iteraera b'a a na riki b'a au ibonga.

Te Otinako 28:41

Ao i mwiina, kam na karin kunnikaiia Aaron ma natina mm'aane, ao kab'aroa te b'aa i aon atuuia, ao katabuia b'a au ibonga.

Te Otinako 28:43

A na riai ni karin aia kawaerake kororo aikai, ngkana a rin n te Um'antabunrianna ke ni m'akuri n te baonikarea ngkana a rin n te Tabo are e Tabu, b'a a kaawa n reke n te bure ao a mate. E na b'ainaki naba te tua aei nakoia aia kariki nako akana a m'akuri b'a ibonga ngaiia.

Ieremia 30:21

E na riki b'a ami tia tautaeka temanna mai buakoia oin ami aomata. Ao ngkana I kaoa b'a e na roko ni kaaniai n te tabo n taromauri, e na bon karaoa anne. Bon akea ae konaa n roko ni kaaniai ngkana e aki kaoaki.

Ieremia 49:19

N na buakaningkami kaanga te raian man te buakonikai, ngkana e un nakon te tiibu n te tawaana are i mataniwiin te Ioretan. N te tai are a biri iai te nanai n tiibu, e na akea kanoan te aba. Antai ae N na rineia b'a e na buakaningkami? Boni Ngai! Bon akea ae e konaa ni kairoroai b'a N na buaka ke ni kakioai nako.

Ieremia 50:44

B'aburon, N na buakaniko kaanga te raian man te rereua, ae e un nako ia tiibu i nanon te tawaana are i mataniwiin Ioretan. A biri nako te nanai n tiibu n te tai naba arei, ao akea naba kaain te aba. Antai ae N na rineia b'a e na buakaningkami? N na karaoia n ti Ngai! Bon akea ae e konaa ni kairoroai b'a N na buaka ke ni kakioai nako.

Etekiera 40:46

ao te kateitei are i rarikin te mataroa are i maiaki bon aia b'ai ibonga ake a m'akuri n te baonikarea. Kanoan Tatoka ngaiia ni kabane bon ti ngaiia kanoan Rewi aika a kariaiakaki b'a a na riki b'a ana ibonga te UEA.

Etekiera 43:19

Bon ti ibonga ake man te baronga are Rewi man ana utu Tatoka are te ibonga aika ana m'akuri n au Tembora; bon au Tua aei. Ma ngaia ae kam na anganiia te kaom'aane te teei b'a a na tiringnga b'a te karea i bukin aia bure.

Etekiera 45:4

E na riki b'a m'akoron te aba aei ae e tabu, ae e kaokoroaki i bukiia ibonga ake a m'akuri i nanon ana Tembora. A na tei naba iai taian auti ao te m'aake ike e tei iai te Tembora.

Nakoaia Ibonga 10:3

Ao e taku Moote nakon Aaron, “Aio te b'ai are e nanonna te UEA ngke E kaangai, “A na bane ni karinea tabuu akana a m'akuri i Rou; N na kaota mimitongiu nako ia au aomata; ma e aki kakarongoa Aaron.

Nakoaia Ibonga 8:2

“Kaira Aaron ma natina m'aane nako mataroan te Um'antabunrianna, ao uoti naba taian kunnikai ni ibonga, ao te b'aa ni katabutabu, ao te kao m'aane te teei i bukin te karea ni kab'arabure, ao uoman naba te tiibu m'aane, ao te b'aene ni kariki are e aki karikaki.

Maraki 3:18

Ao ane a na manga noora te kaokoro aomata nako i marenaia aomata aika a ongotaeka irou ni karaoa ae e raoiroi ma aomata aika a katinanikuai ni karaoi b'aai aika a buakaka.

Warekaia Iteraera 16:3

ma Aaron ao a taku, “E aera ngkai kam a bon rangi ni karietatai ngkami? Boni ngaira naba Ana aomata te Atua aika tabu, ao E boni mena naba i roura ni kabane. E aera ngkai kam taku b'a ti ngkami n onimakinaki?”

Warekaia Iteraera 16:6

Kora, ao aio te b'ai ae kam riai ni karaoia ma raom akanne: Anai tabeua baanin te ai ao kanoai nanoia n taiani kooro, ao te b'ai ni kaboiarara, ao katikui i rarikin te Um'antabunrianna.

Warekaia Iteraera 17:5

Ao i mwiina, N na rinea te mm'aane temanna b'a au ibonga, ao e na manga bwebwerake taian tabera man okona. Ao ngkana e tia n riki anne, ao N na bon aki manga tabe ma tenaan ngurengure riki i bukimi.

Warekaia Iteraera 17:8

Ao n te bong are i mwiina, ngke a roko Moote n rin n te Um'antabunrianna, ao e a bwebwerake te amon n okon Aaron, ao a riki ueena, ma uaana aika tawaa.

Ioane 15:16

Kam aki rineai; ma I rineingkami, ao I bairei ami m'akuri, b'a kam na nako ni kariki uaa aika bati, ao a na aki mauna uaami; ma ngaia are ngkana iai te bae kam butiia iai Tamau n arau, ao E na anganingkami.

M'akuri 1:2

ni karokoa te bong are E uotaki rake iai nako karawa, i mwin tiana n anga ana mwioko iroun te Tamnei are Raoiroi nakoia taan tuatua ake E a tia n rineia.

M'akuri 1:24

Ao a tataro ni kaangai, “Te UEA, ae Ko atai nanoia aomata, Ko na kaotia b'a antai ae Ko rineia n uake uoman aikai,

M'akuri 13:2

Ngke a tabe uakai n taromauria te UEA, ma n aki mamatam, ao E taku nakoia te Tamnei are Raoiroi, “Kam na kaokoroa B'arenaba ma Tauro b'a au aomata nakon te m'akuri are I a tia n rineia nako iai b'a a na karaoia.”

M'akuri 15:7

Ngke e a maan te kauntaeka, ao e teirake Betero, ao e kaangai nakoia, Taari, kam ataai b'a E rineai ngkoa te Atua i buakora b'a N na tataekina te euangkerio nakoia aomata aika tiaki I-Iutaia, b'a a aonga n ongo ma n onimaki.

M'akuri 22:14

Ao e taku, “E a tia n rineiko Atuaia ara bakatibu b'a ko na ata nanona are na karaoaki, ma n nora Teuare Atataiaomata, ma n ongo te b'ana mai wina.

I-Ebeto 2:13

Ma ngkai kam a katiteuanaki ma Kristo Iesu, ngkami ake kam raroa nako ngkoa ma te Atua, kam a riki ni kaan n raraani Kristo.

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”

Ebera 12:14

Kam na keiaki n raoi ma aomata ni kabaneia, ma n tabui maiumi b'a a na b'ai te Atua; b'a ngkana akea aei ao e aki kona te aomata n nora te Uea.

Te Kaotioti 1:6

ao E karaoira b'a ibonga n ueana, aika taani beku iroun Atuana ma Tamana: ana b'ai te neboaki ma te m'aaka n tautaeka n aki toki! Amen.

1.Tamuera 2:28

I rineia ami utu b'a Au ibonga mai buakoia barongan Iteraera. I tangiria b'a a na anga karea ma ni kabuoki taiani b'ai ni kaboiarara nako Iu ma ni kakaaea b'a tera ae I tangiria b'a a na karaoia Au aomata.