Warekaia Iteraera 16:48 - Te B'aib'ara

⁴⁸ E katokaa te b'ai ni kaboiarara i aon te baan, ao i mwiina, e anga nakon te UEA ni butiia kab'araan aia bure aomata. Ao e rina n toki te aoraki arei, ao a akea riki ae manga mate iai.

Warekaia Iteraera 16:48 ပူးပေါင်းရင်းမြစ်များ

2.Tamuera 24:25

Ao i mwiina, e karaoa te baonikarea i bukin te UEA. E karean taian man ao e kabuoki i aon te baonikarea. Ao E kaekaa aia tataro aomata te UEA, ao akea riki ae e manga mate man te aoraki are e kakamaaku arei.

Taian Areru 106:30

Ma a buokaki irouni Bineati, ao e toki te buti n aoraki.

Warekaia Iteraera 16:18

Ao n te bong are i mwiina, ao a nnei b'aai ni kaboiarara ma kooro mm'aane akekei i nanon aia baan are baanin te ai, ao a tei ma Moote ao Aaron i mataroan te Um'antabunrianna.

Warekaia Iteraera 16:35

Ao n te aro ae a aki kantaningaia, ao E kab'aka te ai te UEA ni kabuokiia 250 te mm'aane ake a tia n anga te b'ai ni kaboiarara nako Ina.

Warekaia Iteraera 16:47

Ao e karaoa te b'ai are tuangaki Aaron. E bon nako buakoia aomata, ao e tei i marenaia aomata ake a mate ma aomata ake a maiu.

Warekaia Iteraera 16:49

Ma a tia ni mate 14,700 Iteraera, n aki warekaki ma ake a tia ni mate are Kora ma raona.

Ioane 5:14

E aki rangi ni maan i mwin arei, ao Iesu E nora teuarei n te Tembora, ao E taku nakoina, “Noria, ko a tia ni kamaiuaki, ma ngaia are ko na aki manga bure, b'a e kaawa n riki nako im te b'ai ae buakaka riki.”

1.I-Tetaronike 1:10

ao ni kaantaninga Natina mai karawa are E a manga kamaiua mai buakoia maate, are Iesu, are kamaiura man unin te Atua are e nangi roko.

Iakobo 5:16

Ma ngaia ae kam na kaotioti ami bure nakoimi, temanna nakon temanna, ao kam na tataro i bukimi, temanna i bukin temanna, b'a kam aonga ni kamaiuaki. E bati ni m'aaka ana tataro te aomata ae kakaraoa nanon te Atua, ngkana e tataro ma nanona.