Warekaia Iteraera 16:46 - Te B'aib'ara

⁴⁶ Ao e taku Moote nakon Aaron, “Anaa am baan are baanin te ai, ao kanoaia n te kooro ae m'aaka man te baonikarea. Kanoaia n te b'ai ni kaboiarara tabeua, ao kawaekoako ni uotia nakon te tabo are a mena iai aomata, ao aanga nakon te UEA b'a a aonga ni kab'araaki aia bure. E a rangi ni un te UEA, ao a tabe ni mate aomata!”

Warekaia Iteraera 16:46 ပူးပေါင်းရင်းမြစ်များ

1.Rongorongo 27:24

E a wakina ana wareaomata Ioaba are natin Teruia te m'aane ma e a ti toki naba ngke e a moana katuaeaia Iteraera te UEA. Ma ngaia are, e aki roko n te rin bootaia aomatan Iteraera n te boki are a tauaki iai mwiin b'aai ni kabane n ana tai ni uea Tawita.

Taian Areru 106:29

Ao a kaunna n aia m'akuri anne, ao e b'akariia te aoraki are kamaamate.

Taian Areru 141:2

Butim'aea au tataro b'a kanga te karea ae boiarara, ao baiu aika tabekaki rake b'a kanga te karea n te tairiki.

Nakoaia Ibonga 10:6

Ao e taku Moote nakon Aaron ao nakon natina m'aane ake Ereata ao Itama, “Kam na aki kamangaongaoi irami ke n raeuai kunnikaimi ni kaota nanokawakimi. Kam na mate ngkana kam karaoa anne, ao E na un te UEA nako ia Iteraera ni kabane. Ma a konaa ni bane n tanginiwenei raomi n I-Iteraera i bukin te mate ane e riki man te ai are e kanakoa te UEA.

Nakoaia Ibonga 9:24

Ao E kanakoa te ai te UEA n te tai ae e karina, ao e kamannangii karea ni kabuokaki ma m'akoron te man ake a nenea ake i aon te baonikarea. Ao ngke a noora arei aomata, a bane n takaarua ao a bobaraaki ni kabo mataia ma aontano.

Ab'akuka 3:5

E tuanga te aoraki b'a e na rimoana, ao te mate b'a e na rimwina.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Warekaia Iteraera 1:53

Ma ana katei auti n rianna kanoan Rewi ni katobibia te Um'antabunrianna, b'a a na akea ae na kaaniia te Um'antabunrianna, b'a I kaawa ni karekekaia Iteraera.

Warekaia Iteraera 11:33

Ma i m'aain are e kona ni kanaki, ao E un te UEA i rouia, ao E karokoa te aoraki nakon te maeka.

Warekaia Iteraera 18:5

N na bon aki manga un, ke ni katuaaia Iteraera ngkana kam iri raoi taiani kaetieti i matan te Tabo are e Tabu ao te baonikarea.

Warekaia Iteraera 25:13

I berita b'a e teimatoa n riki b'a Au ibonga Bineati ma kanoana i bukina ngke e kaota te kakaonimaki nako Iu Bineati.”

Warekaia Iteraera 25:8

ao e taonrimwiia teuarei nakon te auti n rianna, ike e a ewara naba iai te mm'aane arei ma biroton neirei n te tai ae ti teuana. Ao E waekoa n toki unin te UEA n tiringaia aomata n te aoraki are kamamate arei,

Warekaia Iteraera 8:19

ao I a tia ni manga anga ngaiia b'a b'aintangira nakon Aaron ma natina mm'aane b'a a na m'akuri n te Um'antabunrianna, ao a na reke naba kamauraia Iteraera man te rekenikai ngkana a kuba ni kaaniia te Um'antabunrianna.

Te Tua-Kaua 9:22

Ao kam kauna naba te UEA ngke kam tiku i Tabera, i Mata, ao i Kiberota Ataawa.