Warekaia Iteraera 16:41 - Te B'aib'ara

⁴¹ Ao n te bong are i mwiina, ao a manga ngurengure naba Iteraera nakoni Moote ma Aaron, ao a taku, “Kam a tia n tiringiia Ana aomata te UEA ngkami akana uoman!”

Warekaia Iteraera 16:41 ပူးပေါင်းရင်းမြစ်များ

1.Uea 18:17

ao ngke e nooria, ao e takaarua Aaba ni kaangai, “Ai boni ngkoe anne te tia kakiriwe i aon Iteraera. Ko rangi ni buakaka.”

Taian Areru 106:13

A kai m'anuoki ana m'akuri; ao a aki tataninga ana taeka.

Taian Areru 106:23

Ngke E taku b'a E na kamaunaia ana Aomata, Ao e tei ana toro are E rineia, are Moote, n taetae ma te Atua i bukiia b'a E na aki kamaunaia n unna.

Itaia 26:11

E mwemwe baim ao e tauraoi ni katuaaia, ma a aki nooria. Kamamaaia! Kaota korakoran nanom ni kaawakiniira ao karenakoia nako nanon te ai are a na kabuokaki iai am kairiribai nako.

Ieremia 38:4

Ma ngaia are, a m'ananga ni kawara te uea naake aman akekei ao a taku, “E na riai ni tiringaki Ieremia b'a e kab'arai nanoia tautian te kaawa aei ma aomata ni kabane, e kataia ni kakiriwei nanoia aomata.”

Ieremia 43:3

E na bae n tia n tuangko B'aruka are natin Nearia te mm'aane b'a ko na taekina anne. E tangiria kaain B'aburon b'a a na tauira, b'a a aonga ni uotiira nako B'aburon ke n tiringiira.”

Amota 7:10

Ao e kanakoa te rongorongo Amatia are ibongan Betaera nakon uean Iteraera are Ieroboam ae e kaangai, “E kabuakakako Amota nakoia aomata. A rawawata a na taeka n te aro are a kiriwe nanoia aomata iai.

Warekaia Iteraera 14:2

ao a ngurengure nakon Moote ma Aaron ao a taku, “E raoiroi riki ngke ti mate i Aikubita, ke n te tabo teuana i nanon te rereua!

Mataio 5:11

“Kam a kab'aia ngkana a taetaebuakaingkami aomata, ma ni b'ainikiriningkami, ma n atonga te taetae ae kewe ae buakaka b'a taekami i bukin ae au aomata ngkami.

M'akuri 21:28

Ao a takarua ni kaangai, “Mm'aane aika Iteraera, buokira! Aio te aomata are reireiia aomata n taabo nako b'a a na ekianako ara aomata aika Iteraera, ma te Tua, ma te tabo aei; ao e kairiia naba I-Erene ni kariniia n te Tembora, ao e kam'araea te tabo ae tabu aei!”

M'akuri 5:28

“Ti anganingkami ngkoa ara taeka ae matoatoa b'a kam na aki reirei n te ara ae Iesu. Ao noria! kam kaona Ierutarem n ami reirei, ao kam tangirira b'a ti na bukinaki ni matena.”

1.I-Korinto 10:10

Ao kam na tai ngurengure, n ai aroia tem'angina i buakoia ngke a ngurengure, ao a tiringaki iroun Aneran te Mate.

2.I-Korinto 6:8

Ti karineaki ao ti kamamaaeaki, ti uaraoaki ao ti kamoamoaki. Ti atongaki b'a tani bureburea te aba, ma bon taan taekina te koaua ngaira;

Iuta 1:16

Bon taani b'angantaeka te koraki aei, ao taani ngurengure ma taan iri oin nanoia ni kaib'ab'aru; taan taetae ni kainikatonga, ao a kamoamoaia aomata ni karangiia b'a a aonga n reke i rouia baika tangiri.