Warekaia Iteraera 16:40 - Te B'aib'ara

⁴⁰ n aron are E a tia te UEA n tuanga Moote. Ao a riki taiani baan akekei b'a b'aai n reirei nako ia Iteraera b'a bon ti Aaron ma kanoana aika kariaiakaki n anga te b'ai ni kaboiarara nakon te UEA. Ao ngkana iai ane kataia riki, e na manga katuaaeaki naba n aron Kora ma raona.

Warekaia Iteraera 16:40 ပူးပေါင်းရင်းမြစ်များ

Etira 2:62

Ma a aki konaa n reke araia utu aika tenua aikai, ao bon akea mai buakoia aika a kariaiakaki b'a a na riki b'a ibonga.

Taian Areru 115:10

Ngkami aika ana utu te ibonga are Aron, kam na onimakina te UEA b'a e na buokingkami mani kawakiningkami.

Etekiera 40:46

ao te kateitei are i rarikin te mataroa are i maiaki bon aia b'ai ibonga ake a m'akuri n te baonikarea. Kanoan Tatoka ngaiia ni kabane bon ti ngaiia kanoan Rewi aika a kariaiakaki b'a a na riki b'a ana ibonga te UEA.

Etekiera 43:19

Bon ti ibonga ake man te baronga are Rewi man ana utu Tatoka are te ibonga aika ana m'akuri n au Tembora; bon au Tua aei. Ma ngaia ae kam na anganiia te kaom'aane te teei b'a a na tiringnga b'a te karea i bukin aia bure.

Nakoaia Ibonga 22:10

Bon ti ngkami ibonga ma ami utu aika kam na kang karea aika am'arake; a bon rangi n tabu n te aro are a bon aki riai b'a a na kanaki irouia ami taani m'akuri.

Warekaia Iteraera 1:51

Ao ngkana kam nang manga m'ananga nako, ao a na kab'aranakoa te Um'antabunrianna ma ni uotia, ma ni manga kateia n te tabo are kam na manga katei maeka iai. E na tiringaki ane kataia ni kaaniia te Um'antabunrianna.

Warekaia Iteraera 16:39

Ao e rikoi taiani baan Ereata, ao e amani ni kariki b'a taiani buraonti aika mmani, b'a rabunan te baonikarea,

Warekaia Iteraera 3:10

aomata ake a tia n rineaki b'a ibonga. Ngkana iai ane kataia ni karaoa aia m'akuri ibonga, ao e na tiringaki.

Warekaia Iteraera 3:38

A na katei aia auti n rianna Moote ma Aaron ao natina mm'aane i matan te Um'antabunrianna, mai mainikuna, ao n tararua naba aroia Iteraera b'a a na taromauri raoi. Ngkana iai ae na kataia ni karaoa ana m'akuri Moote ma Aaron, ao e na tiringaki.

Ebera 5:4

Ao akea temanna ae anaa te karineaki aei b'a karineana, ae te nakoa n ibonga ae kakannato, ma ti ngkana e weteaki nako iai iroun te Atua, n ai aron Aaron.

Iotua 4:7

ao kam na kaongoraaia b'a ngke e ri nanon te Ioretan Ana Ati ni Berita te UEA ao e rina n toki raangan ranin te karaanga. A na kateimatoa uringan baika a riki n te bong aei ikai atiibu aikai.”

Iuta 1:11

A na reke kaiia! B'a a karaoa te baere e karaoia Kain, ao a kataua karaoan te kaairua are e karaoia B'araam i bukini kani karekeani boon aia m'akuri. A rawa ni kan tautaekanaki n ai aroni Kora, ao a mate.