Warekaia Iteraera 16:31 - Te B'aib'ara

³¹ Ao ngke e a tia n taekin taeka aikai Moote, ao e a uki naba te tano are i aaia mm'aane akekei

Warekaia Iteraera 16:31 ပူးပေါင်းရင်းမြစ်များ

Itaia 24:19

E na rina n uruaki te aonnaba, ma ni maaerikiriki.

Warekaia Iteraera 16:30

Tera ngke E karaoa te m'akuri teuana te UEA ae bon tuai man nonoraki mai m'aaina, ao tera naba ngke e a ti tabwena naba te tano, ao a b'aka naba mm'aane aikai ma aia utu nako nanona, ao a manga taunaki naba iai ngke a boni maiu, ma aia b'ai ni kabane? Ao ane kam na ataia n te aro anne b'a ngaia a bon tia uaakai n tannako mairoun te UEA!”

Warekaia Iteraera 16:32

ao e kab'autiia ngke a boni maiu, n ikotaki ma aia utu, ao aia b'ai ni kabane.

Warekaia Iteraera 20:3

ao a ngurengure, ao a taku, “Tao e bon raoiroi riki ngke ti a kamani mate ma koraki akekei i matan ana Um'antabunrianna te UEA.

Warekaia Iteraera 27:3

Kam bon ataia b'a e mate tamara n te rereua. Ma e boni mate i bukin te b'ai teuana are e karaoia, ma tiaki i bukin raonakin Kora ngke e kamangao nakon te UEA. Bon akea natin tamara te mm'aane i mwiina

Te Tua-Kaua 11:6

Ao kam noora naba aron te UEA ngke E kauka te tano i nuukan ara tabo are ti kateimaeka iai i aan ana autinrianna Ratan, ao Abiram, ake a kab'autaki ma aia utu, aia man aika kawakawa, ao aia autinrianna.

Iuta 1:11

A na reke kaiia! B'a a karaoa te baere e karaoia Kain, ao a kataua karaoan te kaairua are e karaoia B'araam i bukini kani karekeani boon aia m'akuri. A rawa ni kan tautaekanaki n ai aroni Kora, ao a mate.