Warekaia Iteraera 16:28 - Te B'aib'ara

²⁸ Ao e taku Moote nako ia aomata, “E a tia n rineai te UEA, ao E tuangai b'a N na karaoi baikai, bon tiaki au iango. Ao kam na noora koauana n te tai aei:

Warekaia Iteraera 16:28 ပူးပေါင်းရင်းမြစ်များ

1.Uea 18:36

Ao ngke e a bo tain te angakarea n te tairiki, ao e tataro Eria ni kaangai: Ara UEA, Boni ngkoe Atuan Aberaam, Itaaka, ao Iteraera. Ko na kaotia raoi b'a boni ngkoe Atuan te botannaomata aei, ao ngai ae am toro I boni karaoa aei n am babaaire.

Te Otinako 3:12

Ao E kaeka te Atua ni kaangai, “N na memena i roum. Ao ane ko na ataia b'a boni Ngai ae I kanakoko, ngkana ko taromauriai i aon te maunga aei ngkana ko tia ni kaotinakoia Au aomata mai Aikubita.”

Te Otinako 4:12

Ko na nako ngkai! N na raoniko ngkana ko taetae ma n anganiko taeka aika ko na taekin.”

Te Otinako 4:15

Ko konaa n taetae nako ina ma n tuangnga te b'ai ae I taekinna. N na buokingkami ni kauoman n taetae, ao N na kaai n tuangkami te b'ai ae kam na karaoia.

Te Otinako 7:9

“Kam na karaoa te kakai ngkana e kaangai B'arao nako imi karaoa te kakai ao ko na kaangai nakon Aaron, ‘Anaa okom ao karenakoa nako aontano i matan B'arao ao ane e na riki b'a te naeta.’ ”

Ieremia 23:16

Kam na aki ongo nakon aia kewe burabeti ni kewe aikai, ngkami aika kaain Iuta! Te rongorongo ae a tataekinna bon ti aia iango; e bon aki nako mairou, Ngai ae te UEA ae Moan te M'aaka.

Etekiera 13:17

Etekiera ae natin te aomata, ko na kabuakakaia ainen Iteraera ake a kab'arab'araa te rongorongo are bon oin aia iango.

Tekaria 2:9

Ma ngaia are, E na kaakingkami nako nanoni baiia ami toro, ao a na kurib'aingkami ma ni kimoaingkami. Ao i mwiina, kam na ataia iai b'a ana burabeti te UEA ae Moan te M'aaka ngai.

Tekaria 4:9

Ao e kawenea aan te Tembora Terub'abera, ao e na katiaa raoi. Ao ane a na ataia iai aomata b'a I kanakoko, Ngai ae te UEA ae Moan te M'aaka.

Warekaia Iteraera 24:13

b'a e ngae ngkana ko b'aintangiraai n te bareti ae onrake n te koora ma te tirewa, ma N na bon teimatoa naba n ongotaeka iroun te UEA. Ao I boni katereterea naba ae n na bon ti taekin baike E tuangai te UEA.

Ioane 11:42

Ao I ataia b'a Ko ongongo irou n taai nako: ma I atonga aei i bukiia aomata aika teitei ikai, b'a a aonga ni kakoaua b'a Ngkoe ae Ko kanakomaiai.”

Ioane 14:11

Kam na kakoauaai b'a Ngai i nanon Tamau, ao Tamau i nanou; ma ngkana kam aki, ao kam na kakoauaai i bukin au m'akuri nako.

Ioane 5:30

Akea te b'ai ae I kona ni karaoia n aron te m'aaka ae iai irou. I motiki-taeka n ai aron tuangau iroun Tamau, ao e eti au motiki-taeka i bukina b'a I aki ukoukora are oin nanou, ma I ukoukora nanon Tamau are kanakomaiai.

Ioane 5:36

Ma iai te b'ai ni kakoaua i buku ae moamoa riki nakon are kaotiotia Ioane: boni baika I karaoi, aika m'akuri ake E anganai te Tama b'a N na karaoi; a riki b'a b'ai ni kakoaua i buku, ao a kaotia b'a E kanakomaiai te Tama.

Ioane 6:38

B'a I roko mai karawa, tiaki i bukini karaoan nanou, ma i bukini karaoan nanon Teuare kanakomaiai.

Te Tua-Kaua 18:22

Kam boni kona n ataia b'a ngkana bon te rongorongo mairoun te UEA, ao e na boni koro bukina, ma ngkana e aki korobukin ana taeka te burabeti ao ngkanne kam na ataia b'a e a tia te burabeti ni kewe b'a aongkoa Ana rongorongo te UEA. Kam na aki maaku irouia burabeti aika a taekin rongorongo aika tiaki mairoun te UEA.