Warekaia Iteraera 16:22 - Te B'aib'ara

²² Ma a uaia ni boobaraaki mm'aane ake uoman akekei, ao a kaangai, “Atuara, Ko anga te maiu nakoia aomata aikai. E aera b'a Ko na katuaaia aomata ni kabane aikai ngkana tao bon ti temanna are e karaoa te bure?”

Warekaia Iteraera 16:22 ပူးပေါင်းရင်းမြစ်များ

Karikani B'aai 18:32

Ao e taku Aberaam, “Taiaoka ma tai un te UEA, b'a ai bon au kabanea n taetae. Ao ngkana ti tengaun aika kuneaki b'a akea aia bure?” Ao E taku nakoina, “N na bon aki kamaunaa naba ngkana ti tengaun m'aitiia.”

2.Tamuera 24:1

Ao E un te UEA irouia Iteraera, ao e karekea ana iango Tawita b'a e raoiroi ngkana e wareki m'aitiia Iteraera ma Iuta.

2.Tamuera 24:17

E noora te anera Tawita ngke e tiringiia aomata nako ao e taku nakon te UEA, “Bon ti te bo aomata aikai ma tiibu ao Ngai aia tia kaawakintiibu. I a tia ni bure korakora, ao a bon aki bure. Taiaoka, katuaaeai ma au utu ma Ko na aki katuaaia!”

Iobi 12:10

Bon te Atua ae kairi maiuia Ana karikib'ai, a bane ni mena maiuia aomata i nanon m'aakana.

Taian Areru 99:6

Ana ibonga naba Moote ma Aaron, ao Tamuera, boni ngaia naba temanna ae taboa arana; A tataro nakoina, ao E ongo irouia.

Te Minita 12:7

Ma ngaia are, a manga oki rab'atara nakon te tano, ao te ikeike ni maiu e na okira te Atua.

Itaia 57:16

au Aomata, e a toki uniu ao I aki manga bukiningkami. B'a bon te tia karikingkami Ngai. I aki tangiringkami b'a e na b'ara nanomi n te aro ae moan te korakora.

Ieremia 32:27

Ieremia, Bon te UEA Ngai ae te Atua, ao I bon konaa ni karaoi b'aai ni kabane!

Ieremia 38:16

Ao e taku, I tuea n aran te UEA ae E maiu ae te Tia karikib'ai b'a I aki tangiria b'a ko na tiringaki. Bon akea temanna ae e konaa n ongo te b'ai ae ti taekinna, ao akea temanna ae I tuangnga b'a e na tiringko.”

Etekiera 18:4

Bon au b'ai maiuia aomata ni kabane, kaaro ao ai uana naba ma naati. Bon ti aika a bure aika a riai ni kamateaki.

Nakoaia Ibonga 10:6

Ao e taku Moote nakon Aaron ao nakon natina m'aane ake Ereata ao Itama, “Kam na aki kamangaongaoi irami ke n raeuai kunnikaimi ni kaota nanokawakimi. Kam na mate ngkana kam karaoa anne, ao E na un te UEA nako ia Iteraera ni kabane. Ma a konaa ni bane n tanginiwenei raomi n I-Iteraera i bukin te mate ane e riki man te ai are e kanakoa te UEA.

Nakoaia Ibonga 4:3

Ngkana tao te ibonga ae e bure ni kabuakakaia te botannaomata, ao e na uota te kao teteei ae te m'aane ae akea toabuakan rab'atana, ao e na tiringnga b'a ana karea i bukin ana bure.

Tekaria 12:1

Aio te rongorongo mairoun te UEA i bukin Iteraera: Bon te UEA Ngai! I arora nako taiani karawa; I kaaki te aonnaba i aon aana ao I anga te ikeike ni maiu nakoia aomata.

Warekaia Iteraera 14:5

Ao e bobaraaki Moote n tataro i mataia aomata.

Warekaia Iteraera 16:23

Ao E kaeka te UEA nakoni Moote ao E taku,

Warekaia Iteraera 16:4

Ao ngke e ongo taeka aikai Moote, ao e katorobubua n tataro.

Warekaia Iteraera 16:45

“Kam'aawaingkami! N nang bon karokoa aia bong Iteraera n te tai aei.” Ao a kawaekoaia ni bobaraaki n tataro.

Warekaia Iteraera 27:16

“Bon te UEA Ngkoe ae te Atua, ao ko atai b'aai ni kabane ake i nanoia aomata. Ma ngaia are, I a butiiko b'a Ko na rinea te tia kairiri irouia Iteraera.

I-Rom 5:18

Ma ngaia aei, ngkai a kabuakakaki aomata ni kabaneia i bukin te bure ae ti teuana, ao ai arona naba, b'a a na bane aomata nako ni kainaomataki ma n anganaki te maiu n te m'akuri ae e raoiroi ae ti teuana.

1.I-Korinto 13:7

E kaitarai b'aai ni kabane ma te taotaonaki n nano; e teimatoa n onimaki; e teimatoa ni kaantaninga, ao e teimatoa n taotaona nanona nakoni b'aai ni kabane.

Ebera 12:9

I rarikin aei, bon iai tamara aika taman rab'atara, aika reireira ni kaeti arora, ao ti karineia; ao tiaki e raoiroi riki b'a ti na anga ngaira nakon Taman tamneira, ao ti na maiu?

Iotua 22:18

Ngkana kam aki ongotaeka i roun te UEA n te bong aei ao e na reke kaimi ma aomatan Iteraera ningabong.