Warekaia Iteraera 16:15 - Te B'aib'ara

¹⁵ Ao e a rangi n un Moote, ao e taku nakon te UEA, “Ko na tai ongora i rouia mm'aane aikai! I bon tuai ni karaoa te kaairua nako ia. I bon tuai naba man anaa aia aati temanna.

Warekaia Iteraera 16:15 ပူးပေါင်းရင်းမြစ်များ

2.Tamuera 22:22

I karaoa te b'ai are Ko tangiria ao I aki roko n te rairaki nakon karaoan te buakaka.

Te Otinako 32:19

Ao ngke e tabe ni kaan Moote ma aia maeka, e a noora te bouannanti, ao e nooriia aomata aika m'am'aie i rarikina. Aei te b'ai are e a rangi n un iai n te aro are e a karenakoi taian atiibu ma ni kamaaenikuni i oin te maunga.

Taeka n Rabakau 21:27

E aki tabeakin aia angab'ai aomata aika a buakaka ma aia iango aika a buakaka te UEA.

Warekaia Iteraera 12:3

B'a kaanga ai bon antai ngaia n ana iango? E bon tataetae naba te UEA nako ira tiaki tii ngaia.” E bon ongo te UEA ngurengureia

Warekaia Iteraera 16:16

Ao i mwiina, ao e taku nakon Kora, “Kam na nako ngkoe ma raom akanne n ira Aaron nakon te Um'antabunrianna nakon te ingabong.

Mataio 5:22

ao Ngai I taku nako imi, b'a ane un nakon tarina, ao e na kateaki n te kabowi b'a e na baireaki taekana; ao ane kangai nakon tarina, Akea warem; ao e na tei i matan te Tanirim b'a e na baireaki taekana iai; ao ane atonga tarina b'a akea uaana ao e na motikaki taekana b'a e na teweaki nako n te ai are i moone.

Mareko 3:5

E un Iesu ngke E tarataraia nako, ao E nanokawaki naba i bukina ngke a matoatoa nanoia; ao E taku nakon teuarei, “Arora nako baim.” Ao e aroria, ao e maiu baina.

1.I-Korinto 9:15

Ma I tuai mani b'aina teuana mani baikai, ao I aki koroi naba taeka aikai b'a a aonga n reke nako iu. E raoiroi riki i buku b'a N na mate nakon ae e anaaki mai rou iroun temanna te b'ai ae I kakatonga iai.

2.I-Korinto 1:12

B'a aio kamoamoara, ao ana kaotioti mataniwin nanora: b'a n arora ni maiu n te aonnaba aei, ao ai moa ra riki n arora nako imi, ao ti a tia ni b'aina te maiu ae tabu ae itiaki are mairoun te Atua, tiaki n te rabakau n aon te aba, ma n ana akoi te Atua.

2.I-Korinto 7:2

Kaota ami tangira nako ira; akea temanna ae ti karaoa ae kairua nako ina; akea ae ti urua maiuna ae raoiroi, ao akea ae ti burebureia.

I-Ebeto 4:26

Kam kona n un iroun temanna, ma a na aki riki unimi b'a kairami nakon te bure; e na aki bungi taai i aon unimi.

1.I-Tetaronike 2:10

Ara taani kakoaua ngkami ma te Atua naba, n arora ake ti b'ain nako imi, ngkami aika kam onimaki; b'a ti b'aina te maiu ae itiaki ae karaoa nanon te Atua ao ae akea kabuakakana.