Warekaia Iteraera 15:9 - Te B'aib'ara

⁹ ao e na nikiraki naba te karea are te uita, are karaoaki man onoua te rawawata te buraawa ae renganaki ma uoua te riita b'aan te oriwa

Warekaia Iteraera 15:9 ပူးပေါင်းရင်းမြစ်များ

1.Rongorongo 21:23

Ao e taku Arauna, “Anaia, teuae ko karineaki, ao karaoa ane ko bon taku nako iai. Ao ngai n na anganiko naba taiani kao b'a am karea ni kabuokaki, ao taian uita b'a am angab'ai are te uita. Ao ko konaa naba ni kabonganai taian baba ni kaaki kun ni uita i bukin am aia. Bon am b'ai ni kabane!”

Neemia 10:33

Ti karaoa aei i bukin boon te kariki are e tabu ao ai uana naba ma te karea are b'ain te bong koraki ao te karea ae e okoro n aron ake a kareanaki n te Taabati ao i nanon naba te Toa ae Moan Otin Nam'akaina ao taian toa naba ake tabeua. E na riki naba b'a boon te karea i bukin kab'araan buure ao taian kabanem'ane i bukin taromaurian te Atua n te Tembora.

Etekiera 42:13

Ao e taku te aomata arei nako iu: Ru aikai a mena i meaangin ao i maiakin te Tembora bon taian ruu aika a tabu ike a na kang iai karea aika a rangi n tabu ana ibonga te UEA. Raon taiani karea aikai bon te karea are te uita, te karea i bukin te bure, ao te karea i bukin kaetan b'aai.

Etekiera 46:11

E na riai ni kareanaki 9 te kirokuraem te uita ma te kaom'aane, ao 9 te kirokuraem e na kareanaki ma te tiibum'aane. A konaa n anga taan taromauri te m'aiti n uita are a bon tangiria ni kaairaki ma te tiibu n tatabemaniia. E na kareanaki 3 te riita b'aan te oriwa ma 9 te kirokuraem te uita.

Etekiera 46:15

b'a e na kaakareanaki te tiibuteteei, te buraawa, ao b'aan te oriwa nako iu ni katoa ingabong n taai nako.

Etekiera 46:5

E na anga naba b'a raon te tiibu te m'aane, 9 te kirokuraem te uita, ao e konaa naba n anga ma te tiibu m'aane n tatabemaniia nako n aron are e taku b'a e bon tangiria. E na riai naba n anga 3 te riita b'aan te oriwa ni katoa 9 te kirokuraem te uita.

Etekiera 46:7

E raona te kaom'aane ma te tiibu te m'aane, n anga naba 9 te kirokuraem te uita, ao e konaa n anga ma taian tiibu m'aane aikai n tatabemaniia nako te b'ai are e bon tangiria n anga. E na riai naba n anga 3 te riita b'aan te oriwa ma 9 te kirokuraem te uita ni kabane.

Ioera 1:9

A aki manga oki n uotaki nakon ana Tembora te UEA taian angab'ai ake taian uita ma te wain. A rangi n nanokawaki Ana tia m'akuri ake taian ibonga.

Ioera 2:14

Bon te UEA Ngai ae Atuami. E na mena ngkoa ao N na manga bita nanou ma n nanoangaingkami. Ao ane kam na kakab'aiaki n anganaki taian uita ao te wain ae e tau i bukin te angakarea nako iu.

Nakoaia Ibonga 14:10

N te kawanua ni bong e na uoti uoman taian tiibuteteei aika m'aane aika akea toabuakan rab'ataia, ao uoman naba tiibu aine aika kaka teuana aia ririki, aika akea naba toabuakan rab'ataia, ao tenua te kirokuraem te buraawa ae renganaki ma b'aan te oriwa, ao te katenim'akoro te riita b'aan te oriwa.

Nakoaia Ibonga 6:14

Aikai tuua i bukin te karea are te uita. A na riai ni uota te karea are te uita ibonga ake kanoan Aaron nakon te UEA i matan te baonikarea.

Nakoaia Ibonga 7:37

Ao akanne tuua i bukin taiani karea ni kabuokaki, taiani karea are te uita, taiani karea ni kab'arabure, taiani karea ni kabomwi, taiani karea ni katabutabu, ao taian karea n raoi.

Warekaia Iteraera 15:10

n reitaki naba ma aua te b'ainti te wain. N na boni kukurei ni boiararan bubun te karea aei.

Warekaia Iteraera 15:8

Ngkana e kareanaki te kaomm'aane b'a te karea are kakukureiau, ke i bukin butiakiu Au kakab'aia,

Warekaia Iteraera 28:12

Kam na anga onoua te rawawata man ami buraawa are rangi ni mte ae renganaki ma b'aan te oriwa b'a te karea are te uita are raon tatabeman taiani kaomm'aane. Kam na angan te aba te buraawa are aua te rawawata are renganaki ma te b'a ma te tiibu mm'aane,

Warekaia Iteraera 28:14

Kam na anga uoua te riita te wain b'a te karea are te mooi b'a raon te kaomm'aane n tatabemaniia, ao teuana ma te iterana te riita b'a raon te tiibu te teei n tatabemaniia. Aio te kaetieti i bukin te karea ni kabuokaki ni moani bongin te nam'akaina koraki ni katoa ririki.

Warekaia Iteraera 29:6

A na karaoaki taian karea aikai b'a raonan karea n te bong koraki ao taiani karea are i bukin moani bongin te nam'akaina. E na bon kakukureiai bubun taiani karea aikai.

1.Tamuera 1:24

Ao ngke a manga roko naba tain te nako Tiro n te ririki, ao a uota Tamuera Nei Anna ma Erekana e uota Tamuera nakon Ana auti te Atua. Ao a uota naba te kao ae tenua ana ririki, ma te tiaeki ae kanoana ruaiwa te kirokuraem te buraawa, ao te b'aata ae onrake n te wain.