Warekaia Iteraera 15:7 - Te B'aib'ara

⁷ Ao e na kab'aroaki naba teuana ma te iterana te riita te wain i aon te baonikarea. E na bon kakukureiai boiararan bubun te karea aei.

Warekaia Iteraera 15:7 ပူးပေါင်းရင်းမြစ်များ

1.Rongorongo 29:21

N te bong are i mwiina, ao a tiringiia 1,000 taiani kaom'aane, 1,000 te tiibum'aane, ao 1,000 te tiibuteteei, ao a anga b'a aia karea i bukin kakukureian te UEA, n ikotaki naba ma karea ake taiani wain.

Te Otinako 29:40

Kam na anga ni kaairia ma te tiibuteteei, teuana te kirokuraem te buraawa ae e renganaki ma teuana te riita b'aan te oriwa ni koaua b'a te angab'ai.

Warekaia Iteraera 15:6

Ao ngkana te tiibu mm'aane ami man ae a boni ikawai, ao kam na riai n anga uoua te rawawata te buraawa ae renganaki ma teuana ma te iterana te riita b'aan te oriwa.

Warekaia Iteraera 15:8

Ngkana e kareanaki te kaomm'aane b'a te karea are kakukureiau, ke i bukin butiakiu Au kakab'aia,

Warekaia Iteraera 28:2

b'a e na kaangai nako ia Iteraera: Kam na anga ami karea nako Iu n ami tai n taromauri ake a tia n rineaki, b'a I aonga n aroka bubun te karea ao I kukurei iai.

Warekaia Iteraera 28:7

Te kabanea, are raon karea aika uoua aikai, bon uoua te b'ainti te wain are na kab'aroaki i aon te baonikarea b'a te karea are te mooi.

Warekaia Iteraera 6:15

Ko na anga naba te angab'ai are te wain, ao te karea are te uita ma maan aikai. Ao te kabanea, ko na riai ni uota naba te b'atiketi ni kariki aika karaoaki man te buraawa ae rangi ni mte, ao b'aan te oriwa, ma e na aki itinaki. Ao ko na uota naba te buraibaan ae kabiraki aona n te b'a.

Tani Motiki-taeka 9:13

Ma e taku te kureebe, A uota te kukurei au wain nakoia aomata ma taian atua. I aki kona ni katoka karaoan te wain ti i bukin kaburaan m'aangau i aoia aroka nako.