Warekaia Iteraera 15:31 - Te B'aib'ara

³¹ E na kanakoaki ao e na aki manga maeka i buakoia Iteraera.

Warekaia Iteraera 15:31 ပူးပေါင်းရင်းမြစ်များ

2.Tamuera 12:9

E aera ngkai ko aki ongotaeka irou ao ko karaoa te b'ai ae rangi ni kakamaaku? Ko tiringa Uria are kaain Eta ngke ko anga b'a e na tiringaki irouia kaain Ammon, b'a ko aonga ni konaa n anaa buuna.

Taian Areru 107:11

B'a kioina ngke a rawa nakon ana taeka te Atua are Moan te M'aaka, Ao a riba ana taeka n reirei.

Taian Areru 119:126

Karaoa ae ko taku, te UEA! B'a a urua am Tua aomata.

Taian Areru 38:4

A rangi ni bati au bure, Ai aron te ieka ae I a b'ab'a iai; a rangi n rawaawata n te uotaki.

Te Otinako 30:33

Ko na aki manga riki b'a ana aomata te UEA ngkana ko karaoa anne.”

Taeka n Rabakau 13:13

Ngkana ko aki butim'aea ana reirei te Atua ao ane ko na kab'aka boona; ngkana ko ongotaeka nakon ana kaetieti nako, ao ane ko na anganaki kaniwangam.

Itaia 30:12

Ao ngkai aio ana kaeka Atuaia Iteraera ae e tabu: “Kam katinanikui au rongorongo, ao kam onimakini m'akuri n iowawa ao taiani kewe.

Itaia 53:6

Bon tiibu ngaira ni kabane aika a m'aninga nako. Ti a tia n toua nako kawaira n tatabemaniira, ma e anganna te UEA te tuua are ti bon riai ni katuaaeaki iai.

Etekiera 18:20

Bon ti aika a bure aika a na tiringaki. A na aki karawaawataaki naati i bukin aia bure aia karo, ao kaaro a na aki karawawataaki i bukin aia bure natiia. A na bon riai n anganaki kaniwangaia aomata aika a raoiroi i bukin te b'ai are e a karaoia, ao aomata aika a buakaka a na katuaaeaki i bukin te b'ai are a karaoia.

Nakoaia Ibonga 26:15

Ngkana kam rawa n ongo n au tua ma au Kaetieti nako, ao ngkana kam urui au boraraoi,

Nakoaia Ibonga 26:43

ao N na kamotirawaa n te tai are kam mena iai n te aba n iruwa, ao kam na kab'aka boon aroaromi ni kakatei nako Iu ma au tua nako.

Nakoaia Ibonga 5:1

Aikai buure ake a tangira te Angab'ai I bukin te Bure. Ngkana iai ae e tangiraki b'a e na anga te kakoaua n te bowi, ao e aki anga te rongorongo n te b'ai are e nooria ke e ongo raoi, e na riai n okiria mwiina.

Warekaia Iteraera 9:13

Ma ngkana iai i roumi ae rawa ni karaoa te Riao ngkana kam aki m'ananga nako kiraroa, ao e na katinanikuaki. E na bon katuaeaki i bukina ngke e aki anga karea nako Iu n te tai ae riai.

1.I-Tetaronike 4:8

Ma ngaia are te aomata ae rawa nakon te taeka n reirei aei, ao e aki rawa nakon te aomata, ma e rawa nakon te Atua, are anganingkami Tamneina are Raoiroi.

1.Betero 2:24

Ao E uoti ara bure n rab'atana i aon te kai, b'a ti na mate nakon ara bure ni kitan, ao ti na kabane maiura i bukini karaoan nanon te Atua. Ao kam kamaiuaki n oreana.

2.Betero 2:21

B'a e raoiroi riki i rouia ngke a aki ata te aro are E tangiria te Atua b'a a na maiu iai nakon ae a ataia, ao a rairaki nako man taekan te tua ae tabu are a anganaki.

1.Tamuera 3:14

I kauringa Eri b'a e aki kona te karea ke te angab'ai ni kaeti b'aai! B'a e a rangi ni m'aiti aia tai ni karaoi b'aai aika rangi n ribaaki.