Warekaia Iteraera 15:30 - Te B'aib'ara

³⁰ Ma ngkana bon iai ae karaoa te bure ni bon nanona, b'a tao te Iteraera ke te iruwa ae maeka i buakomi, ao e na bon reke n te bure b'a e a tia n aki ongeaba n urui taian tua.

Warekaia Iteraera 15:30 ပူးပေါင်းရင်းမြစ်များ

Karikani B'aai 17:14

Te mm'aane ane aki korotabonim'aneaki, e na bon aki atongaki b'a au Aomata, i bukina ngke aki kawakina au boraraoi ma ngaia.”

Iobi 38:15

E rangi n raka raneanean te ngaina i rouia aomata aika buakaka n te aro are e tuukia man kaikoakaia aomata.

Taian Areru 19:13

Kawakinai naba mani karaoani baika I atai b'a a bure; Tai kariaia b'a a na tautaeka i aou. Ao N na riki ni moan te raoiroi Ao N na kamaiuaki mani buakakan te bure.

Taian Areru 69:9

Ai aron te ai ae ura tangiran am Tembora i nanou; A b'akarai taeka i bukim, aika taeka aika bubuaka.

Taian Areru 74:18

Ma Ko na uringnga, te Atua, b'a a ngareakiniko am Kairiribai, Ao akea onimakinam ma karineam irouia.

Taian Areru 74:22

Te Atua, teirake, ao taetae i bukim! Uringiia aomata ake akea karineam irouia ni ngareakiniko n te bong koraki.

Taian Areru 79:12

Te Uea, kaitiua te tai nakoia botannaomata booni mwin aia taetae n iowawa ni kabane nakoim.

Taian Areru 89:51

Te UEA, a taetae n iowawa am Kairiribai nakon te uea are Ko rineia! A taetae nakoina n te aro anne ike e nako iai.

Te Otinako 21:14

Ao ngkana arona b'a kam a kaman iaiangoa tiringan te aomata temanna, ao bon akea maiumi, kam aki maiu naba ngkana arona b'a kam nimta te baonikarea. Kam na katikitikaki nako ma n tiringaki.

Te Otinako 30:33

Ko na aki manga riki b'a ana aomata te UEA ngkana ko karaoa anne.”

Taeka n Rabakau 14:31

Ngkana kam karaoa ae e aki riai nakon te aomata ae e maiu ni kainano, ao kam bon kamamaaea iai te Tia Karikib'ai; ma ngkana kam akoia, ao kam bon kaota iai karineana.

Etekiera 20:27

Etekiera, ko na tuangiia Iteraera b'a a bon katinanikuai ma ni kamarakai

Nakoaia Ibonga 20:10

Ngkana iai te m'aane ae e wenenibure ma te aine temanna, a na uaia ni kamateaki ni kauoman.

Nakoaia Ibonga 20:3

A tia ni kamaamaea te tabo ike I taromauriaki iai ni ikotaki ma Arau ae e tabu. Ma ngaia are, N na ekinakoia ao a na aki manga riki b'a raoia au Aomata.

Nakoaia Ibonga 20:6

N na bon riki b'a ami kairiribai ngkana kam nakon ane e taku b'a e tataetae ma maate, ao N na kamaunaingkami mai buakoia au aomata.

Warekaia Iteraera 15:29

E na kamanenaaki naba te tua aei nakoia aomata nako aika a karaoa te bure n tiaki nanoia, b'a tao te Iteraera, ke tao te iruwa ae maeka i buakomi.

Warekaia Iteraera 9:13

Ma ngkana iai i roumi ae rawa ni karaoa te Riao ngkana kam aki m'ananga nako kiraroa, ao e na katinanikuaki. E na bon katuaeaki i bukina ngke e aki anga karea nako Iu n te tai ae riai.

Mataio 12:32

Ane taetae n ekaanako Natin te Aomata, ao e na kab'araaki ana bure; ma ane taetae n ekaanako te Tamnei are Raoiroi, ao e na bon aki kab'araki ana bure n te aonnaba aei, ke n te aonnaba ae na roko.

Te Tua-Kaua 1:43

Ao I tuangngkami Ana taeka te UEA, ma kam aki tabe iai. Kam aki ongotaeka i rouna, ao kam boni m'ananga naba nakon aaba ake a tabukibuki. Kam rangi ni kantiab'ai.

Te Tua-Kaua 32:27

Ao I maaku ngke I ongo b'anaaia kairiribai aika kaangai, Ti kataenikaia Iteraera n akea Ana buobuoki te UEA.

Ebera 10:26

B'a ngkana ti boni kani kateimatoa arora ni karaoa te bure i mwin reken ataakin te koaua i roura, ao bon akea riki i bukira te karea teuana i bukini buure;

Ebera 10:29

Tera ngkanne aron te aomata ae toutoua Natin te Atua i aani waena, ma n atoatonga te raraa are b'ain te boraraoi are kaitiakaki iai man te bure b'a te b'ai ae aki itiaki, ma ni kamatauningaa te Tamnei n akoi? Iangoia ngkanne b'a m'aitira riki te karawawataki are e na b'akaria b'a mwini motikan taekana!

2.Betero 2:10

ai moara riki te koraki ake a iri nanon rab'ataia ni karaoi m'akuri ni kaib'ab'aru aika kam'ara, ma n rawa n tauaki aroia: te koraki n ninikoria aika kainikatonga, aika aki maku n taetaebuakaia akana neboaki.

1.Ioane 5:16

Ngkana e nora tarina te aomata b'a e karaoa te bure ae e na aki mate iai, ao e na tataro i bukina, ao te Atua E na angan teuare e bure te maiu. E a kaeti aei nakoia ake a bure n te bure ae a na aki mate iai. Bon iai te bure ae e mate te aba iai: I aki taku b'a e na tataro i bukin aei.

1.Tamuera 2:25

Ngkana kam kaikoaka te aomata temanna, ao E kona te Atua ni manga kaeti b'aai i marenami ni kauoman. Ma ngkana kam karaoa te bure nakon te UEA, ao bon akea ae kona ni buokingkami!” Ma te UEA e a kaman iangoi tiringakiia. Ngaiare e kamatoai nanoia n aki kan ongo b'anaan tamaia.

1.Tamuera 3:14

I kauringa Eri b'a e aki kona te karea ke te angab'ai ni kaeti b'aai! B'a e a rangi ni m'aiti aia tai ni karaoi b'aai aika rangi n ribaaki.