Warekaia Iteraera 15:20 - Te B'aib'ara

²⁰ Kam na anga nako Iu te moan kabobo n te buraawa are kam karaoia man moan uitan te tai. Karaoa teuana te kariki ao anganai n aron are kam karaoia n te karea are te uita.

Warekaia Iteraera 15:20 ပူးပေါင်းရင်းမြစ်များ

Neemia 10:37

Ti na uoti nakoia taiani ibonga n te Tembora taiani kariki aika a aki manti raoi ma moan uaan te tai, n reitaki ma raraoin uaan arokara, ao ara angab'ai are te wain ae e boou ma b'aan te oriwa. Ti na uoti naba katebwinan m'akoron ara tai are te uita nakoia kanoan Rewi ake tabeia riko aia n ara kaawa nako.

Te Otinako 23:19

Kam na katoa ririki ni uota m'akoron ami moa ni uaa aika kabanea n raoiroi nakon te tabo n taromauri. Kam na aki kaburoa te bun ni kooti i nanon mirikin tinana.

Te Otinako 34:26

Bon te UEA Ngai ae Atuami, ma ngaia are, kam riai ni uoti moan uaan ami tai nakon te tabo n taromauri. Kam na aki kaburoa te kooti ae e uarereke i nanon mirikin tinana.

Etekiera 44:30

E na b'ainaki moan m'akoron uaan te tai irouia ibonga. A na b'ain naba m'akoron taiani b'aintangira ni kabane ao taian angab'ai ake a uoti Iteraera nako iu. Ao ngkana iai akana a kam'aa kanaia te kariki, a na riai n anga te moan kariki b'a aia angab'ai nakoia ibonga, ao N na kakab'aia mwengaia aomata akana a karaoa aei.

Nakoaia Ibonga 2:12

Kam na uoti ami karea are uaan te moan tai n te ririki, ma kam na aki kabuoki i aon te baonikarea.

Nakoaia Ibonga 2:14

Kam na anga te uita are e tinimaki ke te uita are kamantaki teutana.

Nakoaia Ibonga 23:10

b'a e na kaangai nakoia Iteraera: Ngkana kam rin n te aba are N anganingkami, ao kam na anganai te moani b'ab'ati ni uaa nako. Ma ngaia are, angan te ibonga

Nakoaia Ibonga 23:20

E na tabeki rake te ibonga tiibu aikai ma te kariki ni katabuaki nako Iu. A tabu karea aikai ao bon au b'ai n tangira nakoia ibonga.

Warekaia Iteraera 15:21

A na bane ni karaoi nanon tuua aikai kanoami, ma n anga m'akoron te moan kabobo n te buraawa.

Warekaia Iteraera 18:12

N aron aei, ngkana a uoti aia moani b'a ma aia moani wain, ao aia moani uita Iteraera, ao kam na b'aini kabanean tamaroan m'akoron b'aintangira aikai.

Mataio 6:33

Ma kam na ukoukora moa Uean te Atua ma ana raoiroi, ao E na karekei baikai ni kabane te Atua nako imi.

I-Rom 11:16

Ngkana e katabuaki m'akoron te kariki b'a ana b'ai te Atua, ao are nikirana bon ana b'ai naba; ao ngkana e katabuaki wakaan te kai b'a ana b'ai te Atua, ao bon ana b'ai naba m'angana.

1.I-Korinto 15:20

Ma E a bon tia ni manga kamaiuaki Kristo mai buakoia maate, ao E riki b'a te b'ai ni kakoaua i bukiia ake a tia ni mate b'a a na manga kamaiuaki naba man te mate.

Te Tua-Kaua 14:22

Kaain Iteraera, kam na kaokoroi katebwina ni m'akoron ami uita ake kam tai ni katoa ririki.

Te Tua-Kaua 14:23

Ao kam na kaokoroi naba katebwina ni m'akoron ami wain ao b'aan te oriwa, ao karimoaia ami kao ni kabane, ma ami tiibu, ao ami kooti. Kam na uoti baikai nakon te tabo are E a tia n rineia te UEA b'a te tabo n taromauri, ao kam na kang ikekei. Kam na karaoa aei b'a kam aonga n rabakau aromi ni karinea te UEA ae Atuami.

Te Tua-Kaua 16:13

I mwiin banen ami Toa ake Toan Taian te Uita ma Toan Taian te Kureebe, ao kam na kairiia natimi m'aane, ao natimi aine, ao ami toro ni kabane nakon te tabo are E a tia n rineia te UEA b'a E na taromauriaki iai. Kam na karaoa te Toa ae M'anganikaai i nanon itiua te bong. Ao kam na kaoiia naba aomata aika kainano, n reitaki naba ma kanoan Rewi, ianena, ataei aika akea aia karo, ao aine aika a tia ni mate buuia.

Iakobo 1:18

E karikira n oin nanona, n te taeka are te koaua, b'a ti na riki b'a kanga moani-b'ai i buakoia akana karikaki i rouna.

Te Kaotioti 14:4

Te koraki aei bon ake a aki kam'araeaki irouia aine, b'a roronga ngaiia aika tuai ni bo ma aine. Boni ngaiia ake a irira te Tiibuteteei nako ike E nako iai. A a tia ni kamaiuaki mai buakoia kaain aonnaba, ao a riki b'a ana aomata te Atua ma te Tiibuteteei: ti te bo ngaiia ma moa n uaa ake a anga aomata nakon te Atua b'a ana b'ai.