Warekaia Iteraera 14:9 - Te B'aib'ara

⁹ Ma ngaia are, kam na aki rarawa nakon te UEA. Bon akea bukina b'a ti na maakuia aomata ake a maeka ikekei. E tei te UEA i bukira, ao a na bon aki kona ni kataenikaira!

Warekaia Iteraera 14:9 ပူးပေါင်းရင်းမြစ်များ

Karikani B'aai 48:21

Ao e taku Iakob'a nakon Ioteb'a, “N aron ae kam nooria, ao e a kaan mateu, ma E na memena iroum te Atua ma ni manga kaokiko rikaaki nako abaia am bakatibu.

2.Rongorongo 13:12

Ao bon anne bukina ngkai E mena te Atua n ara itera ao e na kairiira nakon te buaka ngkana a katanga te kanikina ibonga n taiani buu. Kam kabane buakaa ami tai Iteraera, kam bon riai ni kab'araa nanomi. Bon akea manenan ae kam karaoia Iteraera, kam riai ni kab'ara nanomi. Bon akea ami anga ae kam na konaa iai te UEA ae te Atua are a taataromauriia ami bakatibu.

2.Rongorongo 15:2

Ao e nako Ataria n te tai ae e waekoa ni kawara Ata ao e taku: Ko na ongora irou, ngkoe te uea ae Ata ao ngkami aika kaain Iuta ao Beniamin. E na memena te UEA iroumi ma ni buokingkami, ngkana kam teimatoa n ongotaeka ma n taataromauriia. Ma ngkana kam aki ongotaeka i rouna, ao e na bon kiitaningkami.

2.Rongorongo 20:17

Kam na aki buaka. Kam na ti tei ni nnemi ma ni mataku ngkana E kamaiungkami te UEA mairouia ami kairiribai. Kam na aki maaku. Kam na ti karaoa ae kam tuangaki. Ao ngkana kam m'aati n ingabong, ao e na raoni ngkami te UEA ikekei.

2.Rongorongo 32:8

b'a e buaka n ara itera te UEA ae Atuara. A ti onimakina korakoran te aomata kaain Aturia. Ao a kakorakoraaki ana taanga ni buaka Iuta n taeka aikai.

Neemia 4:14

Ao i mwiina, I tarai b'aai ni kabane ao I tuangiia taani kairiiri, mataniwi, ao aomata ni kabaneia ni kaangai, “Kam na aki maakuia ami kairiribai! E korakora te UEA ao e aki konaa ni maaku. Ma ngaia ae, kam na iangoia ao buaka i bukiia ami koraki ao ami ataei, buumi ao mwengami!”

Taian Areru 106:24

A riba te aba are a na anganaki, b'a a aki kakoaua ana taeka ni bau te Atua;

Taian Areru 121:5

E na kakawakiniko te UEA; E na memena i rarikim ao ni kataniko man riringan taai.

Taian Areru 14:4

Buakaka ma kammaira! E koaua b'a kam boni rangi ni bangab'ai? Kam raarawa n tataro, ao kam kang ana Aomata te UEA.

Taian Areru 46:11

Bon raora te Atua ae Moan te M'aaka, Bon otangara Atuan Iakob'a.

Taian Areru 46:7

Bon raora te UEA ae Moan te M'aaka; Bon otangara Atuan Iakob'a.

Taian Areru 46:8

Nako mai noori ana m'akuri te UEA, Nori baika kamimii aika E karaoi i aon te aba.

Taian Areru 74:14

Ko kamanatuai atuia Ribaietan, Ao Ko anga rab'atana b'a kanaia manin te rereua.

Taian Areru 91:1

Ane katanna iroun te Atua ae Moan te Rietaata, Ane kamanoa iroun te Atua ae M'aaka,

Te Otinako 14:13

Ao e taku Moote, “Kam na aki maaku! Taua abami b'a kam na noora te b'ai ae na karaoia te UEA ae Atuami i bukin kamaiuami n te bong aei, kam na bon aki manga nooriia kaain Aikubita aika kam nooriia aikai.

Te Otinako 33:16

Ma ngkana Ko iriira, ao a na bane n ataia aomata b'a Ko kukurei i rouia am aomata ao Ngai, ao n aron are ti na kaokoro iai ma aomatan nako te aonnaba.”

Itaia 1:2

E taku ngkoa te UEA, “Ongora, karawa ao aonnaba! A tia ni manga kaaitaraai ataei ake I kaikawaia.

Itaia 32:2

A na riai n riki b'a nne ni kamaiu man taian angibuaka, b'a taiani karaanga n ran n te rereua, ao te b'a ni katantan ma ni kabuebuen taai.

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 41:14

Kaain Iteraera kam na aki raraoma, ngkana a kaangai tem'angina, Bon ti te m'ata Iteraera!” Bon Atuan Iteraera ae e tabu Ngai, ae E kamaiuko ma ni kaawakiniko.

Itaia 63:10

Ao i mwiina a rairaki ana Aomata te UEA ni manga kaitaraa ao a kananokawakaki Tamneina ae e Raoiroi ae e Tabu. Ma ngaia are, e a manga riki b'a aia kairiribai ao e a manga buakaniia.

Ieremia 1:19

Ane a na buakaniko ma a na aki tokanikai. Bon aei au taeka Ngai ae te UEA A na bon aki konaa n tiringko.

Ieremia 42:11

Kam na aki maaka Uean B'aburon. N na kamanoingkami mai rouna,

Ieremia 48:45

A na tei i rarikin te kaawa are Etibon are e tautaeka iai ngkoa Taion, taan rawei maiuia i aan nuun te urarake man aia kaawa ae e buubura are e urarake. N te tai ae e aki maan, a na manga buburake taiani kaawa ake i aon tabuki ake tabeua, ike a maeka iai aomata aika a kakani buaka aikai.

Taniera 9:5

Ti a tia ni bure, Ti a tia ni karaoa ae e buakaka, ma ni karaoi baika a kaairua. Ti a tia n aki butim'aai baike Ko tua b'a ti na karaoi man tannako mani baike a eti ake Ko a tia ni kaoti nakoira.

Taniera 9:9

Ko akoi ao Ko kakab'arabure, e ngae ngke ti aki toki ni kakaaitarako.

Warekaia Iteraera 13:30

Ao e tuangiia aomata Kareb'a b'a a na aki karongoa, ao e taku, “Ti na nako n taua te aba. I ataia b'a e na reke i roura!”

Warekaia Iteraera 17:6

Ao e tuangiia aomata Moote te b'ai are E a tia ni baaireia te UEA, ao a anganna te oko man baronga ake tebwi ma uoua, n reitaki naba ma okon Aaron are anaaki man te baronga are Rewi.

Warekaia Iteraera 20:2

Ao e a bane aia ran Iteraera, ma ngaia are, a nakoni Moote ma Aaron,

Warekaia Iteraera 24:8

E kaotinakoi ngkami te Atua mai Aikubita n te korakora ae kaanga ai aron korakoran te kao anti mm'aane. Kam na konaiia ami kairiribai Kam na katebeia n ami kanoa ni katebe ma ni kamanti riia.

Mataio 1:23

“Noria, ane e na kariki te kibono, ao e na bungia te nati te mm'aane, ao a na aranna b'a “Emmanuera,” ae nanona, “Te Atua i roura.”

I-Rom 8:31

Ao tera ngkanne ae ti na taekinna i bukini baikai? Ngkana raora te Atua, ao antai ae kona n ekira nako?

Te Tua-Kaua 1:21

A b'ainna ngkai kaain Amora, ma E a anganiira ngkai ara UEA ae te Atua. Bon te Atua naba are a tataromauria ara bakatibu, ao E a tia n tuangiira b'a ti na anaa te aba aei, ma ngaia are, kam na aki raraoma, ke ni maaku.’ ”

Te Tua-Kaua 1:26

Kam rawa n rin n te aba, ao kam rawa naba n ongotaeka iroun nakon te UEA ae Atuami.

Te Tua-Kaua 1:29

Ao I taku nakoimi, “Kam na aki raraoma.

Te Tua-Kaua 31:6

Kam na ninikoria ma ni korakora. Kam na aki maakuia botannaomata ake n iteran te Ioretan are teuana. E na teimatoa te UEA ae Atuami ni mena n ami itera, ao E na bon aki kitaningkami.

Te Tua-Kaua 31:8

E na kairingkami te UEA nakon te aba. E na memena iroumi n taai nako mani buokingkami, ma ngaia are, tai mamaakuia ami kairiribai nako.

Te Tua-Kaua 32:42

A roko nanoia au kanoanikatebe n nimakin raraaia kairiribai; ao au kabaang e na katoong irikoia ma raraaia kairiribai. E na tiringiia buure, ma ni korei ni kanakoi atuuia aia taani kairiiri.

Te Tua-Kaua 7:18

Ma kam na katoka te raraoma. Kam na ti uringa te b'ai are karaoia te UEA ae Atuami nakon uean Aikubita.

Te Tua-Kaua 7:21

Ma ngaia are, kam na aki maaku ngkana kam aitara ni buaka ma ngaiia. E korakora Atuami ao E kakamaaku, ao E na buaka i bukimi.

Te Tua-Kaua 9:7

Kam na aki m'am'aninga aromi ngkoa ni kakaitaraa te UEA ma ni kakaunna n taai nako ngke kam mena i nanon te rereua. Kam a boni kakaitaraa naba ni moa mangke kam kiitana Aikubita ni karokoa te tai are kam roko iai ikai.

I-Biribi 1:27

Kam na ti kakaraoa ae boraoi ma nanon ana euangkerio Kristo; b'a ngkana I roko n noringkami, ke ngkana tao I mena n te tabo teuana, ao I kan ongo rongorongomi, b'a kam teimatoa n aromi ni maiu b'a kanga te tamnei ae ti teuana, ni kakorakoraingkami b'a kanga te aomata ae ti temanna, i bukin te onimaki are reke man te euangkerio;

Iotua 1:5

Bon akea ae na kona n eekikonako ni karokoa matem. N na mena i roum n ai arou ngke I mena naba iroun Moote. N na memena i roum n taai nako. N na bon aki kiitaniko.

Iotua 14:12

Ma ngaia ae ko na anganai aaba ake a tabukibuki n ai aron ana berita te UEA n te bong are I nikira iai rongorongon au tutuo, ma ake raou n te tai arei. Ti a tia ni kaongoko ngkoa b'a iai taian aintoa aika a aranaki b'a taian Anakim aika a maeka ni kaawa aika a korakora ooia akanne. Antai ae ataia ngkoa ao e na buokiira te UEA n aron Ana taeka.

Tani Motiki-taeka 1:22

Ao a katauraoia baronga ake Eberaim ao Manate ni buakana Betaera, are aranaki n te tai arei b'a Ruti. Ao E buokiia te UEA ngke a kanakoia aia taan tutuo ni karaba ni kakaea rongorongon Betaera.