Warekaia Iteraera 14:8 - Te B'aib'ara

⁸ Ngkana ti ongotaeka iroun te UEA, ao E na bon anganiira te aba are kaub'ai n te miriki, ao a na karewe te manibeeru.

Warekaia Iteraera 14:8 ပူးပေါင်းရင်းမြစ်များ

2.Tamuera 22:20

Ngke I a niniaki nako, Ko kainaomataai ao Ko kamaiuai i bukina ngke Ko tangirai.

1.Uea 10:9

I neboa te UEA ae Atuam. E kakatonga iroum ao E a tia n rineiko b'a uean Iteraera. E tangira Iteraera te uea ma ngaia are, E a tia n anganiia aia uea ae na tautaekaniia n te eti ma te koaua.

2.Uea 18:32

i nanon tabeua te tai, ao i mwiina, e na roko n uotingkami nakon te aba ae ai aron abami, ike kam konaa iai n uniki arokami taiani kureebe, man uniki arokami taian uita, ao a na rangi ni bati ami b'aa n oriwa ao ami karewe te manibeeru. Kam na kakoauaai, kam na bon aki mate ni baki ikekei.’ E taekinna Etekia b'a aongkoa E na kamaiungkami te UEA ma kam na aki kaburababaaki i rouna.

Taian Areru 22:8

Ao a kaangai, Ko onimakina te UEA, Ao ke E kamaiuko! Ngkana E tangiriko, ao ke E buokiko!

Te Otinako 3:8

ao I ruo rikaaki ngkai b'a N na kamaiuia mairouia kaain Aikubita. N na kaotinakoia Au aomata mai Aikubita nakon te aba ae e maiu reirei, ae e m'aiti iai te miriki ma ana karewe te manibeeru. N na anganiia te aba are a maeka iai ngkai kaain Kanaan, kaain Eta, kaain Amora, kaain Berita, kaain Iwa ao kaain Iebuti.

Itaia 62:4

E na aki manga atongaki aram b'a “Kiitanaki ao Kanoabo,” ma e na atongaki b'a “Mare Ma Te Kukurei.” Ko na kukurei iroun te UEA; e na riki abami b'a ana kainrou te aine.

Ieremia 32:41

N na kukurei ni karaoa ae e raoiroi nako ia, ao N na katea aroia b'a a na riki raoi b'a kaain te aba aei ni koaua.

Teb'ania 3:17

E bon mena iroum te UEA ae Atuam Ko na tokanikai ni m'aakana. E kukurei te UEA iroum ao E na anganiko te maiu ae e boou n ana tangira. E na anene ni kim'areirei i aom.

Warekaia Iteraera 13:27

ao a taku: Noori uanikai aikai! E rawata te miriki ma ana karewe te manibeeru n te aba are ti tuoa aona arei.

Warekaia Iteraera 16:14

Ko aki toki n taetae ni berita nako ira i bukin te aba ae maiureirei katawanangina, ao taiani nne ni kureebe iai. Ma a ngaa am b'ai aikanne? ani katoka am kewe nako ia aomata aikai. Ma ngaia are, ti rawa n nakoati ni kawariko.”

I-Rom 8:31

Ao tera ngkanne ae ti na taekinna i bukini baikai? Ngkana raora te Atua, ao antai ae kona n ekira nako?

Te Tua-Kaua 10:15

Ma e bon rangi ni korakora tangiraia ami bakatibu iroun te UEA, ao E tangiria ni karikiia b'a Ana b'ai. Ma ngaia are, E rineia ma kanoaia mai buakoia botannaomata ake tabeua, ao n te bong aei kam bon teimatoa naba n riki b'a ana Aomata.

Iotua 14:12

Ma ngaia ae ko na anganai aaba ake a tabukibuki n ai aron ana berita te UEA n te bong are I nikira iai rongorongon au tutuo, ma ake raou n te tai arei. Ti a tia ni kaongoko ngkoa b'a iai taian aintoa aika a aranaki b'a taian Anakim aika a maeka ni kaawa aika a korakora ooia akanne. Antai ae ataia ngkoa ao e na buokiira te UEA n aron Ana taeka.