Warekaia Iteraera 14:3 - Te B'aib'ara

³ E boni kairiira n nako Kanaan te UEA b'a ti na bane n tiringaki ma n tauaki ara aine ma ataei b'a taenikai? E raoiroi riki ngke ti mena i Aikubita.”

Warekaia Iteraera 14:3 ပူးပေါင်းရင်းမြစ်များ

Neemia 9:17

Ma Ko bon nanoanga ngkoe Atuara ao Ko waekoa ni kab'arai buure; Ko tangira, Ko nanoanga, ao Ko nanorinano. Ma ngaia are, Ko aki konaa n tannako mairouia

Taian Areru 78:40

Ai batiraa aia tai n rarawa ni kan aan-taeka i rouna n te rereua! Ao m'aiti ra te tai ae a kananokawakia iai!

Te Otinako 16:3

ao a taku nako ia, “Ti bia kaman tiringaki iroun te UEA ngke ti boni mena i Aikubita. Ngke ti mena n te tabo ike ti tekateka ma karara taian irikomaiu ni katoki nanora n aekaki n am'arake nako ake ti tangiri. Ma ko uotiira mai b'a ti na mate ni baki i nanon te rereua aei.”

Te Otinako 5:21

Ao a taku mm'aane akekei, “E a tia ngkai te UEA n iangoia b'a E na katuaaingkami ni kauoman ngkai kam a tia ni kauna te uea nako ira. Ao ngkai e nang tiringiira.”

Ieremia 42:14

Ti na nako Aikubita, ike e m'aiti iai te am'arake ao akea naba te bubuaka iai.”

Ieremia 42:19

Ao I tuangiia aomata ni kaangai: E reke birinakomi man te kabuanib'ai are e oreaki iai Iuta, ma n te tai aei, E kauringkami te UEA b'a kam na kararoaingkami mai Aikubita.

Ieremia 9:3

Ao E kaeka te UEA: Taeka ni kewe mai nanon wiia au aomata ti te bo ma taian kanoanikatebe ma te kainikatebe. Are a rikirake maiai aia m'akuri n aonikai ngaiia n tatabemaniia nako, n te aro are bon akea temanna mai buakoia e kakoaua ae te Atua Ngai.

Warekaia Iteraera 11:20

A ngurengure nako iu, ao a tangiria n okira Aikubita. Ao ngkai a nang kang iriko ni karokoa marakin birotoia.

Warekaia Iteraera 16:13

E bon buakaka arom ngkai ko a tia n anaira mai abara ake a tamaroa i Aikubita b'a ti na mate n te rereua aei. Ao ngkai ko a manga kani b'aotiniira n aki akaaka!

Warekaia Iteraera 20:3

ao a ngurengure, ao a taku, “Tao e bon raoiroi riki ngke ti a kamani mate ma koraki akekei i matan ana Um'antabunrianna te UEA.

Warekaia Iteraera 21:5

ao a ngurengure nakon te Atua, ao a taku nakon Moote, “Ko bon kaotinakoira mai Aikubita b'a ko na tiringiira n te rereua? Bon akea te ran ikai, ao a aikoa rin am'arake aika buakaka aikai!”

M'akuri 7:39

A rawa ara bakatibu n ira nanoni Mote, ao a kanakoa mai rouia; a kani manga oki nako Aikubita.

Te Tua-Kaua 1:39

Ao i mwiina, E a manga taetae te UEA nakoimi ni kaangai: “Kaain Iteraera, kam taku ngkoa b'a a na tauaki natimi aika uarereke b'a taenikain te buaka i bukin te aba. Ma n te bong teuana, ao N na kariniia n te aba, ao a na taua te aba arei n Au buobuoki ao a na maeka ikekei.