Warekaia Iteraera 14:29 - Te B'aib'ara

²⁹ Kam na boni mate i nanon te rereua aei, ao a na raea rab'atami i aon te tano. Kam a tia ni kamatauningaai, ao bon akea mairoumi ngkami mm'aane aika ai 20 ami ririki ni maiu,

Warekaia Iteraera 14:29 ပူးပေါင်းရင်းမြစ်များ

Taian Areru 106:26

Ma ngaia are E kab'aka ana taeka ae matoatoa nakoia, B'a E na kamateia i nanon te rereua,

Taian Areru 78:33

Ma ngaia are E katoki aia bong ni maiu, kanga ai aron tokin te ike; Ao E motiki maiuia n te kabuanib'ai ae karina rokona.

Etekiera 20:38

N na kaokoroia taani bure aika taani kamangao maibuakomi, e ngae ngkana N na kaokiia mai buakoia botannaomata nako ake a maeka b'a taenikai iai ngaiia, a na aki kariaiakaki b'a a na okira Iteraera. Ao i mwiina, ane ko na ataia b'a bon te UEA Ngai.

Warekaia Iteraera 1:45

Ao te koraki ake a warekaki ni kabaneia mai buakoia Iteraera ake kaka 20 aia ririki ma ake a ikawai riki,

Warekaia Iteraera 1:46

ake a kona te nako ni buaka ni kabaneia mai buakoia bon 603,550

Warekaia Iteraera 26:64

Bon akea te aomata temanna mai buakoia ake a warekaki ngkoa iroun Moote ma Aaron n te wareaomata are e karaoaki n Rereuan Tinai ae tiku ni maiu,

Warekaia Iteraera 26:65

ma bon ti Kareb'a are natin Iebunne te mm'aane, ao Iotua are natin Nun te mm'aane. E a tia n taku te UEA b'a a na bane ni mate n te rereua ikekei.

1.I-Korinto 10:5

Ma a m'aiti i buakoia ake E aki kukurei te Atua i rouia, ma ngaia are a mate ni bakarae i nanon te rereua.

Te Tua-Kaua 2:14

E riki aei 38 te ririki i mwiin kiitanakin Kaatetib'aania iroura, ao n te tai naba anne are a bane n tia ni mate m'aane ni kabane ake a tia n riki b'a tautia i Kaatetib'aania, n aron are taekinna te UEA b'a e na riki nakoia.

Ebera 3:17

Ao antai ake E un te Atua i rouia angaun te ririki. Tiaki ake a bure, ake a b'aka ni mate n te rereua?

Iotua 5:6

Bukin naba mateia b'a aki ongotaeka nakon te UEA. E baireia te UEA b'a bon akea temanna mai rouia m'aanen te roro arei ae e na noora te aba ae maiu reirei are kanoan ana berita nakoia aia bakatibu. Ao e bon koro bukin anne nako ia.

Iuta 1:5

B'a e boni ngae ngke kam atai taekani baikai ni kabane, n te tai ae ti teuana, ma I kani kauringkami, b'a te Uea E kamaiuia te botannaomata ae Iteraera man te aba are Aikubita, ao rimwi E kamateia ake a aki onimaki.