Warekaia Iteraera 14:23 - Te B'aib'ara

²³ A tia n noora m'aakau koraki aikai i Aikubita, ao n te rereua, ma a na bon aki noora Kanaan. A m'aiti aia tai n aki ongeaba nako Iu, ao ni kataai.

Warekaia Iteraera 14:23 ပူးပေါင်းရင်းမြစ်များ

Neemia 9:23

Ko kairiia nakon te aba are Ko a tia ni berita iai nakoia aia bakatibu, ao Ko kakab'aiaia aia botannaomata ma taian aomata ake a aki konaa ni warekaki m'aitiia kaanga itoini karawa.

Taian Areru 106:26

Ma ngaia are E kab'aka ana taeka ae matoatoa nakoia, B'a E na kamateia i nanon te rereua,

Taian Areru 95:11

Ma ngaia are I taetae n un ao I kab'aka au berita ‘kam na bon aki kona n rin n te aba are N na kaman tia n anganingkami iai te motirawa.’ ”

Ieremia 18:10

ma ngkana e a manga moana aki ongotaekana nako iu ma ni karaoa te buakaka, ao ane N na manga bita nanou ao N na aki manga oki ni buokiia.

Etekiera 20:15

I aki karaoa anne ma I a tuangiia n te rereua b'a N na kairiia nakon te aba ae e tamaroa, te aba ae e maiu reirei are I a tia ni berita iai nako ia.

Warekaia Iteraera 26:64

Bon akea te aomata temanna mai buakoia ake a warekaki ngkoa iroun Moote ma Aaron n te wareaomata are e karaoaki n Rereuan Tinai ae tiku ni maiu,

Warekaia Iteraera 26:65

ma bon ti Kareb'a are natin Iebunne te mm'aane, ao Iotua are natin Nun te mm'aane. E a tia n taku te UEA b'a a na bane ni mate n te rereua ikekei.

Warekaia Iteraera 32:11

Ao E taku b'a bon akea temanna mai buakoia aomata aika a koro 20 aia ririki ni maiu ngke a kitana Aikubita ae na rin n te aba are E a tia ni berita iai nakon Aberaam, Itaaka, ao Iakob'a. Akea temanna maibuakoia aomata aikai ae onimakina m'aakan te UEA,

Te Tua-Kaua 1:8

I anganingkami ngkai te aba aei n aron are I a tia ni berita iai nakoia ami bakatibu ake Aberaam, Itaaka, ao Iakob'a. Kam na nako ngkai n taua te aba.’ ”

Ebera 4:3

Ngaira ngkanne, aika ti onimaki, ti a rin i nanon te motirawa arei; n ai aron are E taekinna te Atua ni kangai, “Ma ngaia are I taetae n tuea iai ngke I un, ‘B'a a na aki rin i nanon au motirawa!’ ” E taekina aei, e boni ngae ngke a kaman tia ana m'akuri ma ngke a moa ni karikaki aonnaba.