Warekaia Iteraera 14:22 - Te B'aib'ara

²² ao I tuea b'a akea mai buakoia koraki aikai ae na noora te aba are I berita iai nakoia aia bakatibu b'a N na anganiia.

Warekaia Iteraera 14:22 ပူးပေါင်းရင်းမြစ်များ

Karikani B'aai 31:41

Ao anne arou ngke I mena i nanoni baim i nanon uabwi te ririki. I a tia ni m'akuri i bukin karekeaia natim aine i nanon tebwi ma aua te ririki-ao onoua te ririki i bukin am nanai ni man. Ao tiaki ti ngaia ma ko bita naba boou tebwiina te tai.

Karikani B'aai 31:7

Ao ngaia e a tia n aonikaiai ni manga bita boou tebwina te tai. Ma E kawakinai te Atua b'a N na aki ikoaki i rouna.

Iobi 19:3

E aki tau tebwina te tai ni kamamaaeai? ma kam aki mamaa iai?

Taian Areru 106:14

Ma iai nanoia ae korakora ni kan am'arake i nanon te rereua, Ao a kataa te Atua iai.

Taian Areru 106:26

Ma ngaia are E kab'aka ana taeka ae matoatoa nakoia, B'a E na kamateia i nanon te rereua,

Taian Areru 78:41

A okioki aia m'akuri ni kataa te Atua, Ao a kamaraka te Atua ae Tabu ae Atuaia Iteraera.

Te Otinako 14:11

Ao a taku nakoni Moote, “E raoiroi riki ngke ti taunaki n taian ruanimate ake i Aikubita, nakon ae ko kairira mai b'a ti na mate i nanon te rereua! Noora te b'ai ae ko a tia ni karaoia ngkai nako ira, ngkai ko uotiira nako mai Aikubita!

Te Otinako 15:24

Ao a ngurengure aomata nakoni Moote, ao a taku, “Tera ngkai ae ti nang mooi iai?”

Te Otinako 16:2

Ao a ngurengure nakoni Moote ma Aaron i nanon te rereua arei

Te Otinako 17:2

A ngurengure nakoni Moote ao a taku, “Ko na anganiira te ran b'a ti na mooi.” Ao e taku Moote, “E aera ngkai kam a ngurengure? E aera ngkai kam kataa te UEA?”

Te Otinako 17:3

Ma a bon rangi ni bora n taka aomata, ma ngaia are, a boni ngurengure naba nakoni Moote, ao a taku, “E aera ngke ko kaotinakoira mai Aikubita? Ko na tiringiira ma ara ataei ao ara man n te taka?”

Te Otinako 17:7

Ao e aranaki te tabo arei b'a Mata ao Merib'a, i bukina ngke a ngurengure Iteraera, ao a kataa te UEA n aia titiraki ae kaangai, “E boni memena i roura te UEA ke E aki?”

Te Otinako 32:1

Ao ngke a nooria aomata b'a e a rangi ni maan Moote i aon te maunga, ao a nako nakon Aaron ao a taku, “Karaoa taamnein antira are e na kairiira ma ni kaawakiniira. E kaotinakoira Moote mai Aikubita, ma bon akea temanna ae ataia b'a tera ae e a tia n riki nako ina.”

Te Otinako 5:21

Ao a taku mm'aane akekei, “E a tia ngkai te UEA n iangoia b'a E na katuaaingkami ni kauoman ngkai kam a tia ni kauna te uea nako ira. Ao ngkai e nang tiringiira.”

Itaia 42:20

are e rangi n noraaba ao n raoiroi taningana, ma e aki muuti.

Taniera 1:20

E ngae ngkana e titirakiniia te uea n taian titiraki aika a kangaanga ke baika a matoatoa, ao a atai booia ni kabane, tebwina te tai rakan aia ataib'ai nakoia taani mamata, ma taan tabunea tabem'aang i nanon abanueana arei ni kabutaa.

Maraki 3:15

Bon noori kukureia aomata aika a buakaka aikai. A teetekeraoi aomata nako aika a karaoa ae e kaairua, ao bon akea naba te kangaanga ae e riki nakoia ngkana a kataa te Atua.”

Warekaia Iteraera 11:1

Ao n te bong teuana, ao a ngurengure Iteraera i bukin aia kangaanga. Ao E ongo te UEA ngurengureia, ao E rangi n un iai, ao E kamaunai taian auti n rianna ake i mataniwiin te maeka ni katobibia n te ai.

Warekaia Iteraera 11:4

Ao n te tai teuana, ao a taonaki n te baki tabeman iruwa ake a maeka i buakoia Iteraera, ao bon Iteraera naba a tang ao a kaangai, “Ai bon akea tannara!

Warekaia Iteraera 12:1

E ngae ngke bon te aomata ae rangi n nanorinano Moote nakoia aomata ni kabane n te aonnaba, Miriam ma Aaron a moanna ni ngurengureakinna,

Warekaia Iteraera 14:11

Ao E taetae te UEA nakoni Moote ni kaangai, “I a tia ni karaoi b'aai aika a ab'ab'aki i bukiia aomata aikai, ao a rawa i Rou ngke a aki onimakina m'aakau.

Warekaia Iteraera 14:2

ao a ngurengure nakon Moote ma Aaron ao a taku, “E raoiroi riki ngke ti mate i Aikubita, ke n te tabo teuana i nanon te rereua!

Warekaia Iteraera 32:12

ma bon ti Kareb'a ao Iotua. A teimatoa ni kakaonimaki nakon te UEA,

Mataio 4:7

E taku Iesu nako ina, “E koreaki naba ae kangai, ‘Ko na tai kataa te UEA ae Atuam.’ ”

1.I-Korinto 10:5

Ma a m'aiti i buakoia ake E aki kukurei te Atua i rouia, ma ngaia are a mate ni bakarae i nanon te rereua.

1.I-Korinto 10:9

Ao ti na tai kataa te UEA, n ai aroia tem'angina i buakoia ngke a kataia, ao a tiringaki irouia naeta.

Te Tua-Kaua 9:7

Kam na aki m'am'aninga aromi ngkoa ni kakaitaraa te UEA ma ni kakaunna n taai nako ngke kam mena i nanon te rereua. Kam a boni kakaitaraa naba ni moa mangke kam kiitana Aikubita ni karokoa te tai are kam roko iai ikai.

Ebera 3:9

Ike a kariria iai te Atua ami bakatibu ni kataia, ao a nori naba ana m'akuri angaun te ririki.