Warekaia Iteraera 14:19 - Te B'aib'ara

¹⁹ Ko rangi n akoi, ao Ko karaoa ae raoiroi riki nakon are e bon riai n reke nakoia. Ma ngaia are, ti butiiko b'a Ko na kab'arai aia bure aomata aikai n ai arom naba ngkoa ngke Ko kab'arai aia bure ngke ti kiitana Aikubita ni karokoa te tai aei.

Warekaia Iteraera 14:19 ပူးပေါင်းရင်းမြစ်များ

1.Uea 8:34

ao ongora mani mwengam mai karawa. Kab'arai aia bure ao uotiia rikaaki nakon te aba are Ko anganiia aia bakatibu.

Taian Areru 106:45

E uringa ana boraraoi i bukiia, ao E bita nanona n nanoanga n ai aroni m'aitin ana ataataiaomata;

Taian Areru 78:38

Ma E nanoangaia ana Aomata te Atua. E kab'arai aia bure ao E aki kamateia. A bati ana tai n taotaona unna, n aki karokoa nanona.

Taian Areru 85:2

Ko a tia ni kab'ara aia bure ma aia kaairua am Botannaomata.

Te Otinako 32:32

Ma I a buubutiiko te UEA b'a ko na kab'araa aia bure. Taiaoka kamaunaa arau man am boki ngkana Ko aki kab'araa aia bure.

Te Otinako 33:17

Ma ngaia are, E taku te UEA nakoina, “N na karaoi b'aai n aron are kam a tia ni buubutiai iai, i bukina b'a bon raoraou ngkami ae I kukurei i roumi.”

Te Otinako 34:9

Ao e tataro ni kaangai, “Te UEA, ngkana arona b'a Ko bon kukurei irou, ao I tataro b'a Ko na iriira. E bon koaua ae bon taani bure aomata aikai ao taani kamangao, ma Ko na kab'arai ara bure ao karikiira b'a am aomata.”

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Taniera 9:19

Te UEA, ongo iroura, te UEA, kab'arai ara bure. Te UEA, ongo iroura, ao kamaiura b'a a aonga n ataia aomata nako b'a bon te Atua ngkoe, tai waeremwe! Bon am b'ai te kaawa aei ma aomata aikai.”

Amota 7:2

Ao i nanon miiu, ao I noori rookati b'a a kang baika a mawaawa ni kabane i aonteaba. Ao I taku, “Kab'arai aia bure aomata te UEA ae rietaata! A na kangaa ni maiu, b'a bon aomata ngaiia aika a uarereke ma ni mamara!”

Amota 7:5

Ao I taku, “E a tau te UEA ae te Atua! A na kangaa ni maiu Am aomata, b'a bon aomata aika a karako ma ni mamara!”

Iona 3:10

Ao te Atua E noori baike a karaoi; b'a a tia n toki man aroia ake a bubuaka. Ma ngaia are, E a bita nanona ma n aki katuaaia n aron are E a tia n taekinna.

Iona 4:2

Ao e tataro, “Te UEA, tiaki b'a bon aei te b'ai ae I kaman tuangko i m'aain kitanan mwengau b'a ko na bon karaoia? Ao bon anne bukina are I karaoa iai au kabanea n raoiroi ni biri nako Tibein! B'a I ataia b'a bon te Atua n Tangira ao n Akoi ngkoe. Ko aki kakaiun, Ko nanoanga, man tauraoi ni bita nanom, man aki karekekai.

Mika 7:18

Ara UEA bon akea riki n ai arom, te UEA; Ko kab'arai aia bure am aomata ake nikira ni maiu. Ko aki kakamaana unim, ma Ko kukurei riki ni kaota Am tangira ae e teimatoa nakoira.

Ab'akuka 3:2

Te UEA, I a tia n ongo baika Ko a tia ni karaoi, ao I onrake n te maaku. Ngkai ti maiu ao baike Ko a kaman kakaraoi. Ko na nanoanga, e ngae ngkana iai unin nanom.

Warekaia Iteraera 23:21

Bon te UEA ae te Atua aia Uea Iteraera. E maeka ma ngaiia ikekei, ao E aki kona ni karaoa te b'ai teuana ae buakaka nakoia.

Iakobo 5:15

Ao ane e na kamaiua te aoraki te tataro n onimaki; E na kaokaki marurungina nakoina iroun te Uea, ao a na kab'araki ana bure ngkana e a tia ni bure.