Warekaia Iteraera 14:14 - Te B'aib'ara

¹⁴ ma ngaia are, ti butiiko b'a Ko na aki tiringiira i nanon te rereua ikai.

Warekaia Iteraera 14:14 ပူးပေါင်းရင်းမြစ်များ

Karikani B'aai 32:30

Ao e taku Iakob'a, “I a bon tia n noora te Atua n itaramata raoi ma Ngaia, ao I boni maiu naba.” Ma ngaia are, e arana te tabo arei b'a Beniera.

Neemia 9:12

Ko kairiia am aomata ni katoa bong n te nang ae e matenten, ao n te tairiki ko kaotaa kawaia n te ai ae e uram'aaka.

Neemia 9:19

I bukin am nanoanga ae moan te korakora ao ko aki roko n te kiitaniia i nanon te rereua. Ko aki toki ni kaiririia n te nang n te ngaina ao n te ai n te tairiki.

Taian Areru 105:39

E takina te nang i etaia, ao te ai b'a kaotaia n te bong.

Taian Areru 78:14

E kairiia n te nang ni ngaina, Ao n otan te ai ni bong ni karokoa e ngaina.

Te Otinako 15:14

A tia n ongo botannaomata, ao a ruru ni maaku; ao a rootaki kaain Biritia n te maaku.

Te Otinako 33:11

I mwiin anne, e na manga oki Moote nakon aia maeka, ma e na tiku ana kauoman are Iotua are te rorobuaka n ataei n te auti n rianna.

Te Otinako 33:16

Ma ngkana Ko iriira, ao a na bane n ataia aomata b'a Ko kukurei i rouia am aomata ao Ngai, ao n aron are ti na kaokoro iai ma aomatan nako te aonnaba.”

Te Otinako 40:38

I nanon aia tai ni m'am'ananga, ao a nonora te nang are E memena iai te UEA i buakoia i aon te Um'antabunrianna n te ngaina, ao te boua te ai n te tairiki.

Warekaia Iteraera 10:34

Ao e teimatoa te nang arei ni memena i rouia.

Warekaia Iteraera 12:8

E norai, ao n i taramata ma ngai, ao b'aai ni kabane ake I tuangnga a teretere raoi. Ao bon akea riaimi ni ngureakina Au tia m'akuri ae Moote.”

Ioane 1:18

Bon akea temanna ae e a tia n nora te Atua; te Nati are te rikitemanna, are memena i rarikin te Tama, boni Ngaia ae kaota raoi te Atua nakoia aomata.

Ioane 14:9

E taku Iesu nakoina, “Ai maanraa Ngai ni mena i rarikimi, ao ko tuai man ataai, Biribo? Ane e a tia n norai, ao e a tia naba n nora Tamau; e aera ngkai ko kaangai, ‘Kaota Tamam nako ira’?

1.I-Korinto 13:12

B'a ae ti noria ngkai ai aron tein taraana ae aki turuturu raoi i nanon te tirotaam; ma ane ti na bon noria raoi n te aro n itaramata. E aki koro raoi aron au atatai ngkai, ma ane na boni koro raoi arona rimwi, n ai arou ngkai I bon ataaki raoi.

Te Tua-Kaua 1:19

“E a tia te UEA n tuangiira b'a ti na kiitana te Maunga are Tinai ma ni kawari aaba ake a tabukibuki ake abaia kaain Amora. Ma ngaia are, ti a m'ananga nakon te rereua are rangi ni korakora. I taku b'a kam bon uringa makura n te tai anne, ma ti waekoa n roko i Kaatetib'aania,

Te Tua-Kaua 34:10

Bon akea riki te burabeti i aon Iteraera ae katotonga Moote. E taetae te UEA ma ngaia n itaramata

Te Tua-Kaua 5:24

ao a taku: E kaota korakorana ma mimitongina ara UEA ae Atuara nako ira. E taetae nako ira mai buakon te ai, ao ti a ataia b'a ngaia a boni maiu naba aomata e ngae ngkana E taetae te Atua nakoia.

Te Tua-Kaua 5:4

Ao E taetae nakoimi te UEA mai nanon te ai,

Iotua 5:1

Ao a ongo aia uea kaain Amora ni kabane ake i maeaon te Ioretan, ma aia uea naba kaain Kanaan ni kabane ake i mataniwiin taari are te Mereterenian, b'a E kaoraa te Ioretan te UEA i bukin karokoaia Ana aomata ni iterana, ao a bane ni maaku ma ni biu nanoia i rouia kanoan Iteraera.

1.Ioane 3:2

Ngkami aika kam tangiraki, bon natin te Atua ngaira ngkai; ao e tuai ni kaotaki b'a terana arora rimwi. Ti ataia, b'a ngkana E a manga oki Kristo, ao ti na katotonga arona, i bukina b'a ti na nora arona ni koaua.