Warekaia Iteraera 14:11 - Te B'aib'ara

¹¹ Ao E taetae te UEA nakoni Moote ni kaangai, “I a tia ni karaoi b'aai aika a ab'ab'aki i bukiia aomata aikai, ao a rawa i Rou ngke a aki onimakina m'aakau.

Warekaia Iteraera 14:11 ပူးပေါင်းရင်းမြစ်များ

Taian Areru 106:24

A riba te aba are a na anganaki, b'a a aki kakoaua ana taeka ni bau te Atua;

Taian Areru 78:22

i bukina b'a a aki onimakinna, ao a aki kakoauaa ae E na kamaiuia.

Taian Areru 78:32

A boni ngae n riki baikai, ma a bon teimatoa naba aomata ni bubure; E ngae ni karaoi ana kakai, ma a aki kakoauaa naba.

Taian Areru 95:8

“Kam na tai kamatoatoai nanomi, n ai aroia ami bakatibu ngkoa i Merib'a, N ai aroia n te bong arei n te rereua i Mata,

Te Otinako 10:3

Ma ngaia are, a nako Moote ma Aaron nakon te uea ao a taku, “E kaangai ana taeka te UEA ae Atuaia Ebera, “Maan ra riki ngkoe n rawa ni konaaki i rou? Ko na kanakoia au aomata, b'a aonga n taromauriai.

Te Otinako 16:28

Ao E taku te UEA nakoni Moote, “E aera ngkai kam aki kan ongo Au babaaire ngkami aika au aomata?

Te Otinako 23:21

Ongotaeka raoi nakon b'aai nako akana e na tuangkami te anera, b'a I anganna te m'aaka ni kabane, ao e bon aki konaa ni kariaia te kamangao.

Te Otinako 32:9

Moote, I a tia n noora aron taningamatoaia aomata aikai,

Taeka n Rabakau 1:22

“Tao maanra riki ngkami ni kukurei ni maiumi ae e nanobaba? E aera ngkai kam aki katoka te kakaniko ma ngareakinan te rabakau?

Ieremia 13:10

A buakaka kaain Iuta ao a taningabono. Ma ngaia are, ngkai a aki kakauongo i Rou, ma a karaoi b'aai aika a bon tangiria, ao a bon taromauri naba anti tabem'aang. Ngkana e tia te b'ai ae N na karaoia nako ia aomata aikai, ao a na riki b'a te b'ai ae akea manenana, a na riki b'a kaanga te kawaerake te kororo aei.

Ieremia 4:14

Ma Ierutarem, e bon reke naba ami tai ni iangoi maiumi Teboki taiani bure mai nanomi ao katoka babaairean iango aika a bure,

Etekiera 20:13

Ma a kakaitaraai Iteraera i nanon te rereua. A rawa n iri nanon au Tua ma au Reirei nako, ao a karaoa te Taabati b'a kaanga te bong n aki akaaka. Ao I a baaireia b'a N na kamaunaia Iteraera n te rereua ae Au moan tai ni kamaunaia ao ai Au kabanea naba.

Otea 8:5

Te kaawa are Tamaria, I a un n ami bouannanti ae taamnein te kao te ataei. N ningai te tai ae kam na aki bure iai?

Tekaria 8:14

Ngkana a kaunai ami bakatibu, I iangoia b'a N na katuaaia n taiani kabuanib'ai, ao I aki manga bita nanou.

Warekaia Iteraera 14:23

A tia n noora m'aakau koraki aikai i Aikubita, ao n te rereua, ma a na bon aki noora Kanaan. A m'aiti aia tai n aki ongeaba nako Iu, ao ni kataai.

Warekaia Iteraera 14:27

b'a a na anga ana rongorongo nakoia Iteraera ae kaangai:

Warekaia Iteraera 32:10

E rangi n un te UEA.

Mataio 17:17

Ao E kaeka Iesu ao E taku, “Te roro ae akea ana onimaki, ae aki ata ae e raoiroi ma ae e buakaka, maan ra ae N na titiku iai i rarikimi? Ao maan ra taotaonakin nanou nako imi? Kairia mai nako Iu!”

Mareko 9:19

E taku Iesu nako ia, “Te botannaomata ae akea ana onimaki; tao maan ra ae N na titiku iai i rarikimi? Ao tao maan ra taotaonakin nanou nako imi? Uota mai te teinimm'aane nako Iu!”

Ioane 10:38

ma ngkana I karaoi, e aoria ngkana kam aki kakoauaai, ma kam na kakoauai au m'akuri, b'a kam aonga n ataia ma ni kakoaua b'a iai te Tama i nanou, ao Ngai i nanon te Tama.”

Ioane 12:37

E boni ngae ngke E kabatiai ni karaoi ana m'akuri aika kamimii i mataia, ma a bon aki onimakinna,

Ioane 15:24

Ngke tao I aki karaoi i buakoia b'aai aika aki kakaraoaki ma rimoa iroun te aomata, ao a na bon akea i rouia namakinani mwin aia bure; ma ngkai, a tia n norai ma Tamau ao a ribaira.

Te Tua-Kaua 1:32

Ma kam bon teimatoa naba n aki onimakina te UEA,

Ebera 3:16

B'a antai te koraki ake a ongo ao a rawa ni kani kairaki? Tiaki aomata ni kabaneia ake a oti nako mai Aikubita irouni Moote?

Ebera 3:18

Ao antai ake E taetae n tuea nako ia b'a a na aki rin i nanon ana motirawa? Tiaki ake a aki ongeaba?

Ebera 3:8

ao kam na tai kamatoatoai nanomi, n ai aroia te koraki ngkoa ake a rawa ni kani kairaki n tain te kataaki n te rereua.