Warekaia Iteraera 13:29 - Te B'aib'ara

²⁹ Ao i rarikin anne, a maeka kanoan Amareka n te Rereua are i Maiaki, ao a maeka kaain Eta, kaain Iebuti, ao kaain Amora n aaba ake a tabukibuki, ao a maeka kaain Kanaan i mataniwiin Taari are te Mereterenian, ao mataniwiin naba te karaanga are te Ioretan.

Warekaia Iteraera 13:29 ပူးပေါင်းရင်းမြစ်များ

Karikani B'aai 14:7

Ao a manga rairaki n oki, ao a okira Kateti. A taua abaia kaain Amareka ni kabane, ao a kataenikaia kaain Amora ake a maeka i Ataton Tam'aa.

Neemia 9:8

Ko karaoa am boraraoi b'a Ko na anga abaia kaain Kanaan ao kaain Eta, kaain Ammon ao Beritaite, ao kaain Iebuti ao kaain Kirekata nakoia ana kariki i bukina ngke e kakaonimaki Ao ngkai, Ko a tia ni kakoroa bukin am berita n aron are Ko boni kaakaraoia.

Taian Areru 83:7

ma kaaini Keeb'ara, ma kaain Ammon, ma taian Amareka, ma kaain Biritia, ma kaain Turo.

Te Otinako 3:17

ao I berita b'a N na kairiia ni kaotinakoia man aia kangaanga. N na anganiia te aba ae e m'aiti iai te miriki ao ana karewe te manibeeru, ike a maeka iai ngkai kaain Kanaan, kanoan Eta, kaain Amora, kaain Berita, kaain Iwa, ao kaain Iebuti.

Te Otinako 3:8

ao I ruo rikaaki ngkai b'a N na kamaiuia mairouia kaain Aikubita. N na kaotinakoia Au aomata mai Aikubita nakon te aba ae e maiu reirei, ae e m'aiti iai te miriki ma ana karewe te manibeeru. N na anganiia te aba are a maeka iai ngkai kaain Kanaan, kaain Eta, kaain Amora, kaain Berita, kaain Iwa ao kaain Iebuti.

Warekaia Iteraera 13:17

Ao e taku Moote nakoia i m'aain kanakoaia nako Kanaan: Ngkana kam a tia n ri nanon Rereuan Kanaan are i maiaki, ao kam na reita nako kawaimi nako iang ni karokoa kam roko n aaba ake a tabukibuki,

Warekaia Iteraera 13:30

Ao e tuangiia aomata Kareb'a b'a a na aki karongoa, ao e taku, “Ti na nako n taua te aba. I ataia b'a e na reke i roura!”

Warekaia Iteraera 14:25

Kakauongo ngkai Moote! A maeka kaain Amareka, ao kaain Kanaan n taian m'arua ake i Kanaan. Ao nakon te ingabong ko na manga rairaki n okira nanon te rereua n kaineta Taari are Uraura.

Warekaia Iteraera 14:43

A na buakaningkami ami kairiribai ake kaain Amareka, ao kaain Kanaan, ao a na tokanikai i aomi.”

Warekaia Iteraera 14:45

Ao a ruorikaaki kaain Amareka ma kaain Kanaan man te aba are tabukibuki, ao a kataenikaiia Iteraera, ma ni kakioia nako ni karokoa te kaawa ae buubura are Oma.

Warekaia Iteraera 24:20

“Ao I noora te kaotioti i bukiia kaain Amareka: E korakora aia botannaomata, ma ane a na mauna nako n te bong teuana, n aki manga nooraki.”

Te Tua-Kaua 20:17

E a tia n tuangingkami b'a kam na kamaunaia ni kabane kaain Eta, kaain Amora, kaain Kanaan, kaain Berite, kaain Iwa, ao kaain Iebuti.

Te Tua-Kaua 7:1

Kaain Iteraera, E na buokingkami te UEA ae Atuami n anaa te aba mairouia kaain Eta, kaain Kirekate, kaain Amora, kaain Kanaan, kaain Beriti, kaain Iwa, ao kaain Iebuti. A m'aiti riki ma ni korakora botannaomata aika itiua aikai nakoia Iteraera, ma ngkana kam buakaniia,

Iotua 10:5

Ao a ikoti aia taanga ni buaka uean Amoraite ake niiman; are uean Ierutarem, ma uean Eberon, ma uean Rakiti, ao uean Ekeron ao a katobibia Kibeon ao a buakanna.

Iotua 10:6

A kanakoa aia taeka aomatan Kibeon nakon Iotua ngke e kaemb'a i Kirekara ao e kaangai, “Tai kitaniira, taiaoka kawaekoa n nakomai ni kamaiura, b'a a kabooi nanoia uean Amoraite ake aaba akea tabukibuki ni buakaniira.”

Iotua 3:10

E na katotoroianako mai i m'aaimi kaain Kanaan, ma kaain Eta, ma Iwaite, ma Beritaite, ma Kirekataite, ma Amoraite ao kaain Iebuti. Ao ane kam na ataia b'a E memena te Atua ae maiu i buakomi

Iotua 5:1

Ao a ongo aia uea kaain Amora ni kabane ake i maeaon te Ioretan, ma aia uea naba kaain Kanaan ni kabane ake i mataniwiin taari are te Mereterenian, b'a E kaoraa te Ioretan te UEA i bukin karokoaia Ana aomata ni iterana, ao a bane ni maaku ma ni biu nanoia i rouia kanoan Iteraera.

Iotua 9:1

Ao e tanoata rongorongon totokanikaia aomatan Iteraera nakoia uean maeaon te Ioretan ake uean Eta, ma uean Amoraite, ma uean Kanaan, ma uean Beritaite, ma uean Iwaite, ao uean Iebuti-ake n aaba ake i aon taian tabuki, ma aaba ake a rinano, ma ake a boraoi i mataniwiin taari are te Mereterenian ni bo nako iaang ni karokoa Reb'anon.

Tani Motiki-taeka 3:5

Ma a rawa. Ao E bon karaoa naba aei te UEA i bukiia kaain Kanaan, kaain Eta, kaain Amora, kaain Beriti, kaain Iwa, ao kaain Iebuti ake a maeka n taabo nako i rarikiia. Ao a iein tabeman Iteraera ma kaain botannaomata aikai, ao bon anne moan reken taromauriaia atua riki tabeman irouia.

Tani Motiki-taeka 6:3

Ni katoa te tai are a ribanai arokaia iai Iteraera, ao a aki toki n roko kaain Miiria ni buakaniia ma kaain Amareka ao botannaomata ake i mainiku.

1.Tamuera 14:48

Ao Tauro, e a buakaniia ana kairiribai ma n katokiia man iraeakiia Iteraera. Bon mataniwiin te bootaki n tautia ae ninikoria ao e aki toki n totokanikai n ana buaka nako.

1.Tamuera 27:8

I nanon te tai anne, Tawita ma ana rorobuaka a buakaniia kaain Keturaite, Kiritaite, ao Amareka, ake a maeka n te aono anne n te tai ae rangini maan. E na kurib'aia abaia ni karokoa Tiura, ni manga ruorikaaki ni karokoa Aikubita,

1.Tamuera 30:1

Uabong i mwiina, a roko Tawita ma ana rorobuaka i Tikeraka. A tia kaain Amareka ni kurib'aia Iuta maiaki ao a buakana Tikeraka. A tia ni kabuoka te kaawa

1.Tamuera 7:14

Ao a manga kaoka aia kaawa ma abaia ake i marenan Ekeron ma Kata. Ao e raoi naba Iteraera ma kaain Amora.