Warekaia Iteraera 12:6 - Te B'aib'ara

⁶ Ao ngke a tia n tuangiia b'a a na kakauongo raoi, ao E taku: “Bon te UEA Ngai, ae taetae nakoia burabeti n taiani kaotioti ma taiani mii.

Warekaia Iteraera 12:6 ပူးပေါင်းရင်းမြစ်များ

Karikani B'aai 15:1

Ao i mwiin aei, ao e roko te kaotioti iroun Aberam, ao e ongo Ana taeka te UEA ngke E kaangai, “Ko na aki maaku, Aberam. N na kamanoko man taiani kaangaanga ao N na anganiko kaniwangam ae moan te buubura.”

Karikani B'aai 20:7

Ma ngkai, ko na kaoka te aine anne nakon buuna. Bon te burabeti teuarei, ao boni ngaia ae na tataro i bukim b'a ko na aki mate. Ma ngkana ko aki kaokia, ao I kauringko ngkai b'a ko na bon mate ma am aomata ni kabane.”

Karikani B'aai 28:12

Ao e miia te kaintam'arake ae tei mai aon te aba nako karawa, ma taian anera aika a tam'arake, ao a ruorikaaki i aona.

Karikani B'aai 28:16

Ao e uti Iakob'a, ao e taku, “E mena te UEA ikai. E mena n te tabo aei, ao I aki ataia.”

Karikani B'aai 37:5

Ao e mii Ioteb'a n te tai teuana, ao ngke e tuangiia tarina, ao a manga rangi n riribaia riki.

Karikani B'aai 37:9

Ao e a manga mii riki Ioteb'a, ao e a manga tuangiia naba tarina, ao e taku, “I a manga mii naba, ao I noora taai ma nam'akaina, ao itoi aika tebwi ma teuana aika bobaraaki nako iu.”

Karikani B'aai 46:2

Ao E taetae te Atua nakoina n te mii ngke e a bong, ao e weteia, “Iakob'a! Iakob'a!” Ao e taku Iakob'a, “Oo! aio ngai.”

2.Tamuera 7:4

N te tairiki anne, e tuanga Natan te UEA

1.Uea 3:15

Ao e uti Toromon, ao e uringa ae E taetae te Atua nakoina n te mii. E okirikaaki nako Ierutarem, ao e tei i matan te Atiniberita ike e anga iai ana karea n raoi ae kakukureian te UEA, ao te karea are i bukin bubutian te Atua ana kakab'aia. Ao i mwiina, e a karaoa ana baka n am'arake Toromon ma ana aobitia nako.

1.Uea 3:5

Ao n te tairiki teuana ngke e mena Toromon i Kibeon, ao E kaoti te UEA ae te Atua nakoina n te mii ao E taku, “Toromon, buubutii te b'ai ae ko tangiria b'a N na anganiko.”

Iobi 33:15

Ngkana a matu aomata, ao E taetae te Atua n taiani mii ma kaotioti.

Iobi 4:13

E aki karaua matu, kaanga ai aron te mii ae moan te kakamaaku.

Taian Areru 105:15

Ao E kaangai, Tai riingia au aomata aika rineaki, aika au burabeti, ao tai tabareia.

Taian Areru 89:19

Ko taku n taai ake ngkoa i nanoni te mii nakoia am Toro ake a kakaonimaki, “I a tia ni buoka te tautia ae bati n ataaki; I a tia n anga te kaintokanuea nakon temanna ae I rineia mai buakon te botannaomata.

Te Otinako 7:1

E taku te UEA: N na karaoa tarim are Aaron b'a e na taetae i bukim. E na taekin am rongorongo nakon te uea, kaanga ai aron te burabeti ae e taekina Au taeka nako ia aomata.

Ieremia 23:25

A taku burabeti aikai b'a I a tia n anganiia te mii ke te kaotioti, ao a taekina te kewe n arau.

Ieremia 23:28

Ti te bo kaokoron miia ma au koaua ae kanga te uteute ao te uita. Ma ngkana a taetae burabeti i buku a na ti taekina te b'ai are I tuangiia.

Etekiera 1:1

Ni kanimauani bongin te kaaua n nam'akaina n te katenibwi n ririki, I maeka Ngai ae Etekiera ae te ibonga are natin Buti te m'aane, ma Iutaia ake taenikai i rarikin te Karaanga are Keeb'ara i B'aburon. E uki karawa, ao I noora ana kaotioti te Atua.

Taniera 10:8

Ao I a tiku n tii ngai ikekei, ni matakuakina te kaotioti arei. Ao bon akea nikiran korakoran rab'atau, ao e bitaki moau n te aro are akea ae e kinaai.

Taniera 2:19

Ao ni bon te tairiki naba arei, ao e a kaotaki nanon te mii arei nakon Taniera n te kaotioti, ao e neboa Atuani karawa ni kaangai,

Taniera 7:1

I nanon ana moan ririki te uea are Beretiata i aoni B'aburon, ao I noora te kaotioti n te tairiki teuana. Ao I korea taekan te kaotioti anne, ao aio taekan

Taniera 8:2

I a mena i nanon oon te kaawa are Tutian n te burawinti are Eram i nanon te kaotioti arei. Ao I tabe n teitei i rarikin te karaanga are Urai,

Otea 12:11

E rangi n rawaawata ana bure Kireata ao tokina bon te urubekebeke. A kareanaki taian kaom'aane i Kireata i aon te baonikarea are e karaoaki n taian atiibu, ma a na kamaaenikunaki taian atiibu aikai nakon taian tawaana nako.

Ioera 3:1

N te tai anne, N na manga kaoka marin Iuta ma Iteraera ngai ae te UEA.

Tekaria 1:8

ao E taetae te UEA nako iu n te mii n te tairiki teuana: n te m'arua teuana ae e mena i buakon taian aroka aika motere. I a noora temanna te m'aane ae e toka i aon te aoti ae e uraura, ma taan toka i aoia aoti i akuuna aika a toka i aon taian aoti aika a uraura, buraun ao aika a mainaina.

Warekaia Iteraera 24:4

E roko mairoun te UEA te Atua ae Moan te M'aaka. I bobaraaki nako Ina, ao I noora te kaotioti i bukiia Iteraera.

Mataio 1:20

Ma ngke e iangoa aei, ao noria, e kaoti ana anera te Atua nako ina n te mii, ao e kangai, “Ioteb'a, ae natin Tawita, tai maaku n anaa Nei Maria b'a buum: b'a E riki te baere i nanoni birotona mairoun te Tamnei are Raoiroi.

Mataio 2:19

Ngke e a tia ni mate Erote, ao noria, e kaoti ana anera te Uea nakon Ioteb'a n te mii, ao e kangai,

Mataio 23:31

Ma ngaia ae kam boni kaotioti i bukimi b'a kam riki mairouia ake a kamateia burabeti.

Mataio 23:34

Ma ngaia ae N na kanakoia burabeti, ma aomata aika rabakau, ma taani koroboki nako imi: ao ane kam na kamateia tem'angina, ao kam na tauriia tem'angina ni kaibangaki; ao ane kam na kataereia tem'angina i nanoni m'aneabami, ao kam na kakioia nako man te kawa teuana nakon te kawa teuana.

Mataio 23:37

Ierutarem, Ierutarem, ae ko kamamateia burabeti, ae ko karebanaia ake a kanakomaiakaki nako im, ai bati ra au kani bobotiia am aomata, n ai aron te moa aine ngkana e botiia bunna i aani baina, ma kam rawa!

Mataio 27:19

Ngke e tekateka Birato n ana tabo are e momotiki taeka iai, ao e kanakoa ana rongorongo buuna nako ina, ae kangai, “Akea te bae kam na karaoia nakon te aomata ane raoiroi anne, b'a I miia ngke e tairiki ao I aki rau iai.”

Ruka 1:11

Ao e kaoti nako ina ana anera te Uea n tei man te angaatai n iteran te baonikarea are a kabuokaki iai karea ake a boiarara.

Ruka 1:22

Ngke e oti nako, ao e aki kona n taetae nako ia, ao a ataia b'a iai te b'ai ae kamimii ae e a tia n noria i nanon te ruu are tabu; ao e teimatoa arona n aki kona te taetae.

Ruka 20:6

Ma ngkana ti kangai, ‘Mairouia aomata,’ ao ane a na bane aomata ni karebanaira, i bukina b'a a kakoaua n ae bon te burabeti Ioane.”

M'akuri 10:11

E nora karawa b'a e kaukaki, ao te b'ai teuana ae ruo, ae kanga ai aron taraan te rabuna ae ab'ab'aki, ae bae tabona ma tabona ni maninganingana ake aua, ao e nnaki rikaaki nako aontano.

M'akuri 10:17

Ngke e tabe Betero ni mimi n ana iango b'a tera nanon te baere kanga te mii are e noria, ao akea b'a a tei i rarikini mataroan te kawai n rin n ana auti Timon aomata ake a kanakoaki irouni Korenerio, b'a a tia n ata nen ana auti.

I-Ebeto 4:11

Boni Ngaia ae E anga tem'angina b'a taan tuatua; ao tem'angina, b'a bureitiman, ao tem'angina, b'a taan taekina te euangkerio; ao tem'angina, b'a taani kawakina te ekaretia ao taan reirei.

Te Tua-Kaua 18:15

Ma, E na rinea temanna mai buakoia ami aomata b'a te burabeti ae ai arou, ao kam na karaoa te b'ai are taekinna te burabeti.

Te Tua-Kaua 18:18

B'a ngkana I kan taetae nakoia aomata, ao N na rinea temanna te burabeti mai buakoia ae ai arom. N na anganna Au rongorongo nakon te burabeti b'a e na manga tuangiia raoi aomata te b'ai are I tuangnga.

Ebera 1:1

N taai ake ngkoangkoa ao te Atua E taetae nakoia ara bakatibu irouia burabeti n te tai teuana ma teuana, ao n aaro aika bati;

Te Kaotioti 11:10

Ao ake a maeka i aon te aba a kim'areirei ma ni kakatonga; ao ane a na kanako b'aintangira ni bon nakoia n tatabemaniia nako; b'a burabeti ake uoman akekei bon taan uota te aro ae kamamate nakoia aomata ake a mena i aon te aba.

Te Kaotioti 11:3

Ao N na karekea aia tai au tia kakoaua ake uoman b'a a na taetae ni burabeti, ao a na taetae ni burabeti i nanon tengaa ao uabubua ma onongaun te bong, ao a na kunnikaiia n te kunnikai ae mangaingai.”

1.Tamuera 28:6

ma ngaia are, e titirakina te UEA b'a tera ae e na karaoia. Ma E aki roko n te kaekaa te UEA, e aki naba anganna te mii ke ni kamanenaan te Urim ma te Tummim ke mairouia burabeti.

1.Tamuera 3:15

Ao te ingabong are i mwiina, ao e uti Tamuera ao e kauki mataroan Ana auti te UEA. Ao e maaku n tuanga Eri te b'ai are taekinna te UEA nako ina.

1.Tamuera 3:21

Ao E aki toki ni kakaoti te UEA nakon Tamuera i Tiro ma n tuangnga te b'ai are e na taekinna.