Warekaia Iteraera 12:13 - Te B'aib'ara

¹³ Ao e tataro Moote ni kaangai, “Te UEA ae te Atua, taiaoka kamaiua neiei.”

Warekaia Iteraera 12:13 ပူးပေါင်းရင်းမြစ်များ

Karikani B'aai 20:17

Ao te UEA, E karaoia ainen ana bareti te uea b'a a na aki kakariki i bukin te b'ai are e riki nakon Nei Taara are buun Aberaam.

1.Uea 13:6

Ao e buubutii Ieroboam ni kaangai, Taiaoka tataro nakon te UEA ae Atuam ni butiia b'a E na kamaiuia baiu.

Taian Areru 30:2

Te UEA ae Atuau, I tangira buokau mairoum, ao Ko katoka aorakiu.

Taian Areru 41:4

Ao ngai I taku, “te UEA, I a tia ni bure nakoim; Ko na nanoangaai ao kamaiuai.”

Te Otinako 15:26

Ao E taku, “Ngkana kam na ongotaeka i Rou ni karaoi b'aai ni kabane ake I taku b'a a raoiroi, ao ni kaawakin au babaire, ao N na bon aki katuaaingkami n taian aoraki ake I karokoi ngkoa i aoia kaain Aikubita. Bon te UEA Ngai ae I kamaiungkami.”

Te Otinako 4:7

Ao E manga tuangnga te UEA ni kaangai, “Karina baim i nanon am kabaraaki.” Ao e karaoa arei Moote, ao ngke e kaotinakoa baina ao e a manga raoiroi baina n aron rab'atana ni kabane.

Itaia 30:26

Ao i mwiina, e na bauti ikoakiia ana Aomata te UEA ma ni kamaoi ikoakiia ake e bon kariki. E na oota nako ootan nam'akaina kaanga ai aron ootan taai, ao e na oota taai itiua riki rakan ootana nakon aroarona mai m'aaina. E na karina n oota n ai aron ootan itiua te bong n te tai naba arei.

Ieremia 17:14

Te UEA, boni Ngkoe ae I neboiko. Ma ngaia are, Ko na kamarurungai ma ni kamaiuai! Ao i mwiina, N na marurung raoi ma ni kaawakinaki raoi.

Warekaia Iteraera 11:2

Ao ngke a butiia aomata Moote, ao e tataro Moote, ao e mate te ai arei.

Warekaia Iteraera 12:12

Ko na aki kakuonakoa kunin Nei Miriam n ai aron te ataei ae e a bung naba ni mate!”

Warekaia Iteraera 14:2

ao a ngurengure nakon Moote ma Aaron ao a taku, “E raoiroi riki ngke ti mate i Aikubita, ke n te tabo teuana i nanon te rereua!

Warekaia Iteraera 16:41

Ao n te bong are i mwiina, ao a manga ngurengure naba Iteraera nakoni Moote ma Aaron, ao a taku, “Kam a tia n tiringiia Ana aomata te UEA ngkami akana uoman!”

Ruka 23:34

Ao E taku Iesu, “Tamau, kab'ara aia bure; b'a aki ata ae a karaoia.” Ao tautia a kakaea n te m'akuri ni kaiwa b'a antai ae na reke tib'ana ni kunnikain Iesu.

Ruka 6:28

Kakab'aiaia akana a taetae ni kamaraiaingkami, ao tataro i bukiia akana a karaoa ae buakaka nako imi.

M'akuri 7:60

Ao e katorobubua, ao e taetae n te b'anaa ae korakora ni kaangai, “Te UEA, kab'ara aia bure n te b'ai ae a tia ni karaoia.” Ngke e a tia n atonga aei, ao e matu.

I-Rom 12:21

Tai taenikai n te buakaka, ma kam na kataea ana kai te buakaka n te raoiroi.

Iakobo 5:15

Ao ane e na kamaiua te aoraki te tataro n onimaki; E na kaokaki marurungina nakoina iroun te Uea, ao a na kab'araki ana bure ngkana e a tia ni bure.

1.Tamuera 12:23

Ngkana I katoka au tataro i bukimi, ao I aki ongotaeka iai nakon te UEA! N na reireiningkami n taai nako aromi ni maiuakina te raoiroi.

1.Tamuera 15:11

“E a tia ni katoka arona n ongotaeka Tauro nako Iu, ao I kab'ara Au bure ngkai I karikia b'a te uea.” E rangi n un Tamuera, ao e tang n onon man tataro nakon te UEA ni kangainaa