Warekaia Iteraera 11:25 - Te B'aib'ara

²⁵ Ao ngke E taetae te UEA ma ngaia, ao te UEA, E anaa te m'aaka teutana mairoun Moote, ao E anganiia taani kairiri ake 70. Ao ngke a niniaki n te Tamnei, ao a takaarua n ai aroia burabeti. Ma bon ti aei te tai are a karaoa iai te aro aei.

Warekaia Iteraera 11:25 ပူးပေါင်းရင်းမြစ်များ

2.Uea 2:15

Ao ngke a noora arei burabetin Ieriko, ao a i taetae i marenaia ni kaangai, E a reke m'aakan Eria iroun Eritai. Ao a nako ni kawaria ao a b'aka ni katorobubua i matan Eritai,

Neemia 9:20

Am tangira ae e roko raoi boni ngaia ae e reireiniia, ao Ko anganiia te maana b'a a na kanna ao te ran b'a a na nimma.

Taian Areru 99:7

E taetae nakoia man te nang are kanga ai aron tein te boua; A ongeaba nakon ana taeka ma ana tua are E anganiia.

Te Otinako 32:32

Ma I a buubutiiko te UEA b'a ko na kab'araa aia bure. Taiaoka kamaunaa arau man am boki ngkana Ko aki kab'araa aia bure.

Te Otinako 34:5

E ruorikaaki te UEA ae te Atua i aon te nang ao E tei i rarikin Moote ikekei i aon te maunga. Ao E taekina arana ae e tabu te Atua, “ae te UEA”.

Te Otinako 40:38

I nanon aia tai ni m'am'ananga, ao a nonora te nang are E memena iai te UEA i buakoia i aon te Um'antabunrianna n te ngaina, ao te boua te ai n te tairiki.

Itaia 63:11

Ma ana aomata a uringa te b'ai are e riki ngkoa n ana tai Moote E bon aki uotiia ngkoa te UEA ma aia taani kairiiri nako ma ni kaawakiniia raoi i nanon taari? E bon aki anganiia ngkoa Tamneina ae e Raoiroi?

Etekiera 8:11

A tei ikekei itingaun taani kairiiri mai Iteraera, n reitaki ma Iaatania are natin Tiaban te m'aane. A bane taani kairiiri n taui b'ain kabuokan taiani b'ai ni kaboiarara n tatabemaniia nako, ao e onrake nanon te ruu arei n te boiarara.

Warekaia Iteraera 11:17

N na anganiia m'aakam teutana ngkana I maroroo ma ngkoe ikekei, b'a aonga ni kona n tararuaia naba aomata ma ngkoe. Ko nang aki manga tararuaia aomata n ti rab'atam.

Warekaia Iteraera 12:5

Ao E kaoti te UEA n te nang ao E tuanga Aaron ma Miriam b'a a na kaaniia riki.

Warekaia Iteraera 16:25

Ao e m'ananga Moote nakoia Kora, Ratan, ao Abiram, ao a ira Moote taani kairiri irouia Iteraera.

Warekaia Iteraera 24:2

ao e nooriia barongan Iteraera aika katei auti n rianna i nano. Ao e rina n niniaki iroun Tamnein te Atua

Warekaia Iteraera 27:18

Ao E taku te UEA, “E kona ni karaoa te m'akuri anne Iotua are natin Nun. Katoka baim i aona ni kaotia b'a boni ngaia are e na onomwi.

M'akuri 11:28

E teirake temanna i rouia ae arana Akabo, ao e taetae ni m'aakan te Tamnei b'a e na roko te rongo ae korakora i aonnaba ni bane; ao e koro bukin aei n ana tai n uea Keraurio.

1.I-Korinto 14:32

A tauaki aroia tamneia burabeti irouia burabeti.

Iakobo 1:17

B'aai ni kabane aika raraoi ma ni moanibaan te raoiroi boni b'aai n tituaraoi mai eta, aika ruo mairoun Taman te oota, are akea i rouna te bibitaki are e na reke mai iai te nu ae roo.

2.Betero 1:21

b'a bon akea te taetae ni burabeti ae roko n te tai teuana man oin nanon te aomata; ma aomata a taekina te taeka are roko mairoun te Atua, ni kairaia iroun te Tamnei are Raoiroi.

Tani Motiki-taeka 3:10

Ao E ninia Oteniera Tamnein te UEA, ao e kairiia Iteraera nakon te buaka ni kaaitaraa Kutian Ritiataim. Ao E anga te tokanikai te UEA nakon Oteniera,

1.Tamuera 10:10

Ao ngke e roko Tauro i Kibea, ao e kaaitibo ma koraki ni burabeti. Ao e rina n niniaki n Tamnein te Atua, ao e a moana ana taetae ni burabeti i nuukan te koraki arei.