Warekaia Iteraera 11:20 - Te B'aib'ara

²⁰ A ngurengure nako iu, ao a tangiria n okira Aikubita. Ao ngkai a nang kang iriko ni karokoa marakin birotoia.

Warekaia Iteraera 11:20 ပူးပေါင်းရင်းမြစ်များ

2.Tamuera 12:10

Ngkai ko aki ongotaeka irou ao ko anaa buun Uria b'a buum, ao e na aki konaa n reke te rau i nanon am utu.

Taian Areru 106:15

Ma ngaia are E anganiia te baere a butiia; Ao E anganiia naba te aoraki ae kamaamate.

Te Otinako 16:13

Ao a roko taian nanai ni kuere aika m'aiti n te tairiki anne ni kabuta aia maeka arei, ao te ingabong are i mwiina, e wene te aoi ni kabuta aia maeka naba arei.

Te Otinako 16:3

ao a taku nako ia, “Ti bia kaman tiringaki iroun te UEA ngke ti boni mena i Aikubita. Ngke ti mena n te tabo ike ti tekateka ma karara taian irikomaiu ni katoki nanora n aekaki n am'arake nako ake ti tangiri. Ma ko uotiira mai b'a ti na mate ni baki i nanon te rereua aei.”

Te Otinako 16:8

Ao e taku Moote, “Bon te UEA ae na anganingkami te iriko are kam na kanna nakon te tairiki, n ai aron m'aitin te kariki ae kam kakanna n te ingabong, i bukina b'a E a tia n ongo m'aitin ngurenguremi nako Ina. B'a ngkana kam ngurengure nako ira, ao kam boni ngurengure iai nakon te UEA.”

Taeka n Rabakau 27:7

E aki rangi ni kangkang ana karewe te manibeeru ngkana a m'aiti kanam, ma ko kang b'aai n aki akaaka ngkana ko a rangi ni baki.

Maraki 1:6

Iai te b'ai ae N na taekinna Ngai ae te UEA nakoia ibonga. A karineia tamaia naati ao a karineia aia toka taani m'akuri. Bon tamami ao ami toka Ngai, ao e aera ngkai kam aki karineai? Kam a tia ni katinanikuai ngkami aika ibonga, ao ngkai kam titiraki ni kaangai, “Ti katinanikuko n te aro raa?”

Warekaia Iteraera 11:13

A rangi ni kaberoroa te aba i bukin tangiran tannaia, ma n nang karekea ia tannaia?

Warekaia Iteraera 11:19

A nang bon tannaia ni katoa bong-tiaki tii i bukin te bongina ke uabong, ke nimabong, ke 10 ke 20 te bong, ma i nanon teuana te nam'akaina.

Warekaia Iteraera 11:21

Ao e taku Moote, “Tao e kaaniia 6,000 mm'aane aika ikawai ikai, ao Ko na kanga n taku b'a a kona ni karekei tannaia ma aia utu i nanon teuana te nam'akaina?

Warekaia Iteraera 14:3

E boni kairiira n nako Kanaan te UEA b'a ti na bane n tiringaki ma n tauaki ara aine ma ataei b'a taenikai? E raoiroi riki ngke ti mena i Aikubita.”

Warekaia Iteraera 14:4

Ao a i taetae i bon i rouia, ao a taku, “Ti na karekea ara tia kairiri temanna, ao ti na okira Aikubita.”

Warekaia Iteraera 16:13

E bon buakaka arom ngkai ko a tia n anaira mai abara ake a tamaroa i Aikubita b'a ti na mate n te rereua aei. Ao ngkai ko a manga kani b'aotiniira n aki akaaka!

Warekaia Iteraera 20:4

Ko kairiira nakon te Rereua aei, ao ngkai ae ti nang mate ma ara nanai ni man!

Warekaia Iteraera 21:5

ao a ngurengure nakon te Atua, ao a taku nakon Moote, “Ko bon kaotinakoira mai Aikubita b'a ko na tiringiira n te rereua? Bon akea te ran ikai, ao a aikoa rin am'arake aika buakaka aikai!”

M'akuri 13:41

“Noria, ngkami aika taani kakaniko, kam na mimi ao kam na mate! B'a te m'akuri ae I karaoia i nanon ami tai ni maiu, bon te b'ai ae kam na aki kakoaua, e ngae ngkana e kab'arab'araaki taekana nakoimi iroun temanna!”

1.I-Tetaronike 4:8

Ma ngaia are te aomata ae rawa nakon te taeka n reirei aei, ao e aki rawa nakon te aomata, ma e rawa nakon te Atua, are anganingkami Tamneina are Raoiroi.

Iotua 24:27

Ao e taku nakoia aomata, “E na riki te atiibu aei b'a te tia kakoaua, b'a e a tia n ongo b'aai ni kabane ake E taekin te UEA nakoira. Ao e na riki b'a te tia kakoaua ni kaoti ara bure nakon te UEA.”

1.Tamuera 10:19

E a tia te Atua ni kamaiungkami man taiani kangaanga ma taiani kabuanib'ai. Ma kam a tia ni kamoamoaingkami nakon Atuami ma n bubuti karekean ami uea. Ma ngaia ae ngkai, kam na bane ni kaaningkami baronga ma kaainga n tatabeua nako nakon te tabo n taromauri b'a E aonga n rinea te uea te UEA.

1.Tamuera 2:30

Bon te UEA Ngai ae Atuaia Iteraera. I berita b'a n na teimatoa ni kariaia ami utu b'a a na m'akuri b'a ibonga, ma I tuangkami ngkai b'a bon akea riki te b'ai teuana ae I kona ni manga karaoia! I karineia aomata aika a karineai, ma I kamaraiaia akana a ribaai.