Warekaia Iteraera 11:2 - Te B'aib'ara

² Ao ngke a butiia aomata Moote, ao e tataro Moote, ao e mate te ai arei.

Warekaia Iteraera 11:2 ပူးပေါင်းရင်းမြစ်များ

Taian Areru 106:23

Ngke E taku b'a E na kamaunaia ana Aomata, Ao e tei ana toro are E rineia, are Moote, n taetae ma te Atua i bukiia b'a E na aki kamaunaia n unna.

Te Otinako 10:18

Ao e kiitana te uea are B'arao Moote ao e tataro nakon te Atua.

Te Otinako 34:9

Ao e tataro ni kaangai, “Te UEA, ngkana arona b'a Ko bon kukurei irou, ao I tataro b'a Ko na iriira. E bon koaua ae bon taani bure aomata aikai ao taani kamangao, ma Ko na kab'arai ara bure ao karikiira b'a am aomata.”

Itaia 37:4

Ti butiiko b'a ko na tataro i bukiia aika a tiku ni maiu. E kanakoa ana mataniwi ni buaka uean Aturia ni kakaewenakoa te Atua. Tao e bon ongo te UEA te b'ai are e taekinna ao E na karaoa te b'ai teuana, ngkana ko tataro.

Ieremia 15:1

E taku te UEA nako iu: Ngkana arona b'a a mena ikai Moote ma Tamuera, ma n tataro i bukimi, ao N na bon aki bita naba nanou. Ma ngaia are, N na kanako ia kaain Iuta.

Ieremia 37:3

Ao Tetekia e kanakoa Ieukara are natin Teremia te mm'aane ao te ibonga ae e rietaata are Teb'ania are natin Maateia te mm'aane b'a a na buubutiai b'a N na tataro i bukina ma te botannaomata nakon te UEA ae Atuara.

Ieremia 42:2

ao a taku, “Ti butiiko b'a ko na tataro i bukira nakon te UEA ae Atuam. A rangi ni m'aiti ngkoa kaain Iuta, ma n aron ae ko konaa n nooria ngkai ai ti tabeman ngkai nikirara.

Warekaia Iteraera 12:11

ao e taku nakoni Moote, “Teuae ko karineaki, taiaoka, ko na aki katuaaira n ara m'akuri n nanobaba aikai.

Warekaia Iteraera 12:13

Ao e tataro Moote ni kaangai, “Te UEA ae te Atua, taiaoka kamaiua neiei.”

Warekaia Iteraera 21:7

Ao a nakon Moote tabeman aomata, ao a taku, “E boni bure arora ngke ti ekiko nako ma te UEA. Ma ti a butiiko b'a ko na bubutiia b'a E na kanakoia naeta aikai.” Ao e tataro Moote,

M'akuri 8:24

Ao e kaeka Timon ni kaangai, “Tataro nakon te UEA i buku, b'a e na aki riki nako iu te b'ai teuana ni baikana kam atong.”

Ebera 7:26

Iesu ngkanne bon te Ibonga ae Kakannato ae tau i bukira; E kukurei te Atua i Rouna, akea kabuakakaana ma baarekana, E kam'awaki mai rarikiia taani bure, ao E karietataki riki i aon taiani karawa.

Iakobo 5:16

Ma ngaia ae kam na kaotioti ami bure nakoimi, temanna nakon temanna, ao kam na tataro i bukimi, temanna i bukin temanna, b'a kam aonga ni kamaiuaki. E bati ni m'aaka ana tataro te aomata ae kakaraoa nanon te Atua, ngkana e tataro ma nanona.

1.Ioane 5:16

Ngkana e nora tarina te aomata b'a e karaoa te bure ae e na aki mate iai, ao e na tataro i bukina, ao te Atua E na angan teuare e bure te maiu. E a kaeti aei nakoia ake a bure n te bure ae a na aki mate iai. Bon iai te bure ae e mate te aba iai: I aki taku b'a e na tataro i bukin aei.