Warekaia Iteraera 11:17 - Te B'aib'ara

¹⁷ N na anganiia m'aakam teutana ngkana I maroroo ma ngkoe ikekei, b'a aonga ni kona n tararuaia naba aomata ma ngkoe. Ko nang aki manga tararuaia aomata n ti rab'atam.

Warekaia Iteraera 11:17 ပူးပေါင်းရင်းမြစ်များ

Karikani B'aai 11:5

Ma ngke E ruorikaaki te UEA n noora aia kaawa ae buubura are a tia ni karaoia ma tauana,

Karikani B'aai 17:22

Ao E a kitana Aberaam te Atua ngke E a tia n taetae ma ngaia.

Karikani B'aai 17:3

Ao e bobaraaki Aberam, ao e kabooa matana ma aontano, ao E taku te Atua,

Karikani B'aai 18:33

Ao ngke E a bane ana maroroo te UEA ma Aberaam, ao E a nako, ao e a okira ana auti Aberaam.

2.Uea 2:15

Ao ngke a noora arei burabetin Ieriko, ao a i taetae i marenaia ni kaangai, E a reke m'aakan Eria iroun Eritai. Ao a nako ni kawaria ao a b'aka ni katorobubua i matan Eritai,

2.Uea 2:9

Ao ngke a tia n roko n iteran te karaanga are teuana, ao e taku Eria, “Eritai, ae E nang anaai te UEA n te tai ae e aki maan. Tera ae N na karaoia nakoim i m'aain nakou?” Ao e taku Eritai, “I butiiko b'a ko na anganai uoua te tai okiokin m'aakam are ko anganiia burabeti ake te korakina, b'a I aonga n riki b'a oneani mwiim n riki b'a aia tia kairiiri.”

Neemia 9:20

Am tangira ae e roko raoi boni ngaia ae e reireiniia, ao Ko anganiia te maana b'a a na kanna ao te ran b'a a na nimma.

Te Otinako 18:18

Ko a boni kakorakaiko n reitaki ma aomata. E bon rangi ni bati tabem iai ngkana ti ngkoe.

Te Otinako 18:22

Ko na kam'akuriia b'a taani moti i bukiia aomata, i aon tuua aika a tia ni kamatoaaki. Ao a kona ni uoti taiani kangaanga nako im, ma a kona ni baairei taiani kamangaongao i bon irouia aika uarereke. Ko na rangi ni bebete iai ngkai a i buokanib'aia rawawatam.

Te Otinako 19:11

ma ni katauraoia n te bong are i mwiin te ingabong b'a N na ruo nako aon te Maunga are Tinai n te bong anne, n te aro ae a na bane n noorai aomata ni kabane.

Te Otinako 19:20

Ao E ruona taubukin te maunga te UEA, ao E wetea Moote b'a e na tam'arake nako taubukin te maunga. Ao e tam'arake Moote

Te Otinako 34:5

E ruorikaaki te UEA ae te Atua i aon te nang ao E tei i rarikin Moote ikekei i aon te maunga. Ao E taekina arana ae e tabu te Atua, “ae te UEA”.

Itaia 44:3

N na kakab'aia te aba ae e m'autakataka ni kanakoa taiani karaanga n ran, N na kakab'aia ami kariki n anganiia Tamneiu

Itaia 63:11

Ma ana aomata a uringa te b'ai are e riki ngkoa n ana tai Moote E bon aki uotiia ngkoa te UEA ma aia taani kairiiri nako ma ni kaawakiniia raoi i nanon taari? E bon aki anganiia ngkoa Tamneina ae e Raoiroi?

Ioera 2:28

Rimwi riki, N na anga Tamneiu nakoia aomata nako. A na riki ni burabeti natimi m'aane ma natimi aine. A na mii taiani mii ami unim'aane, a na noori taiani kaotioti ami rorobuaka n ataei.

Warekaia Iteraera 11:25

Ao ngke E taetae te UEA ma ngaia, ao te UEA, E anaa te m'aaka teutana mairoun Moote, ao E anganiia taani kairiri ake 70. Ao ngke a niniaki n te Tamnei, ao a takaarua n ai aroia burabeti. Ma bon ti aei te tai are a karaoa iai te aro aei.

Warekaia Iteraera 12:5

Ao E kaoti te UEA n te nang ao E tuanga Aaron ma Miriam b'a a na kaaniia riki.

Warekaia Iteraera 12:8

E norai, ao n i taramata ma ngai, ao b'aai ni kabane ake I tuangnga a teretere raoi. Ao bon akea riaimi ni ngureakina Au tia m'akuri ae Moote.”

Warekaia Iteraera 27:18

Ao E taku te UEA, “E kona ni karaoa te m'akuri anne Iotua are natin Nun. Katoka baim i aona ni kaotia b'a boni ngaia are e na onomwi.

Warekaia Iteraera 7:89

Ao ngke e nako n rin n te Um'antabunrianna Moote ni kan maroroo ma te UEA, ao e taetae te UEA nako ina mai marenan b'aai ake iai baiia ni kiba, ake a mena i aoni matan te Atiniberita.

Ioane 3:13

Akea te aomata ae rierake nako karawa, ma bon ti Teuae ruo mai karawa, ae Natin te Aomata.”

Ioane 7:39

E taekina aei Iesu b'a taekan te Tamnei are Tabu, are a na anganaki akana onimakinna: b'a e tuai anganaki te aba te Tamnei are Tabu, i bukina b'a E tuai ni bo ana tai Iesu n neboaki.

I-Rom 8:9

B'a kam aki maiu n aron nanon te rab'ata, ma kam maiu n aron nanon te Tamnei ngkae E maeka i nanomi Tamnein te Atua. Ao ngkana akea Tamneini Kristo iroun te aomata, ao tiaki ana aomata.

1.I-Korinto 2:12

Ao ngaira ti aki anganaki te tamnei ae b'ain aon te aba, ma ti anganaki te Tamnei are mairoun te Atua, b'a ti na atai ana b'ai n tituaraoi te Atua nako ira.

1.I-Tetaronike 4:8

Ma ngaia are te aomata ae rawa nakon te taeka n reirei aei, ao e aki rawa nakon te aomata, ma e rawa nakon te Atua, are anganingkami Tamneina are Raoiroi.

1.Betero 1:22

Ngkai kam a tia ni kaitiaki maiumi n ami ongeaba nakon te koaua, ao kam a tia ni b'aina te tangira ni koaua i bukiia raomi ni Kristian, ao kam na kakorakoraingkami n i tangitangiri ma nanomi ni koaua.

Iuta 1:19

Aomata aikai boni ngaiia aika kariki taian raure; aomata aika iri oin nanoia ni baika a tangiri, ao akea te Tamnei i rouia.

1.Tamuera 10:6

Ao ane na niningkami Tamnein te UEA. Ao kam na riki b'a aomata ngkami aika kam kaokoro, ao ane kam na taetae ni burabeti ma ngaiia.