Warekaia Iteraera 11:12 - Te B'aib'ara

¹² ao bon tiaki natiu. Ko tuangai b'a N na tabeakiniia, ma ni kairiia nakon te aba are Ko berita iai nakoia aia bakatibu.

Warekaia Iteraera 11:12 ပူးပေါင်းရင်းမြစ်များ

Karikani B'aai 13:15

N nang anganiko ma kanoam aaba ni kabane ane ko nooria, ao a na riki b'a am b'ai n aki toki.

Karikani B'aai 24:7

E anaai te UEA ae Atuan karawa mai abaia tamau ma au koraki, ao E berita nako iu b'a E na anga te aba aei nakoia kanoau. Ane E na bon kanakoa te anera i m'aaim b'a ko aonga ni kona ni karekea buun natiu te mm'aane.

Karikani B'aai 26:3

Maeka ikai, ao N na memena iroum ma ni kakab'aiako. N na anganiko te aba aei ni kabutaa, ao nakoia naba am kariki. N na bon kakoroa bukin te berita are I karaoia ngkoa ma tamam are Aberaam.

Karikani B'aai 50:24

Ao e taku nako ia tarina, “E a kaan mateu, ma E na boni kaawakiningkami te Atua ma ni kairingkami ni kaotinakoingkami man te aba aei nakon te aba are E a tia ni berita iai nakon Aberaam, Itaaka, ao Iakob'a.”

2.Uea 10:1

A bon tiku naba ni maeka ana kariki Aaba aika itingaun i Taamaria. Ma ngaia are, e korea ana reta Ieu nakoia taani kairiiri aika a kakannato ma mataniwi aika a kakannato n tatabemaniia nako n te kaawa, ao aomata nako ake a tei i bukin Aaba. Ao a taku kanoan reeta akekei:

2.Uea 10:5

Ao mataniwin te bareti, ma mataniwiin te kaawa, ai uana naba ma taani kairiiri nako, ao ake a teetei i bukin Aaba, a kanakoa aia rongorongo nakon Ieu ae e kaangai, “Teuae ko karineaki, bon am toro ngaira. Ao ti na karaoi b'aai ni kabane aika ko tuangiira. Ma bon tiaki ara b'ai te rinea temanna b'a e na uea. Ko a boni karaoa ane ko taku b'a te kabanea n tamaroa.”

Te Otinako 13:11

E na karokoi ngkami te UEA n te aba are Kanaan, n aron are E a tia ni berita iai nako imi, ma ami bakatibu. Ngkana E anganingkami,

Te Otinako 13:5

E berita ngkoa te UEA nakoia ami bakatibu b'a E na anganingkami abaia kaain Eta, kaain Amora, kaain Iwa, ao kaain Iebuti.

Te Otinako 33:1

E taku te UEA nakon Moote: Ko na kairiia aomata ni kaotinakoia mai Aikubita. Katauraoiko ngkai b'a ko na kairiia nakon te aba are I a tia ni berita iai nakoia aia bakatibu ake Aberaam, Itaaka, ao Iakob'a.

Te Otinako 6:8

N na karokoi ngkami n te aba are I karaoa iai au berita ae e matoa nako ia Aberaam, Itaaka, ao Iakob'a, ao e na riki b'a ami b'ai. Bon te UEA Ngai.”

Itaia 40:11

E tararuaia ana Botannaomata te UEA, kaanga te tia kaawakintiibu ni kaawakiniia ana Nanai n tiibu. E uouotia tiibu ataei i aoni baina ao ngke e tabe ni kaira raoi te tina n tiibu.

Itaia 49:15

E taku te UEA, “E a tia ni m'aninga taekan natina te tina are e nanoanga natina ni mammana? E konaa n aki tangira te ataei ae e bon nako man oin rab'atana? Ngkana e konaa ni m'aninga te tina, ma Ngai N na bon aki m'aninga taekam.

Itaia 49:23

A na roko ni boobaraaki ueanim'aane ma ueanainen taiani botannaomata aikai ake a kaikawaia. A na kaawakiningkami kaanga te toro ae e kaawakina te ataei. Ao ane ko na ataia iai b'a bon am UEA Ngai. E na aki b'ara nanom ngkana ko onimakinai.”

Etekiera 34:23

I mwiin anne, N na karekea ami tia kaawakin tiibu man te utu are ana toro te Uea are Tawita. A na kaai n reke ami tia kaawakin tiibu ae ti temanna ngkami aika kam korakora ma aika kam mamaara, ao e na kaawakiningkami raoi.

Ioane 10:11

Ngai te tia kawakin tiibu ae e raoiroi. E anga maiuna te tia kawakin tiibu ae e raoiroi i bukiia tiibu.

1.I-Korinto 4:15

B'a e ngae ngkana tebwina tengaa m'aitiia aomata aika reireingkami taekani Kristo, ma ti temanna tamami: I riki b'a tamami i nanoni Kristo Iesu n te euangkerio are I uotia nako imi.

I-Karatia 4:19

Natiu aika uarereke, ai aron te aine ngai n ana tai ni bung, ae I ngirangira ni maraki i bukimi ni karokoa ae kam riki b'a taan ira Kristo ngkami.

Te Tua-Kaua 1:31

Ao kam bon ataia b'a E boni kaawakiniira te UEA n taai nako ngke ti mena n te rereua, n aromi ngkana kam uouota natimi temanna.”

1.I-Tetaronike 2:7

E boni ngae ngke iai ara kona n tangiri b'aai i bukira mai roumi, ngkai ana tia tuatua Kristo ngaira; ma ti nimamannei i buakomi, n ai aron te tia tob'a ngkana e akoia oin natina.