Warekaia Iteraera 10:33 - Te B'aib'ara

³³ Ao a moana m'anangaia Iteraera man te Maunga are Tinai. A m'ananga i nanon tenibong, ao a rimoa kanoan Rewi ni kaira te m'ananga, ao a uouota te Atiniberita, n te aro b'a E aonga n tuangiia te UEA aia tabo ike a na katei maeka iai.

Warekaia Iteraera 10:33 ပူးပေါင်းရင်းမြစ်များ

Taian Areru 95:11

Ma ngaia are I taetae n un ao I kab'aka au berita ‘kam na bon aki kona n rin n te aba are N na kaman tia n anganingkami iai te motirawa.’ ”

Te Otinako 19:3

Ao e tam'arakea te maunga Moote b'a e na maroroo ma te Atua. Ao E wetea Moote te Atua man te maunga, ao E tuangnga b'a e na taetae nakoia Iteraera ni kaangai, aika kanoan Iakob'a:

Te Otinako 3:1

N te bong teuana, ao Moote e tararuaia ana tiibu ma ana kooti taman buuna are Ietero are ibongan Mirian. Ao e iangoia Moote b'a e na kairiia maan ri nanon te rereua nako Tinai, te maunga are e tabu.

Itaia 11:10

E na roko te tai are e na anga iai te kanikina nakoia aomatan te botannaomata b'a a na ikotaki. A na iri ana kaetieti, ao a na tanoata taekaia ake bon oin ana botannaomata.

Itaia 28:12

E a tia ni berita iai nakoimi i bukin te rau ao te motirawa aika a kororaoi, ma kam aki kan ongo.

Itaia 66:1

E taku te UEA: Au kaintokanuea karawa ao nnen katokaniwaeu aonnaba. Tera te aekaki n auti ae ko na karaoia ibuku? E nga te tabo ae N na motirawa iai?

Ieremia 3:16

E na riki rake m'aitimi, ao e na akea manenan uringakin te Atiniberita ke ni manga karaoa ae e boou.

Ieremia 31:2

I akoia aika a biri nako i nanon te rereua b'a a na rawei maiuia man te mate. I anganiia te rau, ao ngkana e roko raoi te tai, N na karaoa naba aei nako imi. Bon aei Au taeka Ngai ae te UEA.

Ieremia 6:16

E taku te UEA: Au aomata, ngkana kam tei n taian tutani kawai, I tuangkami ni kaangai, “Ira te kawai are a m'ananga naba iai ami bakatibu, ao e na reke iroumi te rau.” Ma kam rawa.

Etekiera 20:6

I tuea b'a N na kamaiuia mai Aikubita ma ni kairiia nakon te aba are I a kaman rineia. E mari te aba n te miriki ao ana karewe te manibeeru ao bon te aba ae te kabanea n tamaroa.

Warekaia Iteraera 10:12

Ma ngaia are, a kab'aranakoi aia auti n rianna Iteraera, ao a kiitana Rereuan Tinai. Ao i mwiin te tai ae maan, ao e tei te nang n Rereuani B'aran.

Te Tua-Kaua 1:33

e ngae ngke E a tia ni memena iroura n te rereua. E mena te UEA i nanon te nang n te ngaina, ni kairiira nakon te tabo ike ti na nako iai, ao ni kaota naba nakoira te tabo are ti na kateimaeka iai. Ao n te tairiki, E mena i nanon te ai.

Te Tua-Kaua 31:26

Aio ana Boki n tua te Atua. Kam na kawakinna i rarikin te Atiniberita are tabu are kanoana ana Boraraoi te UEA ae Atuami are karaoia ma Iteraera. Te B'ai ni kakoaua te boki aei b'a kam atai baika E tangiria te UEA b'a kam na karaoi.

Te Tua-Kaua 9:9

E riki naba i nanon 40 te bong ma te ngaina ngke I mena i aon te Maunga ma n aki am'am'arake ao n aki momooi. E tuangai b'a N na tam'arake b'a E na anganai taiani boraraoi ake E a tia ni karaoi ma ngaira. Ao taiani boraraoi aikai bon taian Tua ake 10 ake E a tia ni katanoatai nakoimi ngke E taetae nakoimi man te ai mai aon te maunga. E a tia te UEA ni koroi ni baina i aon 2 atiibu aika raababa. Ma i mwiin anganakiu atiibu akana 2,

Ebera 13:20

Ao te Atua, ae mai Rouna te raoi, are kaira rake mai buakoia maate ara Uea are Iesu, are te Tia Kawakin tiibu are kakannato, are e kabonganaki raraana i bukini karaoan te boraraoi are aki toki,

Iotua 4:7

ao kam na kaongoraaia b'a ngke e ri nanon te Ioretan Ana Ati ni Berita te UEA ao e rina n toki raangan ranin te karaanga. A na kateimatoa uringan baika a riki n te bong aei ikai atiibu aikai.”

1.Tamuera 4:3

Ao a okirikaaki tautian Iteraera nakon aia kaemb'a, ao a taku taani kairiiri, “E aera te UEA ngkai E kakonaakira n te bong aei irouia kaain Biritia? Ti na anaa te Atiniberita are a kaawakinaki iai aia boraraoi te UEA ma Iteraera. Ao ane na buokiira iai te UEA ni kamaiura mairouia ara kairiribai.”