Warekaia Iteraera 10:32 - Te B'aib'ara

³² I rarikin anne, ao ngkana ko iriira, ao ti na karekea tib'am man b'aai ake E anganiira te UEA.”

Warekaia Iteraera 10:32 ပူးပေါင်းရင်းမြစ်များ

Nakoaia Ibonga 19:34

Ma karaoa ae e raoiroi nakoia n ai aron ae ko karaoia nako ia kaain te aba, ao tangiriia n ai aron tangiram. Uringnga, bon te naa n iruwa ngkami ngkoa n te aba are Aikubita. Boni Ngai te UEA ae Atuami.

Te Tua-Kaua 10:18

E teetei te UEA i bukiia ataei aika akea aia karo, ao aine aika a mate buuia. E kakawakiniia iruwa ma n anganganiia kanaia ao kunnikaia.

1.Ioane 1:3

are ti a tia n noria ma n ongo, ao ti taekinna naba nako imi; b'a kam aonga n uaia ni buokanib'ai iai ma ngaira, n ai aron are ti buokanib'ai iai ngaira ma te Tama ao Natina are Iesu Kristo.

Tani Motiki-taeka 1:16

Aomata ake kaain te kaainga are Ken boni ngaiia kanoan ai taman Moote. A uaia ni kiitana Ieriko ma kaain Iuta, ao a tiku ni maeka i rarikin Arata n Rereuan Maiaki n aki raroa ma kaain Amareka.

Tani Motiki-taeka 4:11

Ao n te tai aei, e maeka Ebera are kaain te kaainga are Ken i rarikin te kaawa are Oke i Taanannim, e aki rangi n raroa mai Keteti. A nako kaain te kaainga are Ken mairoun Obaba, taman buun Moote, ma e a tia ni m'aing nako Ebera ma ni katea ana kaemb'a ni kararoa ma te kaainga.

1.Tamuera 14:6

Ao a tabe n taetae ni kawai Ionatan ma ana tautia ngke a m'ananga nakon aia kaemb'a kaain Biritia ao a taku, “Bon ti ngaira uoman ni kaaitaraia m'aane aika akea atuaia aikai,” Ao e taku Ionatan, “Ma E kona te UEA ni buokiia tautia aika ti tabeman n tokanikai n te buaka n aron naba ae bon akea kangaangan buokaia te taanga ni buaka ae b'anin i Rouna. E na mena ngkoa ao e na buokiira te UEA n te buaka aei.”