Warekaia Iteraera 10:30 - Te B'aib'ara

³⁰ Ao e taku Obaba, “I aki iringkami b'a n na okira au auti, ni kawariia kaain abau.”

Warekaia Iteraera 10:30 ပူးပေါင်းရင်းမြစ်များ

Karikani B'aai 12:1

Ao E taku te Atua nakon Aberam, “Kitana abam, ma am koraki, ao ana auti tamam, ao naako nakon te aba ae N nang kaotia nakoim.

Karikani B'aai 31:30

I ataia b'a ko a nako b'a ko a rangi ni kan nakon am auti, ma e aera ngkai ko iraei bouan antin te utu?”

Taian Areru 45:10

Ngkoe ae buun te uea, ongora n te b'ai ae N na taekinna: M'aninga taekaia am botannaomata ma am utu.

Te Otinako 18:27

Ao i mwiin arei, ao e a kabo Moote nakon Ietero, ao e a okira ana auti Ietero.

Mataio 21:28

Tera ami iango nakon te karaki aei? Iai ngkoa te aomata temanna ae uoman natina mm'aane; e nako n te karimoa, ao e kangai, “Natiu, ko na nako ni m'akuri ni nnen arokau te kureebe n te bong aei!”

Mataio 21:29

Ao ngaia e kaeka ni kangai, I aki kan nako; ma i mwina ao e bita nanona ao e nako.

Ruka 14:26

Ngkana iai ae kan riki b'a au reirei ma e aki riba tamana ma tinana ma buuna ma natina ma tarina ma m'anena, ma n aki riba naba maiuna, ao e aki kona n riki b'a au reirei.

2.I-Korinto 5:16

Ma ngaia ae ma ngkai ao akea temanna ae ti na bairea taekana man te iango n aomata; e boni ngae ngke ti a tia n te taina ni bairea taekani Kristo iai, ma ti aki kona ni manga karaoia riki nako Ina.

Ebera 11:13

A bane ni mate i nanon te onimaki Aberaam, Itaaka ao Iakob'a ngke a tuai n reke i rouia baike a atongaki n taeka n akoi akekei; ma a nori mai kiraroa, ao a kukurei iai, ao a taku b'a bon I-anena ngaiia ao aomata aika maeka n iruwa i aon te aba.

Ebera 11:8

I bukin ana onimaki Aberaam, ao e ongeaba ngke e weteaki iroun te Atua, ao e nako n te tabo are e na anganaki b'a abana; ao e m'ananga n aki ata ike e na nako iai.

Tani Motiki-taeka 1:16

Aomata ake kaain te kaainga are Ken boni ngaiia kanoan ai taman Moote. A uaia ni kiitana Ieriko ma kaain Iuta, ao a tiku ni maeka i rarikin Arata n Rereuan Maiaki n aki raroa ma kaain Amareka.