Warekaia Iteraera 10:10 - Te B'aib'ara

¹⁰ Kam na katanga naba te bu ngkana kam anga karea n tain te Toa ae Moan Otin Nam'akaina ao taian toa riki ake tabeua. E na riki aei b'a te b'ai ni kauring b'a bon te UEA Ngai ae Atuami.

Warekaia Iteraera 10:10 ပူးပေါင်းရင်းမြစ်များ

2.Uea 4:23

Ao e taku teuare buuna, E aera ngkai ko na kawaria n te bong aei, ao kai tiaki ngkai te Taabati ke te Toa ae Moan Otin Nam'akaina.

1.Rongorongo 15:24

Aikai araia: Berekia, Erekana, Obeta-Etom, ao Ieia. Ao n te kabanea, Tawita e rineaia ibonga ake a na nakonako i matan te Atiniberita b'a taani katang bu. Ao aikai araia: Teb'ania, Iotiab'ata, Netanera, Amatai, Tekaria, Benaia, ao Erietera.

1.Rongorongo 15:28

Ngke e tabe ni uotaki te Atiniberita nako Ierutarem, ao a bane aomata ni bukamaruia n takaarua ao ni katangi b'aini katangitang aika taiani konete, buu, timbara, aabi, ao b'aai ni katangitang riki tabeua ake taiani karai.

1.Rongorongo 16:42

Bon tabeia naba Eman ma Ierutun te katang taiani buu, ao katangakin taian timbara ao b'aai ni katangitang ake tabeua i nanon tain te taromauri n te Um'antabunrianna. Ao kanoan Rewi ake n te kaainga are Ierutun boni ngaiia ake taan tei i Kibeon.

2.Rongorongo 29:26

A tauraoi kanoan Rewi ni katang taian b'ai ni katangitang ake ana b'ai ngkoa Tawita; ao a tauraoi naba ibonga ni katang taian bu.

2.Rongorongo 29:28

ao a bane aomata n taromauriia te UEA. E reitinako ni karokoa karaoan te angakarea i aon te kabanea ni man.

2.Rongorongo 7:6

Ao a bane n teirake aomata i nanon tain te botaki. Ao a bane ni mena taian ibonga n aia tabo ake a tia n anganaki, ni katangi taian buu. A kaaitaraaki irouia kanoan Rewi, ni katangi taian b'ai ni katangitang ake e a tia ni karaoi Tawita b'a a na kamanenaaki i bukin neboakin te UEA i bukin ana tangira ae akea tokina.

Etira 3:10

Ngke e a bane kawenean aan te Tembora irouia taani kateitei, ao a karin niniiraia n ibonga taian ibonga ao a katang taiani bu b'a karinean te UEA, ngke a tabe n anene kanoan Rewi ake man ana utu Ataba n neboa te Atua n taian timbara. A bane aomata n irii taiani kaetieti man ririki aika a b'aka nako ake mairoun Tawita are te uea.

Neemia 12:35

a bane ngaiia ni katang taiani bu. I mwiina, ai manga Tekaria are man te kaainga are Ataba

Taian Areru 150:3

Kam na kamoamoaa ni katangan taiani bu. Kam na kamoamoaa n taian aabi ma raea.

Taian Areru 81:3

Katanga te bu i bukin te bootaki ae ab'ab'aki are te Toa ae Moan Otin Nam'akaina ao ngkana e a tanimainiku.

Taian Areru 81:4

Aio te tua i Iteraera, ae roko mairoun Atuan Iakob'a.

Taian Areru 89:15

Te UEA, ai kab'aia ra akana anene n taromauriko, Akana karaoia i matam ae Ko kukurei iai.

Te Otinako 28:29

E na uouoti araia barongan Iteraera ake tengaun ma uabaronga Aaron aika a koreaki i nanona ni katoa te tai are e rin iai n te Tabo are e Tabu, ao N na bon aki konaa ni m'aninga iai taekan au botannaomata.

Te Otinako 30:16

E na riai ni kamanenaaki te m'ane aei i bukin kateimatoan raoiroin te Um'antabunrianna, ao N na bon aki konaa ni m'aninga taekaia au aomata i bukin aei.

Itaia 27:13

E na ongo te aba tangin te bu ae e tangi m'aaka. Ao i mwiina, a na oki n taromauria te UEA i aon ana maunga ae e tabu i Ierutarem aomatan Iteraera ake a uaakinaki nako ngkoa nako Aturia ao Aikubita.

Nakoaia Ibonga 23:24

b'a e na kaangai nakoia Iteraera: E na riai n riki moa ni bongin te kaitiua n nam'akaina b'a te bongi ni motirawa ae e b'anin. Ma ngaia are, n tangin te naa ni bu, ao kam riai ni bootaki n taromauri ao n angakarea i aon te baonikarea.

Warekaia Iteraera 10:9

Kam na anga naba te kanikina n te bu ngkana kam nako ni buakaniia ami kairiribai aika a roko ni buakaningkami, b'a I aonga n ongo Ngai ae te UEA, ao N na kamaiungkami.

Warekaia Iteraera 28:11

Kam na uoti nakon te baonikarea uoman kaomm'aane, ao temanna te tiibu mm'aane ae rangi n ikawai, ao itiman tiibu mm'aane aika teuana aia ririki ni maiu aika akea toabuakan rab'ataia. Kam na anga baikai b'a te karea are kakukureiau.

Warekaia Iteraera 29:1

Ni moani bongin te kaitiua n nam'akaina, ao kam na motirawa man ami m'akuri, ao kam na ikotaki ni bukamarua tangin taiani bu.

Mataio 11:28

“Bane mai nako Iu, ngkami akana kam kua ao kam rawawata, ao N na motiki rawami.

M'akuri 10:4

Ao ngaia e kam'ataua taraana ma te maaku ae bati, ao e taku, “Te uea, tera?” Ao e kaeka te anera ni kangai, “E kukurei te Atua i roum n am tataro ao n am b'ai nako n tituaraoi, ao E ongo i roum.

1.I-Korinto 15:52

n te tai ae moan te waekoa, n te rube ni mata, n tangin te kabanea ni bu. B'a ane e na tangi te bu, ao a na manga kamaiuaki maate n aki kona ni mka, ao ti na onikaki.

1.I-Tetaronike 4:16

B'a ane E na ruo te Uea mai karawa ma te b'anaa ae takarua n taetae, ma b'anaan te anera ae kakannato, ma tangin ana bu te Atua. Ao a na manga uti moa ake a mate ake a onimakina Kristo,

1.I-Tetaronike 4:18

Ma ngaia ae kam na karau nanomi n taeka aikai.

Iotua 4:7

ao kam na kaongoraaia b'a ngke e ri nanon te Ioretan Ana Ati ni Berita te UEA ao e rina n toki raangan ranin te karaanga. A na kateimatoa uringan baika a riki n te bong aei ikai atiibu aikai.”

Iotua 6:4

Itiman ibonga aika a na uouota kakateuana te buu i aoia, ao a na rimoan te Atiniberita. Ko na nakonako ni katobibia Ieriko itiua te tai n te kaitibong, ngkoe ma am tautia, ao ibonga, a na katang aia buu i nanon tain te nakonako.

Te Kaotioti 22:17

Ao E kaangai te Tamnei are Raoiroi, ma te aine are a tib'a mareaki, “Mai.” Ao ane ongo e na kaangai naba, “Mai.” Ao ke e nako mai ane kani moi; ao ke e anaa te ran ni maiu ane kan anaia, n aki kaboa.

1.Tamuera 20:5

Ao e kaeka Tawita ni kaangai, “Bon tain te Toa ae Moan Otin Nam'akaina nakon te ingabong, ao N na bae n am'arake ma te uea. Ma ngkana arona b'a akea am kangaanga iai, ao N na nako ni karabaai n te katawanang ni karokoa tairikin te bong are i mwiin te ingabong.