Warekaia Iteraera 1:3 - Te B'aib'ara

³ Ao ma n taui araia mm'aane ni kabane aika uabwi ni waerake aia ririki ni maiu, aika kona ni buaka.

Warekaia Iteraera 1:3 ပူးပေါင်းရင်းမြစ်များ

2.Tamuera 24:9

Ao e kawara Tawita teuare Ioaba ao e tuanga Tawita ni kaangai, “Bon iai aomata i aon Iteraera ae m'aitiia bon wanibubua te ngaa aika a konaa n riki b'a kaain te taanga ni buaka, ao i aon Iuta bon nimabubua te ngaa.”

1.Rongorongo 5:18

N taian baronga are Reuben, Kata, ao Manate Mainiku ao iai aia tautia aika 44,760 m'aitiia aika a kataneiaaki nakon te buaka n te marae ma taian otanga, kabaang, kainikatebe, ao kanoanikatebe.

2.Rongorongo 25:5

Ao e kanakoa ana rongorongo Amatia nakon taiani kaainga ake Iuta ma Beniamin ma ni bootia m'aane ni kabane man te ririki ae uabwi ni waerake. A m'ananga tenibubua te ngaa te m'aane nako Ierutarem, ao a bane n tauraoi ni kabane nakon te buaka ao a konab'ai ni buaka ma te kainiwai ao te otanga. E bwenauaia tautia Amatia aikai nakon aia kaainga nako ao e katannakoia i aan aia kairiiri aia aobitia.

Te Otinako 12:17

Kam na kaawakina te toa aei i bukina b'a aio te bong are I kaotinakoi ngkami iai mai Aikubita. Kam na riai ni kaakaraoa ami bootaki ni boong ni kabane aika na roko i aon te bong aei b'a te toa.

Te Otinako 30:14

a na riai ni kab'aka te m'aiti ni m'ane ae ti te bo,

Te Otinako 38:26

A bane ni kab'aka te m'aiti ae e tangiraki aomata nako ake a warekaki, ao bootan m'aitiia mm'aane bon 603,550 aika e raka aia ririki i aon uabwi.

Warekaia Iteraera 14:29

Kam na boni mate i nanon te rereua aei, ao a na raea rab'atami i aon te tano. Kam a tia ni kamatauningaai, ao bon akea mairoumi ngkami mm'aane aika ai 20 ami ririki ni maiu,

Warekaia Iteraera 26:2

“I tangiria b'a kam na kakaea b'a iraman Iteraera n aia utu nako. Ao ko na taui m'aitiia mm'aane akana 20 aia ririki ni maiu, ao i aona, akana a kona ni kaaina aia taanga ni buaka Iteraera.

Warekaia Iteraera 3:15

“I tangiria b'a ko na weteia utuun, ao kaaingan te baronga are Rewi. Ao warekia mm'aane akana a tia ni koro teuana aia nam'akaina ni maiu.”

Warekaia Iteraera 32:11

Ao E taku b'a bon akea temanna mai buakoia aomata aika a koro 20 aia ririki ni maiu ngke a kitana Aikubita ae na rin n te aba are E a tia ni berita iai nakon Aberaam, Itaaka, ao Iakob'a. Akea temanna maibuakoia aomata aikai ae onimakina m'aakan te UEA,

Warekaia Iteraera 33:1

Ngke a m'ananga Iteraera i aan ana kairiri Moote ma Aaron,

Warekaia Iteraera 4:3

Ti warekia te koraki aika a konab'ai ni m'akuri n te Um'antabunrianna.

Te Tua-Kaua 24:5

Ngkana a tib'a mareaki te m'aane ma te aine teuana te ririki n nako, ao e na aki kanakoaki te m'aane b'a e na ira te buaka ke ni kanakoaki nakon te m'akuri ae moan te rawaawata. E na kariaiakaki n tiku n ana auti i nanon teuana te ririki ni kukurei ma buuna.

Te Tua-Kaua 3:18

Ao I kaangai nakoia m'anen baronga aikai Reuben, Kaata, ao Manate Mainiku: E tuangai te UEA ae Atuara b'a N na anganingkami te aba aei ma kaawa, ao I a tia ni karaoa anne. A kona n tiku ikai buumi ma natimi ma ami nanai n tiibu ao kooti aika bati, ao ami nanai ni kao aika bati. Ma ngkami m'aane ake kam kona ni ira te taanga ni buaka kam na ri nanon te Karaanga are te Ioretan ni buokiia baronga ake tabeua, i bukina ngke bon ami koraki.