Tito 3:9 - Te B'aib'ara

⁹ Ma ko na kararoako man taian titiraki ni baba, ma taiani kateiriki, ma unraa, ma kauntaeka i aon taekan te Tua, b'a akea manenaia ao akea naba uaaia.

Tito 3:9 ပူးပေါင်းရင်းမြစ်များ

Iobi 15:3

E bon riai b'a e na kauntaeka n taeka aika akea manenaia, ke n taeka aika akea uaaia aika raoiroi?

1.I-Korinto 13:2

Ao ngkana iai i rou te kona n taetae ni burabeti, ma te kona n atai baika raba ni kabane, ma te atatai ni kabanea; ao ngkana e bane n reke i rou aron te onimaki are I kona ni kam'ae nako maunga iai, ma ngkana akea te tangira i rou, ao bon akea bonganau.

1.I-Korinto 8:1

Ti na nori taekan am'arake ake karea nakoni bouannanti: ti ataia b'a “ti bane n atatai”, n ai aron aia taeka tem'angina. E karika te kainikatonga te atatai, ma te tangira e buokia aomata b'a a na teimatoa.

1.Timoteo 4:7

Ma ko na tai mutiakini karaki aika aki koaua aika bo buaka ma kanoan te euangkerio, aika karaki aika akea nanoia. Kataneiako b'a ko aonga n rangi n reitaki ma nanon te Atua ni maium.

2.Timoteo 2:14

Ko na kauringiia am aomata baikanne, ao tuangiia i matan te Atua b'a a na tai kauntaeka b'a akea manenana, b'a e na kona n urui nanoia akana ongora.

2.Timoteo 2:16

Ko na kararoako mani b'arantiko aika akea nanoia aika aki itiaki, b'a ane a na kairiia aomata ni kararoaia ma te Atua;

2.Timoteo 2:23

Ma ko na tai mutiakin taian titiraki ni baba aika aki kawanawana te aba, ngkai ko atai b'a a kariki kauntaeka.

Tito 1:14

ao a aki manga katabeia ma karaki nikawai aika oteaki aika aia karaki I-Iutaia, ma aia tua aomata aika riba te koaua.

Iakobo 4:1

A riki maia taiani buaka, ao a riki maia taian un i buakomi? Tiaki a riki man naano n aonnaba aika kume ni buaka i nanoni b'ain rab'atami?