Tito 2:8 - Te B'aib'ara

⁸ ao kamanenai taeka aika oin taeka aika a na aki konaki ni kabuakakaki; b'a e aonga ni mamaa te kairiribai iai, ngkai akea te bae buakaka ae e na taekinira iai.

Tito 2:8 ပူးပေါင်းရင်းမြစ်များ

Neemia 5:9

Ao I reitanako au taeka ao I taku, “E bure te b'ai ae kam a tia ni karaoia! Ti na karinea Atuara n arora ni maiu, b'a a aonga tientaire n aki noora te kaairua iroura.

Itaia 66:5

Ngkana kam ruru ngkana e taetae te UEA, ao kam na kakauongo nakon te b'ai ae e taekinna ae e kaangai: “A ribaingkami tabeman aomata ibuku ao a rawa naba iroumi ibuku. A b'ab'ainingare ao a taku, Ke E kaota m'akana te UEA! Ti a mataku i rouna ngkana e anganingkami te kukurei ni koaua.’ Ma ane a na mamaa koraki akana a atong baikai.”

Mareko 12:17

E taku ngkanne Iesu, “Angan te uea n Rom b'aai akana ana b'ai te uea n Rom, ao angan te Atua b'aai akana ana b'ai te Atua.” Ao a mimi iroun Iesu.

Mareko 12:28

E mena ikekei temanna te tia koroboki ae ongongora n aia kakauntaeka. E ataia b'a E a tia Iesu n anganiia Tarukaio te kaeka ae tamaroa, ma ngaia are e nako n Iesu ao e titirakinna ni kangai: “Te tua ra ae moanibaan te kakannato i buakon tuua nako?”

Mareko 12:32

E taku te tia koroboki temanna nakon Iesu, “Te Tia Reirei, E eti ane Ko atongnga, ao e koaua are Ko taku b'a ti temanna Ngaia, ao akea riki i rarikina b'a ti Ngaia;

Mareko 12:34

Ngke E tirotiroa nanon ana taeka teuarei Iesu b'a iai te wanawana iai, ao E taku nako ina, “Ko aki raroa ma Uean te Atua.” I mwin aei, ao akea temanna ae kani manga titirakina Iesu.

Ruka 13:17

Ngke E atongi baikai, ao a bane ni mamaa te koraki ake a ribaia, ao a bane ni kim'areirei aomata ni b'aai ni kabane ake a moa n raraoi ake a karaoaki i Rouna.

2.I-Tetaronike 3:14

ao ngkana e aki ongeaba temanna nakon ara taeka n te reta aei, ao kam na kanikinaea, b'a kam na aki i raorao ma ngaia, b'a e aonga ni mamaa.

1.Timoteo 5:14

Ma ngaia ae I tangiriia riki ateiaine aika a mate buia b'a a na iein, a na karikiia natiia, a na tararuaia aia utu, ao a na aki karekea te anga are e na kabuakakaira iai te kairiribai;

1.Timoteo 6:3

Ngkana iai temanna ae reireiia aomata te koaua ae kaokoro, ao e aki boraoi nanona ma taeka ni koaua aika ana taeka ara Uea are Iesu Kristo, ao e aki boraoi naba ma koauan te Aro ni Kristian,

Tito 3:14

A reireiaki ara aomata b'a a na kakaraoi m'akuri aika raraoi, b'a a aonga ni buoki kainnano aika riai, ao n te aro aei a bongana iai aia tai.

1.Betero 2:12

A na raoiroi aroaromi i buakoia aomata aika tiaki I-Iutaia; b'a ngkana a bukiningkami b'a kam karaoa ae buakaka, ao a noori ami m'akuri b'a a raraoi, ao a na neboa te Atua iai n te bong are E na roko iai.

1.Betero 2:15

B'a E tangiringkami te Atua b'a kam na katoki taeka n nano roo aika aia taeka aomata aika nanobaba, ni karaoan ae e raoiroi iroumi.

1.Betero 3:16

ma kam na kaeka ma te nimamannei ao te maku; kawakini mataniwin nanomi b'a a na itiaki; ao n te aro aei a na mamaa iai te koraki ake a taetae ni kabuakakai aroaromi aika raraoi ngkai kam reitaki ma Kristo.