Te Tua-Kaua 9:3 - Te B'aib'ara

³ Ma E a tia ni berita te UEA ae Atuami b'a E na ririmoami, kaanga ai aron te ai ae kabuebue ae kabueki b'aai ni kabane mai m'aaini kawaimi. Ma ngaia are, ngkana kam buakaniia ami kairiribai, ao e na bon rangi ni bebete iroumi ngkana kam tiringiia man taua te aba.

Te Tua-Kaua 9:3 ပူးပေါင်းရင်းမြစ်များ

Te Otinako 23:23

E na kairingkami au anera nakon abaia kaain Amora, Eta, Berita, Kanaan, Iwa ao Iebuti, ao N na kamaunaiia nako.

Te Otinako 24:17

Ao e karaoa arei Moote n tiku ikekei i nanon abwi te ngaina ma te bong.

Itaia 27:4

E a toki uniu. Ma N na m'ananga ni buakanna ma ni kabuokia ni kamannangnga ngkana e kariki uaana aika a kateketeke.

Itaia 30:27

E a roko te UEA man te tabo ae e raroa ma unna ae e korakora ao te bubu n nang ae matenten. E waerake uran ana taeka n un kaanga ai aron te ai ae e urub'ai;

Itaia 30:30

E na rangi ni un te UEA. E na ongo te aba b'anaana ae e kakamaaku, ao e na nooraki baina ae e tauraoi n oro, ao e na riki unna b'a kaanga te ai ae e urub'ai, ae e irianaki ma rebwen taiani baa ao taiani karau atiibu.

Itaia 30:33

N taai ake ngkoa iai te tabo ae e katauraoia te UEA i bukin kabuokakin rab'atan te uea ae e a mate. E nano nnen te ai ao e warebwerebwe, e b'aenaata te ati n rietaata, ao e na kauraa te ai te UEA ni kaotinakoa ikeikena ae te ai.

Itaia 33:14

A titiraki ma te maaku taani bure aika a buakaka ake a maeka i aon te Maunga are Tion, “Ti nang kangaa ni maeka i buakon te urarake ae akea tokina?”

Mika 2:13

E na kauka te kawai nakoia te UEA, ao E na kaotinakoia man te kataenikaiaki. A na otinako man mataroan te kaawa, ao a na kainaomataaki. E na kairiia ni kaotinakoia aia King ae bon te UEA n ti ngaia.

Mataio 15:10

Ao E weteia aomata nako Ina, ao E taku nako ia, “Kam na ongora, ao kam na ataia!

Mareko 7:14

E a manga weteia aomata nako Ina, ao E taku nako ia, “Kam na bane n ongora i Rou, ao kam na ata nanon te b'ai ae N na taekinna.

I-Rom 8:31

Ao tera ngkanne ae ti na taekinna i bukini baikai? Ngkana raora te Atua, ao antai ae kona n ekira nako?

I-Ebeto 5:17

Ma ngaia ae kam na tai baba, ma kam na ata ae tangiraki iroun te UEA b'a e na karaoaki.

Te Tua-Kaua 1:30

E na kaira te kawai te UEA ae Atuara, E na buaka i bukira, n aron are ti nooria ngke E karaoi b'aai ni kabane nakoia kaain Aikubita.

Te Tua-Kaua 20:1

Ngkana kam nang nakon te buaka, ao kam nooria b'a e korakora riki aia taanga ni buaka ami kairiribai nakoimi, ao a m'aiti riki naba aia aoti, ma aia kaa ni buaka, ma kam na aki maaku. E a tia te UEA ae Atuami ni kamaiungkami mai Aikubita, ao E na boni buokingkami ni buaka.

Te Tua-Kaua 20:4

E na buaka te UEA ae Atuami i rarikimi, ao E na buokingkami ni katokanikaingkami n te buaka.

Te Tua-Kaua 4:24

E na un te UEA ngkana kam taromauri atua tabeman, ao E kona n riki b'a te ai n tiring b'aai ni kabane ake i m'aain kawaina.

Te Tua-Kaua 7:16

Ngkana E buokingkami te UEA ni kataenikaiia ami kairiribai, ao kam na riai n tiringiia n aki manga nanoangaiia. Ao kam na aki m'ane ni manga taromauri atuaia.

Te Tua-Kaua 7:22

Ngkana kam buakaniia botannaomata aikai, ao E na waaki te UEA ni kanakoia teutana i mwiin teutana. E na bon aki katokanikaingkami te UEA i aoia n te tai ae waekoa—b'a ngkana E karaoa anne, ao a na rangi ni karako kaain te aba are a na kona ni kanakoia taiani mannikaakang.

2.I-Tetaronike 1:8

ma te ai ae ura m'aaka. E na kareke kaiia ake a aki ira nanon euangkerion ara Uea are Iesu Kristo.

Ebera 12:29

b'a Atuara ai aron te ai ae kamamate.

Iotua 11:12

E bane n taui kaawa aikai Iotua ma ueaia, ao e tiringiia aomatana ni kabane, n ai aron ana mwioko Moote are ana toro te UEA nakoina.

Iotua 11:8

Ao e anga te tokanikai te UEA nakoia Iteraera, ao a buakaniia aia kairiribai ma ni kakioia nako iaang ni karokoa Metirebotamaim, ma Titon, ao ni waerake naba ni karokoa m'aruan Mitibe. E bon waaki nako te buaka ni karokoa a bane raoi ni mate aia kairiribai.

Iotua 14:12

Ma ngaia ae ko na anganai aaba ake a tabukibuki n ai aron ana berita te UEA n te bong are I nikira iai rongorongon au tutuo, ma ake raou n te tai arei. Ti a tia ni kaongoko ngkoa b'a iai taian aintoa aika a aranaki b'a taian Anakim aika a maeka ni kaawa aika a korakora ooia akanne. Antai ae ataia ngkoa ao e na buokiira te UEA n aron Ana taeka.

Iotua 3:11

ngkana kam noora Ana Ati ni Berita te UEA ae taua taekan aonnaba b'a e ri aon te Ioretan n rimoami.

Iotua 3:14

E a tao ranin te karaanga n te tai arei b'a bon tain te tai, ao a uouota te Atiniberita ibonga rimoaia aomata,

Tani Motiki-taeka 4:14

Ao e takaarua Tebora ni kaangai, “B'araka, e a bo tain buakanakin Titera b'a E na buokiko te UEA ni kataenikaia n te bong aei.” Ao ni koauana raoi, “E a tia te UEA n ri moami ni buaka i bukimi.” Ao e kairiia ana taanga ni buaka B'araka ake 10,000 rikaaki man te Maunga are Tabora.