Te Tua-Kaua 8:2 - Te B'aib'ara

² Kam na aki m'aninga aron te UEA ngke E kairingkami i nanon te rereua i nanon 40 te ririki aika a tia n nako. E tangiria ni kakoauaa b'a kam bon tangiria n ongotaeka nakoina ma ni mwiokoia,

Te Tua-Kaua 8:2 ပူးပေါင်းရင်းမြစ်များ

Iakobo 1:3

ngkai kam ata kataan ami onimaki b'a e karika te nano m'aaka.

1.Betero 1:7

b'a e aonga n riki kataan ami onimaki, ae kakawaki riki nakon te koora ae kai mauna are e boni kataaki naba n te ai b'a ua ra, b'a kamoamoami ma neboami ma karineami ngkana E a manga oki Iesu Kristo,

Te Tua-Kaua 8:16

Ao E anganingkami naba te maana, te aekaki n am'arake ae a tuai ma ongongo taekana ami bakatibu. E kataingkami te UEA b'a kam aonga n onimakinna, b'a E aonga ni karaoa ae raoiroi nakoimi rimwi.

Te Otinako 16:4

Ao E taku te UEA nakoni Moote, “Ngkai N nang kab'aka te am'arake mai karawa kaanga te karau i bukimi ni kabane. A na otinako aomata ni katoa bong n rikoi kanaia ae bon tau i bukin anne. Ao N na kona ni kataia n te aro anne b'a a na iri au kaetieti ke a na aki.

Te Tua-Kaua 2:7

E a tia te UEA ni buokiira i nanon ririki aika 40 aika a tia n nako ngke ti mena i nanon te rereua ae korakora aei. A tia n reke iroura b'ai ni kabane aika ti kainanoi, ao E a tia naba te UEA ni kakab'aiaira ma ni kakatotokanikaira ni b'aai ni kabane ake ti karaoi.

2.Rongorongo 32:31

E ngae ngke a kanakoia aia taan uarongorongo taan kairiiri mai B'aburon b'a a na titirakina Etekia ana kanikina te UEA are e anganna, ao te Atua, e kariaia Etekia b'a e na anga are bon ana reke b'a e na tuoa ao n noora ana kakaonimaki.

Te Otinako 15:25

Ao e kakorakora n tataro Moote nakon te UEA, ao E kaota te m'akoro ni kai te UEA nako ina, ao e karenakoa te kai Moote nako nanon te ran; ao e a riki naba ni mam te ran arei. Ao te UEA, E anganiia ikekei taian tua are a na maiuakinna, ao E boni kataia naba ikekei

Iakobo 4:10

Kam na nanorinano i matan te Uea, ao ane E na karietataingkami.

Ioane 2:25

ao akea ae E kainanoia b'a e na tuangnga aroia aomata, b'a E bon ata are i nanon te aomata.

Iakobo 4:6

Ma E kabatia te akoi n anga; ao anne bukin are e kaangai te B'aib'ara.” “E rawa nakoia akana kainikatonga te Atua; Ma E angania akana nanorinano te akoaki.”

Ruka 18:14

Ao E taku Iesu, “I tuangngkami b'a e nako teuare te tia anai taekiti nakon ana auti ma raun nanona b'a a kab'araki ana bure, ma e aki reke aei iroun teuare te B'aritaio, b'a ane e karietata ao e na kamangoraki; ao ane e kamangoria ao e na karietataki.

Amota 2:10

I kaotinakoingkami mai Aikubita, ao I kairingkami i nanon te rereua i nanon abwi te ririki, ao I anganingkami abaia I-Amoraite b'a abami.

Itaia 2:17

Ngkana e roko te bong anne, ao a na bane aika a kamoamoa ni kab'akaaki. Bon ti te UEA ae e na neboaki.

Taeka n Rabakau 17:3

E tuoaki te koora ma te tirewa n te ai ao a tuoaki nanora iroun te UEA.

Taian Areru 136:16

E kairiia ana Botannaomata ri nanon te rereua; b'a akea tokin ana Tangira.

Taian Areru 106:7

A tia ara bakatibu n aki atai nanon am M'akuri ake a kamimii i Aikubita. A aki uring m'aitin am Atataiaomata; ao a rawa nakon Teuare M'aaka i Tari are Uraura.

Taian Areru 81:7

Ngke kam reke n te kaangaanga, ao kam weteai ao I kamaiungkami. I buokingkami man au tabo ni karabai are n te angibuaka ma te baa. I kataingkami i rarikini koburaken raan i Merib'a.

Taian Areru 77:11

Te UEA, N na aki m'aninga taekani baike Ko a tia ni karaoi; N na ururing baike a kamimii ake Ko karaoi ngkoa.

Iobi 33:17

E taetae te Atua nako ia b'a aonga n toki man aia bure, ao ma ni kamaiuia man te aro ni kainikatonga.

2.Rongorongo 33:12

Ngke e taua Manate b'a te taenikai ikekei, e bubutiia te UEA ae te Atua kab'araan ana bure ao buokana.

Te Tua-Kaua 13:3

Kam na aki ongo iroun te burabeti ngkana e taekini taeka aikai. B'a E na taratara te UEA ae Atuami n nooringkami b'a kam tangiria ma nanomi ao tamneimi ni kabane ke kam aki.

Te Tua-Kaua 7:18

Ma kam na katoka te raraoma. Kam na ti uringa te b'ai are karaoia te UEA ae Atuami nakon uean Aikubita.

Te Tua-Kaua 1:33

e ngae ngke E a tia ni memena iroura n te rereua. E mena te UEA i nanon te nang n te ngaina, ni kairiira nakon te tabo ike ti na nako iai, ao ni kaota naba nakoira te tabo are ti na kateimaeka iai. Ao n te tairiki, E mena i nanon te ai.

Te Tua-Kaua 1:3

Ni moanibongin te katebwimateuana n nam'akaina, n te kaabwi n ririki, ao Moote e tua b'aai ni kabane nakoia Iteraera n aron are e tuangnga te UEA.

Karikani B'aai 22:1

Ao i mwiin te tai ae aki maan, ao E a kataa Aberaam te Atua; ao E weteia ni kaangai, “Aberaam!” Ao e kaeka Aberaam, “Aio ngai!”

Te Kaotioti 2:23

ao N na kamateia natin neierei, ao ane a na bane ekaretia n ataai b'a te tia tirotiroi naano ma iango aika raba Ngai; ao N na anganingkami n tatabemaningkami nako booni mwin ami m'akuri.

2.Rongorongo 33:19

A m'aiti rongorongon Manate are e koroia Otai, n reitaki ma ana tataro ao kaekaana iroun te Atua. Ma e koroi naba ana m'akuri Manate aika a buakaka Otai i m'aain are e okira te Atua, ai uana naba ma aran taabo ake e katei iai taian bouannanti Manate, ao taabo naba ake e katei iai baangotan te aba ao taabo n taromauri i bukin Nei Atera.

Te Otinako 16:35

Ao a kang maana Iteraera i nanon 40 te ririki ni karokoa rokoia i Kanaan, are a tekateka raoi iai.

Te Otinako 20:20

Ao e taku Moote, “Kam na aki maaku, E bon ti roko te Atua ni kan kataingkami ma ni karaoingkami b'a kam na teimatoa n ongotaeka i Rouna, b'a kam aonga n aki bure.”

Warekaia Iteraera 14:33

A na tiotio nako natimi i nanon te rereua aei i nanon abwi te ririki, n rawawata i bukin ami bure n karokoa te tai are kam bane ni mate iai ngkami aikai.

Tani Motiki-taeka 2:22

ao N na aki kanakoia kairiribai aikai. N na kabonganaia b'a taani kataia Iteraera, b'a I aonga n ataia b'a a na taromauriai ma n ongotaeka irou Iteraera n aroia aia bakatibu.

Tani Motiki-taeka 3:4

E a tia Moote n tuangaia Iteraera te b'ai are a na karaoia, ao ngkai E a kabonganaia botannaomata aikai te UEA n tuoa ongotaekaia Iteraera.

Neemia 9:19

I bukin am nanoanga ae moan te korakora ao ko aki roko n te kiitaniia i nanon te rereua. Ko aki toki ni kaiririia n te nang n te ngaina ao n te ai n te tairiki.

Etekiera 20:19

I kauringiia b'a bon aia UEA Ngai ae Atuaia ai ngaia are a riai n iri nanon au Tua ma au Reirei nako.

Te Tua-Kaua 32:7

Kam na iangoi roro ake ngkoa. Titirakiniia ami karo ke ami kara. Ao ane a na tuangkami

Taian Areru 103:2

N na karaoiroa te UEA ni maiu, ao N aki m'anuoki ana akoi ni bane.

Ieremia 2:6

A rawa ami bakatibu ni buubutiai buokaia, e ngae ngke I a tia i kamaiuia mai Aikubita ma ni kairiia i nanon te rereua ae e kamaamate ae akea kain aona, ike akea ae maeka iai ke ni kataia ni m'ananga i nanona.